جیسے جیسے کھلے گھر مشہور ہوتے جا رہے ہیں، لکڑی کی آڑوں کا استعمال بڑھ گیا ہے۔ مگر ان کے ابھرنے کی وجہ کوئی بھی ہو، ہمیں یہ پسند ہیں۔
جگہ تقسیم کرنے کا ایک آسَان راستہ فراہم کرتے ہوئے یہ قدرتی روشنی کا راستہ نہیں روکتیں اور فیشن ایبل اور شاندار نظر آتی ہیں۔ یہی وجہ ہے کہ انٹیریر ڈیزائنرز نے اپنے پسندیدہ منصوبوں میں ان کا استعمال بڑھا دیا ہے۔ ہمارا خیال ہے کہ آپ یہ دیکھ کر جھوم اٹھیں گے کہ لکڑی کی آڑیں کتنی متاثر کن اور جمالیاتی نظر آ سکتی ہیں، مگر اگر آپ کو پِھر بھی کوئی شک ہے تو ان ۱۶ بے مثال اندازوں پر ایک نظر ڈالئے جو ہم نے ڈھونڈے ہیں۔
یہ ہر گھر اور ہر رہنے کے کمرے کے لیے استعمال کے قابل ہیں اور آپ کا بڑھئی انہیں آسانی سے بنا لے گا، جب تک آپ اسے چائے بسکٹ سے نوازتے رہیں۔
یہ آڑ چھوٹی سہی مگر حیرت انگیز طور پر کارآمد ہے۔ اسے منفرد اندازِ میں کاٹا گیا ہے جو بہت سی توجہ گھیرتا ہے اور رہنے کے کمرے کو کمال کے درجے پر پہنچا دے گا۔
جاپانی اندازِ کا بنا لکڑی کا سجاوٹی سامان کسی چیز سے مات نہیں کھا سکتا۔ بس اِس دلکش لکڑی کی سکرین پر ایک نظر ڈالیے جو کھل کر باہری دنیا اندر لے آتی ہے۔
یہ لکڑی کی آڑ سادہ ہے مگر ایک جدید جگہ میں کشش اور اپنایت شامل کرتی ہے۔ اور ہمیں سَجاوَٹی سامان کا اضافہ بہت پسند ہے۔
کتنا چالاک نظر کا دھوکہ ہے!
اِس لکڑی کی آڑ میں ایک ایسا شیشہ لگا ہوا ہے جس کی وجہ سے یہ تقریباً غائب ہو جاتی ہے۔ چھوٹے گھروں میں جگہ کی کمی چھپانے کا کیا ہی شاندار طریقہ ہے۔
اِس لکڑی کی آڑ کے درمیان بنا پیچیدہ ڈیزائن ایک عام سی آڑ کو خاص بنا دیتا ہے۔ ایک منفرد اندازِ بنانا کا کتنا ہی اچھا طریقہ ہے۔
سادہ اور پیاری، لکڑی کی یہ سلین روشنی روکے بغیر اور کمرے کو چھوٹا کیے بغیر اسے دو حصوں میں تقسیم کر دیتی ہیں۔
یہ مت بھولیں کہ آپ لکڑی کی آڑوں پر رنگ بھی کر سکتے ہیں۔ ہم اِس سفید ڈیزائن کے پیچھے پاگل ہو چکے ہیں۔ شاطر پٹیوں اور کارآمد شیلف کے ساتھ یہ عملی اور خوبصورت ہے۔
آج کل سبز دیواروں کا فیشن ہے تو کیوں نہ لکڑی کی آڑ کی مدد سے اسے بنایا جائے؟ ایک باورچی خانہ کتنا مکمل ہو جائے گا جب آپ اس میں کچھ جڑی بوٹیاں بھی اگا سکیں۔
لکڑی کی یہ آڑ کس قدر مختلف ہے۔
مستطیل سوراخوں والی یہ یک رنگی آڑ ثابت کرتی ہے کہ لکڑی کی آڑیں کسی بھی گھر کی سجاوٹ کے لیے بہترین ہیں۔
یہ کسی نے نہیں کہا کہ لکڑی کی آڑیں صرف سجاوٹ کے لیے ہوتی ہیں اور یہ خوبصورت، دلچسپ مثال اِس کا ثبوت ہے۔ یہ آپ کا خزانہ رکھنے کے لیے بہترین جگہ ہے اور ایک تنصیب کردہ گیلری معلوم ہوتی ہے۔
لکڑی کے بے شمار ٹکڑوں سے بنی اِس آڑ نے ہمارا دِل موہ لیا۔ مکڑی کے جالے جیسے اندازِ کو نظر اندازِ کرنا ناممکن ہے، جو بتاتا ہے کہ کہان پر ایک جگہ ختم اور دوسری شروع ہو رہی ہے۔
دلنشین! اِس شاندار لکڑی کی آڑ کے تعارف کے لیے اِس سے بہتر لفظ اور کیا ہو سکتا ہے؟ مختلف، خوبصورت اور راہدری بنانے کے لیے پر اثر، اِس لکڑی کا دلکش رنگ حیرت میں دال دیتا ہے۔
اگر آپ لکڑی کی آڑ تو لگانا چاہتے ہیں مگر اپنے گھر کی کسی دیوار سے ہاتھ نہیں دھونا چاہتے تو کیوں نہ ان دونوں کو ملا دیا جائے؟
اِس تنصیب کردہ آڑ کا ڈیزائن روشنی کی آمد و رفت کو یقینی بناتا ہے، غیر معمولی نظر آتا ہے اور دیواریں ان کی جگہ پر رہنے دیتا ہے۔
چھوٹے فلیٹوں میں لکڑی کی آڑ کا استعمال جگہ کو چھوٹا کیے بغیر تقسیم کرنے کے لیے بہترین ہے۔
یہاں ایک سفید لکڑی کی آڑ یہ کام کرتی دکھائی دیتی ہے اور بے مثال نظر آتی ہے۔
یہ سننے میں عجیب لگتا ہے مگر لکڑی کی آڑیں ایک ہی وقت میں کلاسک اور جدید نظر آتی ہیں۔
اِس رہنے کے کمرے کو لکڑی کے کچھ شہتییروں کی مدد سے کھانے کے کمرے سے خوبصورتی سے الگ کیا گیا ہے اور یہ ایک ہی وقت میں تازہ بھی لگتا ہے اور روایتی بھی۔
یہ تصویر لکڑی کی آڑوں کو روشن کرنے کا طریقہ بتاتی ہے۔ اِس تنصیب کا ڈیزائن حیرت انگیز ہے جس کے بے ترتیب کٹ اسے دلچسپ بناتے ہیں۔ پیچھے موجود روشنی ایک شاندار تاثر دیتی ہے۔
دیواروں کے بارے میں مزید تجاویز کے لیے دیکھئے: وہ ۱۷ تہیں جو آپ کی دیوار کو خوبصورت بنائیں گی۔