Corridor & hallway by Erina Home Staging

داخلی ہال کو تقسیم کرنے کے سات دلچسپ طریقے

Resham Ejaz Resham Ejaz
Loading admin actions …

گھر کے داخلے کو گھر کے تمام رازوں سے پردہ نہیں ہٹا دینا چاہیے۔ داخلہ اندرونی حصے کے راز چھپا دینے کے لیے ہوتا ہے اور اس مقصد کے لیے آپ کو ماہرین کی مدد چاہیے ہو گی۔ 

ہومی فائی آج آپ کے لیے گھر کے داخلے کو الگ کرنے کی آسان تراکیب لایا ہے۔ فعال ہونے کے ساتھ ساتھ یہ تجاویز گھر کی جمالیات میں بھی اضافہ کرتی ہیں۔ تو یہ ہیں گھر کے داخلے کو تقسیم کرنے کے سات دلچسپ طریقے۔

۱۔ کھلے شیلف کے ساتھ

اگر آپ جلد از جلد کھلے داخلے کا مسئلہ حل کرنا چاہتے ہیں تو آپ کے لیے کھلے شیلف بہترین رہیں گے۔ ان جگہوں کو فعال اور آرام دہ بنا کر گھر کو ایک ذاتی عنصر دیجیئے۔کیوں کہ الماریاں سفید رنگ کی ہیں، باقی کمرے کو درمیانے رنگوں سے سجایا گیا ہے۔

اس گھر کے ڈیزائنرز نے اسے جمالیاتی طور پر خوشنما بنانے کے لیے زیادہ قدرتی روشنیوں کا استعمال کیا ہے۔

۲۔ کارآمد دیوار کے ساتھ

minimalistic Living room by GRAZIANI & DICEMBRINO
GRAZIANI & DICEMBRINO

GRAZIANIDICEMBRINO CASA G+M

GRAZIANI & DICEMBRINO

یہ سامان اکٹھی کرنے والی تقسیم ہے جس میں موسیقی، ٹی وی، لائبریری اور دوسرے فعال عناصر شامل ہیں۔ گھر میں اس چلتے پھرتے شیلف کے ساتھ آپ خود بھی کچھ نیا تخلیق کر سکتے ہیں۔ اپنے تخیل کی مدد سے اسے پرکشش بنائیں اور ایک جاذب نظر داخلے کا لطف اٹھائیں۔

۳۔ ساخت کے کھیل کے ساتھ

دیواروں اور فرش کی ساخت جگہ میں بہت سا فرق لے آتی ہے۔ داخلے کو الگ کرنے کے لیے کچھ فرنیچر اور دیگر لوازمات کا استعمال کیا جا سکتا ہے۔ یہاں گھر کے داخلے کو ایک آئینے والی نفیس میز اور فرش کے اونچے ٹکڑے کی مدد سے علیحدہ کیا گیا ہے۔

۴۔ درمیانی لائبریری کے ساتھ

  by soloLibrerie
soloLibrerie

Libreria componibile bifacciale con passaggio

soloLibrerie

اگر آپ کو کتابیں پڑھنا پسند ہے اور آپ کے پاس اچھی کتابیں موجود ہیں تو ان کے لیے ایک لائبریری بنا ڈالیں۔ بجائے ایک حقیقی دیوار بنانے کےگھر کے داخلے پر کتابیں رکھنے کا ایک شیلف بنائیں۔ سفید اور کالے کا مجموعہ اس جگہ میں دور حاضر کی خوبصورتی لے آتا ہے۔

گھر کا دلکشی بڑھانے کے علاوہ یہ جدید تعمیر روایتی انداز کے بہت سے مسا‏ئل کا حل ہے۔

۵۔ پلاسٹر کی دیوار کے ساتھ

پلاسٹر کی دیوار کا اضافہ آپ کے مسائل کا ایک عملی جواب ہے۔ یہ ہر اس گھر کے لیے ایک منفرد حل ہے جو داخلے کو مکمل طور پر الگ کرنا چاہے۔ 

اس کے علاوہ یہ علیحدگی کم وقت میں حاصل کی جا سکتی ہے اور سب سے سستے طریقوں میں سے ایک ہے۔

۶۔ چھوٹے سے فرنیچر کے ساتھ

  by Extendo
Extendo

Librerie singole 6mm

Extendo

اگر آپ کا گھر چھوٹا ہے اور آپ اس میں زیادہ سامان کا اضافہ نہیں کر سکتے تو داخلے کو الگ کرنے کے لیے آپ کو بس ایک چھوٹا سا فرنیچر کا ٹکڑا چاہیے۔ اس کو درست طور پر رکھ کر آپ داخلے کو زیادہ چھیڑے بغیر باقی کا کمرہ چھپا سکتے ہیں۔ یاد رکھیں کہ یہ ٹکڑا بہت ہلکا یا بہت بڑا نہیں ہونا چاہیے۔ اگر آپ کا داخلہ اس طرح علیحدہ کیا گیا ہو تو آپ کبھی اندازہ نہیں لگا پائیں گے کہ دوسری طرف کیا ہے۔

۷۔ اگر آپ کے گھر میں ستون ہیں تو

کیا آپ کے گھر میں ایک ایسا ستون ہے جو فالتو نظر آتا ہے؟ اس کو ایسے کارآمد بنایا جا سکتا ہے۔ اس جگہ کے ساتھ ایک ہلکا ریک لگا کر اسے استعمال میں لائیں۔ اس جگہ کو چھوٹے پودے، چھوٹے مجسمے اور دیگر آرائشی سامان رکھنے کے لیے استعمال کیا جا سکتا ہے۔ یہاں یہ ایک سے زیہدہ کام کرنے والا ریک لاؤنج کو باقی کمروں سے الگ کرتا ہے۔

مزید تجاویز کے لیے دیکھیے: آپ کے گھر کے داخلے کو پِھر سے سجانے کے لیے ۱۱ تراکیب۔

modern Houses by Casas inHAUS

Need help with your home project? Get in touch!

Discover home inspiration!