شاندار تجاویز سے بھرا ایک جدید گھر

Resham Ejaz Resham Ejaz
homify Bedroom
Loading admin actions …

گھر کو خوبصورت بنانے کے لیے جدید ڈیزائن، فیشن ایبل فرنیچر اور پرکشس رنگوں کی اہمیت سے کوئی انکار نہیں کر سکتا۔ مگر یاد رکھیں کہ اس سب کو دلکشی سے اکٹھا کیا جانا چاہیے۔ آپ اس رہائش گاہ سے بھی تجاویز حاصل کر سکتے ہیں، جسے حیدر آباد کے انٹیریئر معماروں نے ایک بڑے پاکستانی خاندان کے لیے ڈیزائن کیا ہے۔ یہاں عام جگہوں پر پرسکون رنگوں کی اجارہ داری ہے تو کچن میں ایک شوخ سرپرائز موجود ہے۔ خوبصورت اور فعال خواب گاہوں میں بھی زندہ دل رنگ نظر آتے ہیں۔ سامان رکھنے کی جدید جگہیں، جمالیاتی روشنیاں اور آرام دہ سامان اس گھر کو نظارے کے قابل بنا دیتے ہیں۔

پرسکون رہائش

سفید اور کریم رنگ لاؤنج اور ڈائننگ کا احاطہ کیے ہوئے ہیں جبکہ گہرے رنگ کی لکڑی جگہ جگہ اس رنگ کا حصار توڑتی نظر آتی ہے۔ روشنی ضرورت کے لیے کافی بھی ہے اور پرسکون بھی۔ کشن اور قالین اس ماحول میں رنگوں کا اضافہ کرتے ہیں۔

رنگ اور اپنائیت

دیواروں پر لگی گہری لکڑی اور جدید نارنجی سوفے اس جگہ کو خوشگوار اور آرام دہ بنا دیتے ہیں۔ جامنی کشن اور چمکدار نیلی پیلی میزیں ایک زندہ دل ماحول کی تخلیق میں معاون ثابت ہوتی ہیں۔ قالین فنکارانہ ہے اور بڑی بڑی کھڑکیاں قدرتی روشنی کی خاصی مقدار اندر لے آتی ہیں۔

بچکانہ کچن

سبزی مائل پیلے رنگ کی کثرت اس بھورے اور سفید کچن کو منفرد انداز میں شوخ بناتی ہے، اور اسے کچھ بچکانہ انداز عطا کرتی ہے۔ سٹیل کا جدید استعمال اور گرینائٹ سے بنے کاؤنٹر اس جگہ میں نفاست اور آرام کا اضافہ کرتے ہیں۔

عمدہ خواب گاہ

ایک بڑے اور فیشن ایبل لکڑی کے بیڈ کے ساتھ جدید سفید اور نیلی کرسیاں اس جگہ کو آرام دہ اور نرم گرم بناتی ہیں۔ رنگ برنگے پرنٹڈ کشن جگہ میں تازگی لے آتے ہیں اور ایسے نمونے قالین اور وال پیپر پر بھی موجود ہیں۔

تازہ اور جدید

کریم اور سفید رنگ اس کشادہ بیڈ روم پر چھائے ہیں اور انہیں چھت پر لگی بلاواسطہ روشنیوں نے نمایاں کیا ہے۔ صاف فرنیچر اور لکڑی کا استعمال اس جگہ کو آرام دہ بناتے ہیں جبکہ کمبل، کشن اور دیوار پر لگا فن پارہ رنگوں کا اضافہ کرتے ہیں۔

دوسری طرف سے بیڈ کے سامنے موجود بڑی سی جگہ نظر آتی ہے جہاں سامان رکھنے اور دکھانے کے لیے شیلف اور الماریاں بنی ہیں۔ الماری مختلف شکلوں کے سفید اور بھورے رنگوں کے تختوں سے مل کر بنی ہے۔

آرام دہ سادگی

سفید اور بھورے کے امتزاج سے بنا یہ بیڈ روم نہایت سادہ ہے مگر پھر بھی نفیس اور اپنائیت بھرا نظر آتا ہے۔ عقبی روشنیاں، شوخ سرخ کشن اور شیشے کی کھڑکیوں سے گھری دیوار ایک پرسکون اور خوابناک ماحول بناتی ہیں۔

نفاست کی نئی تعریف

سفید، سرمئی اور لکڑی کے بھورے رنگ کو ملا کر اس بیڈ روم میں ایک منفرد نفاست حاصل کی گئی ہے۔ خوبصورت کمبل، اچھوتے لیمپ اور سادہ سی پینٹنگ اس جگہ کی قدروقیمت میں  اضافہ کرتے ہیں۔ دیواروں میں لگی الماریوں کی ساخت دلکش ہے اور شیشے کی لڑیاں خواج کا سا سماں بناتی ہیں۔

ایک اور سفر پر چلیے: پشاور میں بنا ایک جدید اور متحرک گھر۔

Need help with your home project?
Get in touch!

Highlights from our magazine