آپ کے دو منزلہ گھر کے لیے ۱۵ خوبصورت بیرونی حصے

Request quote

Invalid number. Please check the country code, prefix and phone number
By clicking 'Send' I confirm I have read the Privacy Policy & agree that my foregoing information will be processed to answer my request.
Note: You can revoke your consent by emailing privacy@homify.com with effect for the future.

آپ کے دو منزلہ گھر کے لیے ۱۵ خوبصورت بیرونی حصے

Resham Ejaz Resham Ejaz
 Houses by homify
Loading admin actions …

آپ کے گھر کا بیرونی حصہ آپ کی شخصیت اور گھر کے اندرونی حصے دونوں کا ترجمان ہوتا ہے۔ ہم سب جانتے ہیں کہ ایک منزلہ گھر کا بیرونی حصہ ڈیزائن کرنا بھی کتنا مشکل کام ہو سکتا ہے، دو منزلہ گھروں کو تو رہنے ہی دیں۔ ہمیں کچھ ایسا کرنا ہوتا ہے کہ اندرونی اور بیرونی حصے کے درمیان ایک مماثلت قائم ہو۔

ہم نے آپ کے لیے ۱۵ تصویریں ڈھونڈی ہیں جو دو منزلہ گھروں کے لیے بہترین ہیں۔

۱. پتھر کی دیوار

ہر دور میں خوبصورت سمجھا جانے والا ایک ڈیزائن پتھر کی بنی دیوار بھی ہے۔ اپنے گھر کی بیرونی دیوار پر مختلف سائز کے پتھر لگا کر آپ ایک منفرد وضع حاصل کر سکتے ہیں۔ پتھر کی دیواریں کسی بھی قسم کے پتھر سے بنائی جا سکتی ہیں جس کی وجہ سے آپ آسانی سے اپنے ذوق کے مطابق چناؤ کر سکتے ہیں۔

۲. بڑے بڑے دروازے

 Houses by CDR CONSTRUCTORA
CDR CONSTRUCTORA

Fachada principal

CDR CONSTRUCTORA

گھر کے بیرونی حصے کو نکھارنے کا ایک اور شاندار طریقہ بڑے بڑے دروازوں کا استعمال ہے۔ یہ دروازے لوہے کی سلاخوں سے بنائے جا سکتے ہیں اور آپ جتنا چاہیں اتنے بڑے ہو سکتے ہیں۔ یہ نہ صرف خوبصورت نظر آتے ہیں بلکہ ان کی وجہ سے ساری جگہ بڑی لگتی ہے۔

۳. سیمنٹ کی بنی دیوار

 Houses by THEROOM ARQUITETURA E DESIGN
THEROOM ARQUITETURA E DESIGN

Residência FR, Uberlândia – Projeto THEROOM ARQUITETURA

THEROOM ARQUITETURA E DESIGN

اگر آپ بیرونی دیواروں کے لیے کوئی سادہ ڈیزائن چاہتے ہیں تو سیمنٹ سے بنی دیواروں کا انتخاب بہترین ہے۔ یہ دیواریں باہر کے ماحول میں گُھل مل جاتی ہیں اور اِن کی مدد سے مختلف قسم کے ڈیزائن بنائے جا سکتے ہیں۔

۴. لکڑی کی پتریاں

فنکاری سے دلچسپی رکھنے والے لوگوں کے لیے لکڑی کی پتریاں ایک بہترین تجویز ہیں۔ ساری کھڑکیوں اور بالکونیوں کو افقی اور مختلف موٹائی کی لکڑی کی پتریوں سے ڈھک کر آپ ایک بے مثال ڈیزائن بنا سکتے ہیں۔

۵. رنگوں کا ملاپ

بیرونی حصہ ڈیزائن کرتے وقت یاد رکھی جانے والی چند اہم باتوں میں سے ایک رنگوں کا ملاپ ہے۔ ایک گہرے اور ہلکے رنگ کو ملا کر آپ ایک جدید اور فیشن ایبل وضع حاصل کر سکتے ہیں۔

۶. لکڑی کے عمودی شہتیر

اگر آپ کو قدرت سے محبت ہے اور قدرت کی کچھ خوبصورتی اپنے گھر کے بیرونی حصے میں بھی دیکھنا چاہتے ہیں تو لکڑی کے چھوٹے شہتییروں کا استعمال ایک اچھا خیال ہے۔ یہ شہتیر لکڑی کے ٹکڑوں سے بنائے جاتے ہیں جو ڈھانچے کو پائیداری عطا کرتے ہیں۔

