۱۰ طریقے جو آپ کی خواب گاہ کو میگزین میں دکھائی جانے والی خواب گاہوں جیسا بنا دیں گے

Request quote

Invalid number. Please check the country code, prefix and phone number
By clicking 'Send' I confirm I have read the Privacy Policy & agree that my foregoing information will be processed to answer my request.
Note: You can revoke your consent by emailing privacy@homify.com with effect for the future.

۱۰ طریقے جو آپ کی خواب گاہ کو میگزین میں دکھائی جانے والی خواب گاہوں جیسا بنا دیں گے

Resham Ejaz Resham Ejaz
by VODO Arquitectos Modern
Loading admin actions …

مختلف سَجاوَٹی اندازوں کی ترقی کی وجہ سے آج کل گھر اور کمروں کو بہتر بنا کافی آسان ہو گیا ہے، کیوں کہ یہ ہر انسان کی انفرادی پسند پر منحصر ہے۔ مگر کوئی بھی انتخاب کرتے وقت احتیاط برتنے کی ضرورت ہوتی ہے کیوں کہ کبھی کبھار سجاوٹ ضرورت سے زیادہ بھی ہو جاتی ہے۔ 

اگر آپ اپنے کمرے کو بڑا دکھانا چاہتے ہیں تو تمام دیواروں کے لیے سفید رنگ چنیں، بالکل ویسی ہی جیسے آپ یہ رنگ دوسری سجاوٹ کے لیے چنتے ہیں۔ پھولوں سے کی گئی سجاوٹ کبھی پرانی نہیں ہوتی، تو آپ اپنے کمرے میں کچھ پھول رکھ سکتے ہیں جو برے نہیں لگیں گے۔ اِس کے علاوہ، آج کل انٹیریر ڈیزائنر زیادہ سادہ سجاوٹ پر زور دیتے ہیں کیوں کہ کم سامان سے بھی زیادہ کام لیا جا سکتا ہے۔  

ہماری آج کی آپ کے لیے تیار کردہ فہرست آپ کو بتائے گی کہ کس طرح خرچہ کیے بغیر خواب گاہ کی سجاوٹ درست طور پر کی جائے۔ ایسا لگے گا کہ آپ میگزینز میں دکھائی جانے والی کسی خواب گاہ میں رہ رہے ہیں، مگر بہت کم قیمت میں !

۱۔ سفید: دن کے کسی بھی وقت روشنی کا احساس

اِس جدید دور میں بیڈروم کو نفاست اور صفائی کا احساس دینے کا ایک شاندار طریقہ اسے سفید رنگ سے سجانا ہے۔ جس میں دیواریں، فرش، فرنیچر، سفید روشنیاں اور دوسرے لوازمات سب شامل ہیں، اور جو کم بجلی استعمال کرتے ہوئے سارا دن کمرے کو روشن رکھے گا۔

۲۔ ایک اچھا منظر حاصل کرنا

Driftwood House, Golant by Laurence Associates Modern
Laurence Associates

Driftwood House, Golant

Laurence Associates

بڑی کھڑکیوں والے کمرے کا ایک فائدہ یہ بھی ہے کہ آپ خوبصورت قدرتی مناظر سے لطف اندوز ہو سکتے ہیں۔ بستر کو اِس طرح رکھیں کہ یہ منظر آپ کے سامنے ہو تا کہ آپ جگہ کا بھرپور فائدہ اٹھا سکیں۔

۳۔ لکڑی کا فرش – ایک شاندار متبادل

لکڑی ان مادوں میں سے ایک ہے جنہیں بہت سے گھروں کے اندرونی و بیرونی حصے تعمیر کرتے وقت استعمال کیا جاتا ہے۔ مگر اِس کے علاوہ یہ کمروں کے فرش کے لیے بھی بہت اچھی رہتی ہے کیوں کہ اِس کا رنگ باقی سب مادوں کی نسبت زیادہ نرم گرم ماحول بناتا ہے۔

