classic Living room by JR Arquitectos

گھر صاف رکھنے کی دس سادہ مگر مؤثر تجاویز

Hamna – Homify Hamna – Homify
Loading admin actions …

ہر کوئی گھر کو صاف ستھرا، منظم اور ترتیب وار نہیں رکھ سکتا۔ سمٹا ہوا صاف ستھرا سا گھر سب کو اچھا لگتا ہے مگر یہ کام ہر کوئی کرنا پسند نہیں کرتا۔ وقت کے ساتھ ساتھ پھیلاوہ بھی بڑھتا جاتا ہے اور ہم اسے سمیٹنا کسی اور وقت پر ڈال دیتے ہیں۔ اس سے بے ترتیبی ختم ہونے کے بجاۓ بڑھتی جاتی ہے۔                                                                               آج آپ مجھے اپنی مدد کرنے دیں۔ میں آپ کو کچھ تجاویز دینا چاہتی ہوں جس کی مدد سے آپ گھر میں بے ترتیبی سے بچ سکتے ہیں۔ بس آپ کا تھوڑا سا وقت اور توجہ درکار ہے۔

1- پکانے کے ساتھ ہی صاف کریں

صاف ستھرے باورچی خانے کا راز یہ ہے کہ آپ پکانے کے ساتھ ہی ادھر کی صفائی بھی کر لیں۔ جب تک دال گل رہی ہے تب تک تھوڑے برتن دھو لیں۔ کاموں کو بلا وجہ نہ ٹالیں کیوں کہ کھانا پکانے کے درمیان آپ انہیں مکمل کر سکتے ہیں۔

2- کمرے کی ترتیب کا خیال کریں

رات میں سونے سے پہلے وہ سب چیزیں اپنی جگہ پر رکھ دیں جو دن بھر آپ کمرے میں پھیلاتے رہے ہیں۔ اس کام میں زیادہ سے زیادہ آپ کو پانچ منٹ لگیں گے لیکن نتیجہ بہت خوش گوار نکلے گا۔

3- اگلے دن کے لیے تیاری رکھیں

یہ نکتہ بھی پچھلی بات کی طرح ہے کہ جب صبح آپ جلدی میں ہوتے ہیں، خود بھی کام پر جانا ہوتا ہے اور بچوں کو بھی سکول بھیجنا ہوتا ہے تو گھر سمیٹنے کا وقت بالکل بھی نہیں ہوتا۔ اس لیے ہر چیز کو رات میں ہی اگلے دن کے لیے تیار کر لیں.

4- ہر کمرے کو جلدی جلدی دیکھ لیں

ہر کمرے میں جا کر ایک دفع دیکھ لیں کہ کہیں کوئی چیز پھیلی تو نہیں۔ بلا وجہ کام نہ ٹالیں، اس سے بے ترتیبی بڑھتی جاۓ گی۔ اگر کمروں میں سامان زیادہ ہے تو تصویر میں دکھاۓ گۓ بستر جیسے بستر خرید سکتے ہیں.

جگہ کی کمی کے حل ادھر دیکھیں

5- میز کو صاف رکھنا مت بھولیں

modern Study/office by BoConcept Germany GmbH
BoConcept Germany GmbH

Cupertino Schreibtisch

BoConcept Germany GmbH

اگر آپ کا دفتر گھر میں ہے تو پھر اپنی میز کو روزانہ رات میں سونے سے پہلے صاف کرنا مت بھولیں کیوں کہ پھیلی ہوئی بے ترتیب میز بہت سے مسئلوں کی وجہ بنتی ہے۔ یہ کام یرنے سے آپ کی زندگی آسان ہو جاۓ گی.

6- اگلے دن کے کپڑے رات کو تیار کر لیں

  by Elfa Deutschland GmbH
Elfa Deutschland GmbH

Puristischer Einbauschrank

Elfa Deutschland GmbH

اپنے اگلے دن کام پر پہننے والے کپڑے رات کو ہی پسند کر کہ تیار کر لیں۔ اس سے نہ صرف آپ کی صبح آسان ہو جاۓ گی بلکہ آپ کام پر بھی آسانی سے وقت پر جا سکیں گے۔

7- کپڑے ہر جگہ مت پھیلائیں

  by Asia Dragon
Asia Dragon

Mobel Oak Laundry Bin

Asia Dragon

اپنے کپڑوں کو ہر جگہ مت ڈال دیں۔ یہ ایک بہت آسان بات ہے۔ گندے کپڑے ٹوکری میں رکھ  دیں اور باقی الماری میں۔ آپ کا صوفہ اور باقی فرنیچر آپ کے کپڑوں کے لئے نہیں ہے۔

8- ہمیشہ نوٹ بنائیں

ایک چیز جو ہر کامیاب انسان کی عادت ہوتی ہے وہ ہے نوٹ بنانا۔ جس چیز کی بھی آپ کو ضرورت ہے اسے ایک پرچے پر لکھ لیں اور اگلے دن کام پر جانے سے پہلے اسے ایک نظر دیکھ لیں.

9- کپڑوں کی الماری کو بہتر ترتیب دینا

ابنی درازوں اور الماریوں کو زیادہ عرصے صاف رکھنے کا راز نہیں بہتر ترتیب دینا ہے۔ اپنے کپڑوں کو اس جگہ سے دور رکھنے سے آپ ہی کا گھر پھیلے گا

10- ٹیکنالوجی اور اپنے کام کو خوابگاہ سے دور رکھیں

اگر آپ اپنے برقی آلات اور دفتر کے کاموں کو بھی اپنی خوابگاہ میں لے آئیں گے تو اس سے آپ کی نیند پر اثر پڑے گا۔ آرام دہ اور پر سکون نیند کے لیے ہر قسم کی پریشانی سے ذہن دور ہونا چاہیے۔ اس طرح آپ اگلے دن تازہ دم اٹھیں گے۔

modern Houses by Casas inHAUS

Need help with your home project? Get in touch!

Discover home inspiration!