۷. مرکزی دیوار

ایک دو منزلہ گھر کے بیرونی حصے کو خوبصورت بنانے کا ایک راستہ مرکزی دیوار کھڑی کرنا ہے۔ یہ دیواریں کسی بھی قسم کے پتھروں سے سجائی جا سکتی ہیں اور شوخ رنگوں کی مدد سے نمایاں کی جا سکتی ہیں۔

۸. تقسیم کرنے والی دیوار

زیادہ تر دو منزلہ گھروں میں ایک جیسی ہی تقسیم کرنے والی دیواریں ہوتی ہیں جن کو مرکزی حصہ بھی سمجھا جاتا ہے۔ ان دیواروں کو فنکارانہ بنانے کے لیے انہیں باقی گھر سے مختلف رنگ میں رنگا جاتا ہے۔

۹. شیشے کی دیواریں

اگر آپ اپنے گھر کو جدید بنانا چاہتے ہیں تو آپ کو گھر کی دوسری منزل پر شیشے کی دیواروں کا استعمال لازمی کرنا چاہیے۔ یہ دیواریں نہ صرف گھر میں حتی المقدور روشنی لاتی ہیں بلکہ شاہانہ بھی نظر آتی ہیں۔

۱۰. بالکونی کا جنگلہ

گھر کے بیرونی حصے کو خوبصورت بنانے کے آسان ترین طریقوں میں سے ایک اِس کی دوسری منزل کی بالکونی پر ایک خوبصورت جنگہ لگانا ہے۔ یہ ڈیزائن گھر کے بیرونی حصے کو دلکش بنائے گا اور دوسری منزل کی بالکونی کی حفاظت بھی کرے گا۔

۱۱. لکڑی اور سیمنٹ

لکڑی اور سیمنٹ جیسے دو مادے ملا کر آپ اپنے گھر کے بیرونی حصے کے لیے ایک خوبصورت ڈیزائن بنا سکتے ہیں۔ یہ دونوں مادے پائیدار بھی ہیں اور اسی لیے ڈیزائنرز کے پسندیدہ ہیں۔

۱۲. ڈیزائنر بیرونی حصہ

ایک خاص حصے کو مکمل طور پر لکڑی یا لوہے کے ٹکڑوں مدد سے ڈیزائنر اندازِ میں بنانا بہترین ہے۔ آپ ان ٹکڑوں کی مدد سے کوئی بھی ڈیزائن تخلیق کر سکتے ہیں۔

۱۳. فرش سے چھت تک پھیلی کھڑکیاں

گھر کے بیرونی حصے کو پر کشش بنانے کا ایک اور طریقہ اس میں فرش سے چھت تک پھیلی کھڑکیاں لگانا ہے۔ دوسری منزل کو مکمل طور پر ان کھڑکیوں کو ڈھانپ دینے سے آپ کے گھر کے بیرونی حصہ لاجواب لگے گا۔

۱۴. ریتیلے پتھر کی بنی دیوار

ریتیلے پتھر سے بنی دیواریں گھر کا بیرونی حصہ چمکانے کا ایک اور دلچسپ راستہ ہیں۔ گھر کی چند بیرونی دیواروں پر ریتیلے پتھر سے بنی ٹائلیں لگانے سے آپ اُنہیں سب کی توجہ کا مرکر بنا دیں گے۔ اور یہ آسانی سے آپ کے گھر کی ساری وضع تبدیل کر دے گا۔

۱۵. نرم لکڑی اور سکرینیں

گھر کا بیرونی حصہ سجانے کا ایک سستا راستہ نرم لکڑی یا سکرینوں کا استعمال ہے۔ یہ آپ کے گھر کی بیرونی دیواروں کو سورج کی تیز روشنی سے بچاتی ہیں اور ان کی وجہ سے دیواریں قدرتی نظر آتی ہیں۔

گھر کے بیرونی حصے کے بارے میں مزید تجاویز کے لیے دیکھئے: گھر کے باہر روشنی کرنے کی 15 تجاویز جو آپ کے گھر کو چمکا دیں گی۔

 Houses by Casas inHAUS

Need help with your home project?
Get in touch!

Discover home inspiration!