minimalistic Bathroom by Offcentered Architects

آپ کے گھر کی عقبی روشنیوں کے لیے ۱۰ تجاویز

Resham Ejaz Resham Ejaz
Loading admin actions …

روشنی ایک گھر کی خوبصورتی میں اہم کردار ادا کرتی ہے۔ یہ اندھیرے کونوں کو منور کرتی ہے، کام کرنے کی جگہوں کو روشن کرتی ہے اور کمروں کو خوشگوار بناتی ہے۔ جہاں دیواروں میں لگے لیمپ اور چھت میں لگے انرجی سیور کسی جگہ کے اندھیرے کو روشنی میں تبدیل کرنے کا بہترین ذریعہ ہیں وہیں کبھی ایسا وقت بھی آتا ہے جب آپ گھر کے کمرے یا حصے کو اعلی تاثر دینے کے لیے روشنی کا استعمال چاہتے ہیں۔ 

عقبی روشنیاں کسی چیز کو بغیر روشنی سے بھرے بس ہولے سے توجہ کا مرکز بنا دیتی ہیں۔ اِس آئیڈیا بُک میں ہم آپ کو گھر میں عقبی روشنیوں متعلق ۱۰ تجاویز سے آگاہ کرنے والے ہیں۔

۱۔ روشن اور رنگین چھت

classic Living room by KREATIVE HOUSE
KREATIVE HOUSE

Living Room

KREATIVE HOUSE

اِس بنیادی طور پر سفید لاؤنج کو زیادہ چھیڑے بغیر اسے رنگوں سے مزین کرنے کا ایک راستہ چھت پر چمکتی عقبی روشنی ہے، جیسا کہ اِس تصویر میں دکھائی گئی ہے۔

۲۔ ٹی وی کے گرد ایک ہالہ

ایک خوبصورتی سے ڈیزائن کردہ ٹی وی رکھنے کی جگہ کو دیوار کے پیچھے لگی عقبی روشنیوں کی مدد سے نمایاں کریں جو اِس جگہ کو جادوئی چمک عطا کریں گی۔

۳۔ باتھ روم میں نفیس عکس

تیز روشنیاں باتھ روم کو بے جان اور فعال دکھاتی ہیں۔ تو کچھ اپنائیت کا احساس لانے کے لیے آئینے کے پیچھے عقبی روشنیاں لگائیے جو سارے کو سنہری چمک میں ڈھال دیں گی۔

۴۔ بستر کے لیے ایک فنکارانہ ہیڈ بورڈ

سادہ بیڈروم کے درمیانی رنگ کبھی کبھار بیزار کن محسوس ہونے لگتے ہیں۔ عقبی روشنی والا ایک ہیڈ بورڈ کمرے کا ایک دلچسپ اور جاذب نظر عنصر ثابت ہو سکتا ہے۔

۵۔ کچن میں کام کرنے کی جگہ پر بِالواسطہ روشنی

country Kitchen by ZERO9
ZERO9

task lighting for kitchen

ZERO9

کچن کاؤنٹر کو ڈھیر ساری روشنی کی ضرورت ہوتی ہے تا کہ آپ اپنا  کام دیکھ سکیں، چاہے وہ سبزیاں کاٹنا ہو یا لیپ پھینٹنا۔ مگر اِس کا مطلب یہ نہیں کہ آپ کو خوبصورتی پر سمجھوتہ کرنے کی کوئی ضرورت ہے۔ المارون کے نیچے چمکتی عقبی روشنی آپ کے کاؤنٹر کو روشن کر دے گی اور اِس کے علاوہ کچن کے آرائشی سامان کو دلکشی سے نمایاں کرے گی۔

۶۔ داخلے پر ایک رنگین استقبال

ایک گھر کے بےکار سے داخلے کو داخلی راہ گزر یا وہاں رکھے گملوں کے ساتھ رنگین روشنیاں لگا کر خوشگوار اور پرکشش بنایا جا سکتا ہے۔

۷۔ ایک خوبصورت ڈیزائن کی طرف توجہ پھیرنا

mediterranean Garden by The White Room
The White Room

Terrace at night

The White Room

جب آپ کو اپنے گھر کے کسی خوبصورت عنصر کو نمایاں کرنا ہو تو اسپاٹ لائٹس کا استعمال کرنے کے بجائے چالاکی سے لگائی گئی عقبی روشنیوں کا استعمال کریں جو اِس جگہ کو نفاست سے بھرپور اور پراسرار بنا دیں گی، اِس بالکونی کے باغ پر بنی اِس گنبد جیسی چھت کی طرح۔

۸۔ رات کے وقت سبزے کی نمائش کرنا

باغ میں سرسبز پھول پودے ہونے کا کیا فائدہ اگر آپ اُنہیں رات کے وقت دیکھ ہی نہ پائیں؟ گملوں کے پیچھے والی دیوار پر عقبی روشنیاں لگا کر سورج غروب ہونے کے بعد اِس منظر کے حُسْن میں کھو جائیے۔

۹۔ لاؤنج کی روشنیاں

جب آپ کے لاؤنج میں ایک سے زیادہ پرکشش عناصر موجود ہوں تو آپ انہیں عقبی روشنیوں کی مدد سے ساری جگہ پر قبضہ کرنے سے روک سکتے ہیں۔ چھت کا ڈیزائن اور دیوار پر لگی بڑی سی پینٹنگ عقبی روشنیوں کی مدد سے خوبصورتی سے اکٹھے ہو جاتے ہیں۔

۱۰۔ دن کے وقت اندھیری جگہوں کے لیے ہلکی روشنی

اندھیری جگہوں پر، جہاں آپ سارے دن کے لیے تیز روشنیاں کھلی نہیں چھوڑ سکتے، عقبی روشنیوں کی مدد سے راستے کو ضرورت کے مطابق روشن کیا جا سکتا ہے۔ دیکھئے کہ اِس رہنے اور کھانے کی جگہ پر کس طرح ٹی وی کے پیچھے اور شیلف کے نیچے عقبی روشنیاں جگمگا رہی ہیں۔ 

گھر کو مزید روشن کرنے کے لیے جانیئے: روشنی کی ۷ ایسی غلطیاں جو آپ کر رہے ہیں۔

modern Houses by Casas inHAUS

Need help with your home project? Get in touch!

Discover home inspiration!