classic Living room by Premdas Krishna

ایک خوبصورت اور جدید فیملی گھر۔

Hamna – Homify Hamna – Homify
Loading admin actions …

جیسا کہ آپ جانتے ہوں گے کہ درست اشیاء اور مدھم رنگوں سے جدید گھروں میں جادوئی تاثر پیدا کیا جا سکتا ہے۔ ہمارے ماہرین کا تیار کردہ یہ گھر اس بات کا منہ بولتا ثبوت ہے۔ کشادہ، روشن اور خوبصورت اس گھر میں خاکی اور سفید رنگ کے استعمال سے اس کو بہت آرام دہ اور پرسکون بنایا گیا ہے۔ لکڑی کا استعمال جا بجا کیا گیا ہے اور اس کے ساتھ اندر موجود پودے بہت تازگی بھرا احساس لا رہے ہیں۔ رنگین تصاویر، خوبصورت گلدان اور دیگر لوازمات سے یہ گھر دیکھنے کے قابل ہے۔

تازہ دم کر دینے والی جگہ۔

یہ کشادہ ہال اپنے جدید اور مختلف انداز سے بہت ہی پر کشش لگ رہا ہے۔ زمین کا سا انداز اور قدرتی اشیاء جیسا کہ پتھر، لکڑی اور پودے اس جگہ کو بہت ہی منفرد جگہ بنا رہے ہیں۔

درمیان میں موجود گڑھا جو کہ چھوٹے پتھروں سے بھرا ہوا ہے، اسے شیشے کے فرش سے ڈھانکا گیا ہے۔ اس کے علاوہ متاثر کن تصاویر اور دلکش سیڑھیاں۔۔۔ مانتے ہیں نہ کہ اس جگہ میں کسی بھی قسم کی کوئی کمی نہیں ہے۔

کشادہ اور آرام دہ دیوان خانہ۔

سفید اور کریم رنگ اس جگہ کو بہت زیادہ کشادہ اور آرامدہ بنا رہے ہیں۔ اس کے علاوہ نرم و گداز صوفے اور جدید انداز کی میز اس جگہ میں جدت کا تاثر نہایت خوبصورتی سے لا رہی ہے۔

آرائش کے لیے خوبصورت تصاویر اور فالس سیلنگ کا انتخاب کیا گیا ہے جو کہ اس جگہ کو اور زیادہ متاثر کن بنا رہا ہے۔

شیشے کا جادو۔

ہنر مندی سے لگاۓ گۓ شیشے کے پینل دیوان خانے کو باقی گھر سے الگ کر رہے ہیں۔ شیشے کے استعمال کی وجہ سے روشنی کے راستے میں رکاوٹ بھی نہیں آ رہی اور اس سے پورا گھر کشادہ اور جدت کا تاثر پیش کر رہا ہے۔

کھانے کی جگہ کا منظر۔

اگر اس رخ سے دیکھیں تو آپ کو کھانا کھانے کی جگہ با آسانی اپنے خوبصورت لکڑی کے فرنیچر کے ساتھ نظر آ سکتی ہے۔ خوبصورت فالس سیلنگ کے نیچے موجود یہ جگہ نہایت دلکش اور جدید انداز کی ہے۔

خوبصورت جگہ۔

سیڑھیوں کے دوسری طرف ٹی۔ وی دیکھنے کی جگہ بنائی گئی ہے۔ اس کے علاوہ ادھر بیٹھ کر پورا کنبہ آرام کر سکتا ہے یا کوئی کتاب بھی آرام سے پڑھی جا سکتی ہے۔                                                                                              

مختلف رنگوں کے استعمال سے اس جگہ کو بہت تازہ دم اور زندگی سے بھر پور انداز دیا گیا ہے۔

ایک منفرد اور صنعتی انداز کا دلکش گھر بھی دیکھیں۔

modern Houses by Casas inHAUS

Need help with your home project? Get in touch!

Discover home inspiration!