۴۔ ضرورت سے زیادہ سجاوٹ کرنے سے پرہیز کریں

جگہ اور سجاوٹ کے درمیان توازن حاصل کرنے کے لیے یاد رکھیں کہ آپ کو بہت زیادہ سامان نہیں رکھنا چاہیے ورنہ کمرا بہت بھرا بھرا لگے گا اور آپ ٹھیک طرح سے وہاں گزارے گئے وقت کا لطف نہیں اٹھا سکیں گے۔

۵۔ چھوٹی چھوٹی سَجاوَٹی اشیاء رکھیں

ہمیشہ ایسے سَجاوَٹی ٹکرے چنیں جو زیادہ بڑے نہ ہوں۔ پھول، تصویریں، پردے، قالین رکھنا بہتر رہے گا۔ اِس طرح آپ اچھے ذوق والی ایک سادی جگہ کا مزہ لے سکیں گے۔

۶۔ وال پیپر استعمال کریں

اگر آپ کو لگتا ہے کہ وال پیپر فیشن میں نہیں ہیں تو جان لیں کہ آج بھی بہت سے ڈیزائنر اپنے مختلف نَمونوں میں ان کا استعمال کرتے ہیں جن میں خواب گاہیں بھی شامل ہیں۔ یہ یاد رکھنا ضروری ہے کہ وال پیپر صرف ایک ہی دیوار پر استعمال کیا جائے تا کہ ضرورت سے زیادہ رنگوں اور پرنٹ سے بچا جا سکے۔

۷۔ جگہ کے کمی کا مسئلہ حَل کرنے کے لیے سفید چادروں کا استعمال

بستر بھی کمرے کی سجاوٹ میں ایک اہم کردار ادا کرتا ہے۔ تو اگر جگہ کم ہو تو ہمارا مشورہ مانیں اور بستر کے لیے سفید چادروں کا استعمال کریں کیوں کہ ان کی اور اچھی روشنیوں کی مدد سے جگہ کافی بڑی لگے گی۔ آپ کچھ رنگ حاصل کرنے کے لیے کچھ پودے بھی رکھ سکتے ہیں۔

۸۔ فانوس نفاست کی مثال ہوتے ہیں

فانوس چنتے وقت بہت سے عناصر کو دھیان میں رکھنا ضروری ہے جس میں اس کا حجم اور وہ جگہ جہاں وہ لگایا جائے گا شامل ہیں۔ اور یہ بھی بہت ضروری ہے کہ فانوس اچھے طریقے سے روشنی پھیلائے۔

۹۔ بہترین پردے چننا

پردے خریدتے وقت سب سے پہلے ذہن میں رکھی جانے والی چیز کھڑکیوں کی لمبائی چوڑائی ہے ورنہ آپ غلط سائز کا پردہ لانے جیسی بھیانک غلطی کر بیٹھیں گے۔ اپنی ضرورت کو سامنے رکھتے ہوئے یہ یاد رکھنا ضروری ہے کہ بازار میں بہت سی اقسام کے پردے ملتے ہیں جن میں سَجاوَٹی پردے بھی شامل ہیں اور بھاری پردے بھی۔ آپ کا انتخاب ان کے استعمال پر منحصر ہونا چاہیے۔

۱۰۔ نظم و ضبط سے اچھی سجاوٹ اور کوئی نہیں

بے شک سجاوٹ اہم ہے مگر اسے ترتیب سے کرنا اس سے بھی زیادہ ضروری ہے ورنہ آپ کو آخر میں سمجھ نہیں آئے گا کہ کتنا کام ہو گیا اور کتنا باقی ہے۔ 

خواب گاہ کی سجاوٹ کے بعد جانئے: چھوٹی خواب گاہوں کی دیواروں پر کرنے کے لیے بہترین رنگ۔

Modern houses by Casas inHAUS Modern

Need help with your home project?
Get in touch!

Discover home inspiration!