modern Houses by Feldman Architecture

ڈیفینس میں بنا ایک خوبصورت اور پر تعیش گھر۔

Hamna – Homify Hamna – Homify
Loading admin actions …

ہمارے پڑوس میں اگر اس طرح کا کوئی گھر بنا ہو تو ہم تو  زیادہ تر ادھر ہی پاۓ جائیں گے۔ پڑوسیوں سے تعلقات مضبوط کرنے کے لیے نہیں بلکہ اس خوبصورت گھر کو سراہنے کے لیے۔ Feldman Architecture  کا بنایا ہوا یہ گھر جدت اور خوبصورتی کی اعلا ترین مثال ہے۔ یہ گھر آج کل پوری دنیا میں موجود مشہور سٹائلز سے مل کر بنا ہے۔

یہ گھر اس لیے بھی اردگرد موجود باقی بڑے اور اونچے گھروں میں ممتاز نظر آتا ہے کیونکہ اس کو بناتے ہوۓ سادگی بھری خوبصورتی پر دھیان رکھا گیا ہے۔

آج کل سب سے مشہور انداز، فورم فالو فنکشن کے طرز پر بنایا گیا یہ گھر فعالیت، سادگی اور جدت میں کامل ترین ہے۔

چلیں اب اس گھر کو مزید دیکھتے ہیں۔

مکان کا سامنے کا رخ۔

اس گھر کا سامنے کا رخ تین حصوں سے ملا کر بنایا گیا ہے۔ یہ تینوں حصے آپس میں اس خوبصورتی سے مدغم ہیں کہ یہ اپنی الگ خوبصورتی بھی ظاہر کر رہے ہیں اور مل کر ایک ہی حصہ بھی لگ رہے ہیں۔ سفید رنگ، لکڑی اور شیشے سے بنی سطحوں کی وجہ سے یہ گھر نہایت شاندار لگ رہا ہے۔ اس گھر کے ڈیزائن میں بہت زیادہ گہرائی ہے۔ دو رخی کے بجاۓ یہ گھر تین رخی نقشہ پیش کرتا ہے۔ اگلے دروازے کے سامنے لگی روشنیاں رات میں بہت خوبصورت منظر پیش کرتی ہیں۔

پچھلا حصہ۔

جیسا کہ آپ آسانی سے دیکھ سکتے ہیں کہ اس گھر کی دوسری منزل تھوڑا سا آگے نکل کر آنگن کو ڈھانپ رہی ہے۔ گھر کے پرلی طرف موجود کھڑکیوں سے اندر کا منظر اور خوبصورت آرائش با آسانی دیکھی جا سکتی ہے۔

چھت میں موجود سوراخ۔

آج کل کے جدید انداز کی بات کی جاۓ تو ماہرین کم سے کم اشیاء کے استعمال اور ضروری چیزوں کی کمی سے کھیلنا پسند کرتے ہیں۔ غور کریں گولائی میں موجود خلا سے اس جگہ کی خوبصورتی میں کس قدر اضافہ ہوا ہے اور مجموعی طور پر جدید منظر سامنے آ رہا ہے۔ اس سے دن میں روشنی اور رات میں آسمان کا منظر با آسانی دیکھا جا سکتا ہے۔

چیزیں توجہ کا مرکز۔

آپ دیکھ سکتے ہیں کہ پوری اندرونی جگہ پر کس طرح ماہرین نے توجہ کا مرکز چیزوں اور ان کی خصوصیات کو بنایا ہے۔ اس دیوان خانے کو ہی دیکھ لیں۔ اس میں موجود ہموار پتھر، شفاف شیشے اور لکڑی سے ملتا گرم احساس۔ اس کے علاوہ نرم قالین اور ٹھنڈے چاندنی رنگ کے گولے جو کہ آتش دان کے اوپر لگے ہیں۔ یہ سب مل کر ہر چیز کی علیحدہ خصوصیت کو بڑھا رہے ہیں۔

فعال باورچی خانہ۔

کوئی بھی گھر غیر عملی اور غیر فعال نہیں ہونا چاہیے۔ خاص طور پر جب بات آۓ باورچی خانے جیسے اہم حصے کی۔ اس گھر کو بناتے ہوۓ اس کے کارآمد اور عملی ہونے کا خاص خیال رکھا گیا ہے۔ اسباورچی خانے میں ذخیرہ کرنے کی جگہیں بھی بہت بڑی ہیں اور کام کرنے کی جگہ بھی کافی زیادہ رکھی گئی ہے۔ بڑے سے فریج اور کھلی اور کشادہ جگہ اس باورچی خانے کی سفائی بھی ایک مزے کا کام بنا دے گی۔

خوبصورت اشکال۔

اس پورے گھر کی آرائش میں ایک تھیم (جیومیٹرک اشکال) کو ہلکے پھلکے طریقے سے استعمال کیا گیا ہے۔ تجریدی آرٹ کے نمونے اور دوسری آرائشی اشیاء جیسا کہ یہ سیاہ اور سفید تصویر اس تھیم کے ہی مطابق ہے۔ غور کریں یہ تصویر کس طرح گول اور مستطیل اشکال سے مل کر بنی ہے۔

جیومیٹرک انداز۔

اندرونی آرائش کے لیے استعمال کردہ تھیم کی طرح آنگن میں لگا فانوس بھی گولائی میں ہے۔ اس طرح اندرونی اور بیرونی آرائش میں ایک تسلسل پیدا کیا گیا ہے۔

اگر آپ کو یہ گھر اچھا لگا ے تو یہ والا گھر بھی ضرور دیکھیں

modern Houses by Casas inHAUS

Need help with your home project? Get in touch!

Discover home inspiration!