modern Study/office by BoConcept Germany GmbH

وہ ۹ کام جو منظم لوگ سونے سے پہلے کرتے ہیں

Resham Ejaz Resham Ejaz
Loading admin actions …

انٹیریئر ڈیزائنر آپ کو ایک خوبصورت گھر بنا کر دے سکتے ہیں مگر اسے منظم رکھنا آپ کی ذمہ داری ہے، تو اگر آپ اپنے گھر کو صاف ستھرا اور تیار رکھنے میں مشکل کا شکار ہیں تو آگے پڑھیے۔ ہم نے کچھ شاندار تراکیب ڈھونڈی ہیں جن پر منظم لوگ عمل کرتے ہیں۔ رہنے کے کمرے کو دن کے اختتام پر آرام کرنے کے لیے تیار رکھنے سے لے کر باورچی خانے کو ہمہ وقت چمچماتا دیکھنے تک، ایک منظم اور بے انتہا خوبصورت گھر سے فائدہ اٹھانا آپ کو سوچ سے زیادہ آسان ہے۔ تو ہمارے ساتھ چلیے اور اپنی ضرورت کی تمام تراکیب حاصل کیجیے۔

۱۔ کچن کو چمکا دیں

کام کرتے وقت صفائی کرنے کی بھی کوشش کیا کریں، اس طرح آپ کھانا پکانے کے بعد صفائی کی محنت سے بچ جائیں گی۔ مگر اس کے بعد بھی رات کو سونے سے پہلےسب جگہ کو اینٹی بیکٹیریل مواد سے صاف کرنا نہ بھولیں۔ جب آپ صبح اٹھیں گے تو یہ پھولوں کی مانند تروتازہ ہو گا۔

۲۔ لاؤنج کی صفائی کریں

scandinavian Living room by Arkstudio
Arkstudio

Vista da sala

Arkstudio

ریموٹ کنٹرول اس کی جگہ پر رکھنے، ٹی وی بند کرنے، سوفے پر کشن سیٹ کرنے اور کمرے سے برتن وغیرہ اٹھانے سے پہلے بستر پر جانے کے بارے میں سوچیں بھی مت۔ جگہ صاف ہو گی تو آپ گھر آتے ساتھ ہی اسے استعمال کر سکیں گے اور کمرہ ہر وقت صاف اور منظم لگے گا۔

۳۔ اگلے دن کے کھانے کی تیاری

منظم لوگوں کے لیے یہ ایک اچھی تجویز ہے۔ اگر آپ ہر شام اگلے دن کے کھانے کے لیے کچھ منٹ نکال لیں تو آپ کو اگلے صبح سب کو تیار کر کے بھیجنے کے لیے گند میں سامان تلاش کرتے نہیں گزارنی پڑے گی۔ چھوٹے چھوٹے کام بہت سا فرق لے آتے ہیں۔

۴۔ فرش سے سب کچھ اٹھائیں

شام کے وقت اپنے گھر میں ایک نظر دوڑائیں اور فرش پر جو کچھ بھی نظر آئے اسے اٹھاتی جائیں اور جلد ہی آپ کا گھر کہیں زیادہ صاف نظر آئے گا۔ آپ اس کام میں باقی گھر والوں کو بھی شامل کر سکتی ہیں، بس ان سے کہیں کہ اپنا اپنا سامان اٹھا لیں۔

۵۔ کام کرنے کی جگہ کو ترتیب دیں

modern Study/office by BoConcept Germany GmbH
BoConcept Germany GmbH

Cupertino Schreibtisch

BoConcept Germany GmbH

ایک کے اوپر ایک چائے کے کپ، جگہ جگہ بکھرے کاغذات اور ہر جگہ چپکے نوٹس کی وجہ سے گھر میں بنے آفس بہت جلد گندے اور غیر منظم ہو جاتے ہیں، مگر اگر آپ کو ایک صاف اور کارآمد جگہ چاہیے تو آپ کو اسے ہر شام ترتیب دینا ہو گا۔ اگلے دن اپنے بیٹھنے کے لیے ایک صاف ستھرا ڈیسک چھوڑیں اور جلد ہی آپ دیکھیں گے کہ آپ کے کام میں بھی بہتری آئے گی۔

۶۔ اگلے دن کے کپڑے ہینگ کریں

  by Casa de Valentina
Casa de Valentina

LAVANDERIA ORGANIZADA

Casa de Valentina

ہمیں حیرانی ہے کہ کچھ لوگ اتنے منظم ہوتے ہیں کہ ایک رات پہلے اگلے دن کے لیے اپنے کپڑے چن کر ہینگ بھی کر لیتے ہیں مگر یہ ان کے کام بھی آتا ہے۔ آپ کو ساری الماری میں گھس کر اسے گندا سندا چھوڑنے کی ضرورت نہیں ہو گی اور آپ بس کمرے سے باتھ روم اور باتھ روم سے سیدھے کام پر جائیں گی۔

۷۔ سارے گندے کپڑے ان کی ٹوکری میں ڈالیں

  by Asia Dragon
Asia Dragon

Mobel Oak Laundry Bin

Asia Dragon

ہم سب کے گھر میں وہ جگہ ہوتی ہے جہاں ہم اپنے گندے کپڑے رکھتے ہیں، مگر کوئی کرسی یا فرش کا کوئی حصہ استعمال کرنے کے بجائےان سارے کپڑوں کو ان کے لیے مخصوص ٹوکری میں رکھیں۔ یہ آپ کے گھر کو کہیں زیادہ منظم، اچھی خوشبو والا اور سمجھ دار لوگوں کے گھر جیسا نظر آئے گا۔

۸۔ اگلے دن کرنے والے کاموں کی ایک لسٹ بنائیں

دیوار میں لگا ایک سادہ تختہ سیاہ آپ کو اگلے دن کیے جانے والے کام جاننے میں مدد دے گا۔ آپ اس سے بڑھ کر ایک پوری دیوار پر کالا رنگ کر سکتے ہیں تا کہ خاندان کے سارے لوگ اپنی اپنی لسٹ بنا سکیں اور یاد رکھنے والی چیزیں لکھ سکیں۔

۹۔ صاف کپڑے لٹکائیں

ہم میں سے کتنے ہیں جو صبح پہننے کےلیے کپڑے ڈھونڈتے وقت سب سامان نکال باہر کرتے ہیں؟ اگر آپ وہ سب سامان دوبارہ ہینگ کرنا یاد رکھیں تو یہ مسئلے والی بات نہیں، مگر اگر آپ گھر سے آنے تک کے لیے انہیں ایسے ہی چھوڑ دیں ، تو واپس آ کر بھی آپ کا انہیں اٹھانے کو دل نہیں کرے گا اور آپ کا سامان ہمیشہ کے لیے فرش پر ہی رہ جائے گا۔ اس کام کو اپنے لیے آسان بنائیں اور سب کچھ اسی وقت واپس لٹکائیں۔

اس آئیڈیا بک پر بھی ایک نظر ڈالیں: سیڑھیوں کے نیچے والی جگہ کے لیے ۱۴ شاندار تجاویز۔

modern Houses by Casas inHAUS

Need help with your home project? Get in touch!

Discover home inspiration!