modern Houses by Mellani Fotografias

فرنٹ پورچ کے لئے دلکش،سادہ اور نظروں کو خیرہ کر دینے والے 15 آئیڈیاز

M Usman M Usman
Loading admin actions …

ہر کوئی یہ بات جانتا ہے کہ آپ کے مکان کا اگواڑا ہی باہر سے آنے والوں پر پہلا تاثر چھوڑتا ہے، لیکن فرنٹ کا باغیچہ اس منظر میں کتنا اہم کردار ادا کرتا ہے یہ بات کم لوگ ہی جانتے ہیں۔ یہ کام ایک شاندار فرنٹ پورچ کے ساتھ نفاست سے بنے فرش سے کیا جا سکتا ہے۔

کسی ماہر تعمیرات سے بات کریں تو اندازہ ہوتا ہے کہ گھر(مہمانوں کی نظر میں) کی تزئین و آرائش اس کے ڈھانچہ جتنی اہم ہے۔ لہذا آج ہم آپ کو کچھ سادہ مگر خوبصورت قسم کے پورچ کے آئیڈیاز پیش کریں گئے۔ ہم سمجھتے ہیں کہ ان 15 آئیڈیاز میں ہر طرز کے گھر کے لئے تجاویز موجود ہیں، لہذا دیکھئے کہ کیا آپ بھی ان میں سے کسی تجویز کو اپنے گھر کی خوبصورتی کے لئے استعمال کر سکتے ہیں۔

1. گرینائٹ کا سادہ اور نفیس فرش

اس شاندار اور پوش قسم کے پورچ میں گرینائٹ کے اضافے نے منظر کو دوبالا کر دیا ہے۔ پودوں اور بجری کی نفاست نے اس پورچ کو دلفریب بنا دیا ہے۔

2. صنعتی قسم کا انداز

پالش شدہ کنکریٹ گھر کے ڈیزائن میں اہمیت اختیار کر چکی ہے، خوبصورت مگر کم سے کم فرنٹ پورچ کے لئے یہ ڈیزائن آئیڈیل ہے۔ خاص طور پر جب آپ بیرونی دروازے کو نمایاں رکھنا چاہتے ہوں۔ 

3. کلاسیکل احساس

صاف بجری اور راستے میں رکھے گئے لکڑی کے پھٹے اس جگہ کو اتنا شاندار بناتے ہیں کہ آپ نظرانداز نہیں کر سکتے، حیران کن طور پر یہ ایک بہت کم خرچ منصوبہ ہے۔ 

4. ماربل کے متوازن رنگوں کا انتخاب کریں

دیواروں پر لگے سُرمئی رنگ کے ماربل کے ساتھ ملتے ہوئے رنگ کا فرش اس پورچ کو مکمل بناتا ہے۔  قدرتی اور متوازن انداز لئے سُرمئی رنگ  باوقار نظر آتا ہے۔

5. روایتی انداز

اگر آپ کا گھر پرانے انداز کا ہے تو فرنٹ پورچ کو ڈیزائن کرنے یہ بہترین طریقہ ہے۔  رویتی انداز کا بیرونی دروازہ اور مقامی سطح پر تیار ہونے والی ٹائلیں بہترین انتخاب ہیں۔

6. مٹی سے بنی ٹائلیں

سادہ چیزیں عام طور پر بہترین ہوتی ہیں، اسی طرح پورچ کے لئے پوری دنیا میں مقبول مٹی کی فرشی ٹائلیں حیرت انگیز آئیڈیا ہے۔ جو موسم کا مقابلہ بھی کرتی ہیں!

7. پتھروں سے بنا ترتیب وار نمونہ

گھر میں داخلے کے لئے شطرنج جیسا ڈیزائن دلچسپ ہے۔ سُرمئی ماربل میں قدرتی تبدیلیاں لاتے ہوئے یہ ڈیزائن جدید فن کا نمونہ اور خوش نما ہے۔ 

8. لکڑی کا غیر روایتی انداز

scandinavian Houses by Weber Arquitectos
Weber Arquitectos

Facahda de acceso – Casa 5

Weber Arquitectos

روایت سے ہٹ کر یہ ڈیزائن کتنا تفریح طبع اور دلچسپ ہے؟ سادہ پتھروں کے ذریعے فرنٹ پورچ کو ڈیزائن کرنے کے بجائے لکڑی کے ان تختوں کو راستے میں رکھا گیا ہے۔ اردگرد کے ماحول سے اس دیہاتی گھر کا خوبصورتی سے امتزاج کیا گیا ہے۔

9. متنوع قسم کی بناوٹ

شوخ مٹی کی ٹائلیں اس نمایاں سُرمئی راستے کو اور بھی خوبصورت اور گھر کو پر کشش بناتی ہیں، راستے کے ساتھ موجود چھوٹی چھوٹی کنکریاں اگواڑہ کی بناوٹ کو متنوع بنا رہی ہیں۔

10. داستان گو

 Terrace by Roc2c
Roc2c

Arranjos Exteriores, Calçada à Portuguesa e Muros em Pedra, Albufeira, Algarve

Roc2c

اگر آپ میں کچھ خاص کرنے کا جذبہ موجود ہے تو اس خاص انداز کو پورچ کی ڈیزائیننگ میں استعمال کریں۔ یہ چھوٹا سا گولدار ڈیزائن آپ کی شخصیت کا آئینہ دار اور اس فرنٹ پورچ کو منفرد بناتا ہے۔

11. صاف شفاف پائیدان تخیلاتی منظر پیش کرتے ہیں

گھر کے باہر موجود قطعہ زمین میں چکنے چمکیلے قسم کے چھوٹے چھوٹے پائیدان بنانا آپ کے مکان کی شان میں اضافہ کرتے ہیں۔ اس سادہ مگر خوش رنگ پورچ میں پائیدان کا اضافہ اسے ہر لحاظ سے مکمل بنا دیتا ہے۔

12. روشنی آپ کے ڈیزائن کو متوازن بناتی ہے

سیڑھیوں کے ساتھ روشنی کا اضافہ آپ کی رہائش کو خوبصورتی کے ساتھ متوازن بناتا ہے۔ راستے میں موجود روشنی آپ کو گھر کے اندر داخل ہونے سے پہلے ہی خوش آمدید کہہ رہی ہے۔

13. مختلف چیزوں کو ایک ساتھ استعمال کرنا

پورچ کو بنانے کے لئے آپ ایک سے زیادہ میٹریل بھی استعمال کر سکتے ہیں، تو لکڑی اور پتھر کے بارے میں کیا خیال ہے؟ لکڑی کے قدرتی انداز کو برقرار رکھنے کے لئے پتھر کا امتزاج بہت خوبصورت اور نمایاں ہے۔

14. بیرونی دروازے اور ٹائلز کا ایک رنگ

پورچ کے اگلے حصے میں کچھ رنگ شامل کرنا اچھا آئیڈیا ہے، جو اس تصویر میں بخوبی دیکھا جا سکتا ہے۔ دروازے کے رنگ کو مدِ نظر رکھتے ہوئے ٹائلوں کا انتخاب اس پورچ کو شاندار طریقے سے ہم آہنگ کرنے کے ساتھ  اس بات کا احساس بھی دلاتا ہے کہ اندر کا حصہ بھی یقینناً اس سے بھر کر خوبصورت ہوگا۔

15. گھر کے بنیادی سٹائل سے مطابقت

سب سے بڑھ کر اپنے گھر کے لئے ایک ایسے پورچ کا انتخاب کریں جو گھر کے ڈیزائن جیسا ہو۔ ایک دیہاتی طرز کے گھر میں روایتی انداز کی مٹی سے بنی اینٹیں پورچ کو مکمل بنا دیتی ہیں۔ جدید انداز کا پورچ بھی اس سے اچھا تاثر قائم نہیں کر سکتا۔

گھر کے اگواڑہ کو مزید خوبصورت بنانے کے لئے اس آئیڈیا بُک کو ملاحظہ کریں۔ 8 آئیڈیاز جو آپ کے فلیٹ کے داخلی راستے کو خوبصورت بنائیں۔

modern Houses by Casas inHAUS

Need help with your home project? Get in touch!

Discover home inspiration!