by homify

اپنے باغ کی خود آرائش کرنے کے 11 طریقے

زنیرہ رئیس زنیرہ رئیس
Loading admin actions …

کیا کبھی اپنے باغ کو دیکھ کر آپ کو خیال آیا ہے کہ اسکی رعنائی اوردلکشی کو بڑھایا جا سکتا ہے۔ یہ خیال تقریباً ہم سب کو ہی آتا ہے۔ اسلیئےہم نے آپ کے لئے کچھ سادہ مگر حیران کن طور پرموثرطریقے ڈھونڈے ہیں جو آپ نا صرف خود آزما سکتے ہیں بلکہ ایک ہی ہفتہ وارچھٹی میں اِن پر مہارت بھی حاصل کر سکتے ہیں۔ اسکے لئے آپ کو باغبانی کا ماہر ہونا ضروری نہیں۔ آپ خود دیکھ سکتے ہیں کہ کِسطرح یہ سادہ مگر شاندارطریقے گھر سے باہر کسی بھی جگہ کو زندگی اوردلکشی سے بھر سکتے ہیں۔ اگر آپ کو آرٹ سے تھوڑی سی دلچسپی ہے تو آیئے دیکھئے اِن طریقوں میں سے آپ کون سے آزمانا چاہیں گے؟

ایک ہی رنگ کا استعمال

پرانے کنستروں اورڈبوں کو سفید رنگ سے پینٹ کر کےاسمیں پودے لگادیئے جائیں تو آپ کے باغ میں سفید اور سبزرنگ کا ایک حسین امتزاج پیدا ہو جائے گا۔ اسکے لئے آپ کو صرف ایک  نم روک (واٹر پروف) سفید پینٹ کے ڈبے اور پینٹ برش کی ضرورت ہوگی۔ اگر آپ کو سفید اورسبزرنگ کا امتزاج پسند نہیں تو آُپ کوئی بھی شوخ رنگ استعمال کر سکتے ہیں۔

نامیاتی کھاد کا ڈبہ بنائیں

اسکے لئے آپ کو صرف کچھ پتلی لکڑیاں، چند پیچ اورلکڑی پر ہوجانے والاپینٹ درکار ہوگا اور آپ کے پاس ایک کارآمداورہمہ وقت دستیاب کچرا دان دستیاب ہو جائے گا جس میں آپ باغ میں گرے فالتو پتے اور بچاہوا کھانا وغیرہ ڈال سکتے ہیں ۔ اِن سے بننے والی نامیاتی کھاد سے آپ کے باغ کے پھل پودے خوب پھلیں پھولیں گے۔

چھٹائی/تراشی کی کِٹ تیار کریں

چھٹائی، تراشی کے آلات کی کِٹ تیار کر کے آپ باغ کی صفائی ستھرائی کے کام کو آسان بنا سکتے ہیں۔ گھر میں پڑے کسی بھی پرانے ڈبےکو خوبصورت سا رنگ کریں اور اسمیں اپنے دستانے، جھاڑیاں وغیرہ کاٹنے کی قینچی اوردوسرے آلات جو آپ استعمال کرتے ہوں اسمیں رکھ دیں تاکہ جب بھی آپ کو اپنے باغ کی صفائی کرنی ہو تو آپ کو ڈھونڈنا نہ پڑے اور وہاں سے اُٹھا کراستعمال کرلیں۔

دیوار پر گملے لگائیں

آپ اپنے باغ کی دیواروں کا زیادہ سے زیادہ استعمال اسطرح کر سکتے ہیں کہ کسی بھی تار کی مدد سے اُن پر گملے لگادیں۔ آپ پرانے، بد حال گملوں کو پینٹ کر کے بھی انکا خوبصورت اور قدیمی تاثر دے سکتے ہیں۔

متروک/پارینہ چیزوں کو باغ کی سجاوٹ کے لئے استعمال کریں

کبھی کبھار کباڑخانوں اور پرانے سامان کی خرید وفروخت والی جگہوں پر جایا کیجئے۔وہاں سے آپ کو کچھ ایسی نایاب چیزیں مل سکتی ہیں جو آپ کے باغ کو مزید دلکش بنا سکتی ہیں۔  جیسا کہ پرندوں کے پرانے پنجرے یا کوئی بھی ایسی چیز جسمیں آپ ایک چھوٹی لائٹ یا موم بتی رکھ سکیں۔اِس سے آپ کے باغ کو ایک جادوئی اور شاندارتاثرملے گا اور کوئی بھی تعریف کئے بغیر نہیں رہ سکے گا۔

اپنے میز کے لئے سینٹر پیس تیار کیجیئے

اگر آپ کے باغ میں کوئی میز پڑا ہے تو کیوں نہ اسمیں کوئی سینٹر پیس رکھ دیں۔ کسی بھی پرانی ناکارہ بوتل یا ڈبے کو استعمال کریں اور اسمیں اپنے باغ کے ہی پھول سجائیں۔ دیکھنے والے آپکے سلیقے کی داد دیئے بغیر نہیں رہ سکیں گے۔

مرکزی دروازے پر لگے گول گلدستے کے بارے میں کیا خیال ہے؟

جب ہم باغ کی چیزیں استعمال کرنے کے بارے میں بات کرہی رہے ہیں تو زمین پر گرے جھاڑیوں، درختوں کی ٹہنیوں اور سوکھے پھولوں سے بنےگول گلدستے کے بارے میں کیا خیال ہے؟ایسا گول گلدستہ بنا کر آپ اپنے گھر کےمرکزی دروازے پرلگا سکتے ہیں۔ اسکابازار میں دستیاب گول گلدستوں جیسا خوبصورت ہونا ضروری نہیں کیونکہ بے ترتیبی سے اسکے ہاتھ سے بنے اور قدرتی ہونے کا احساس ہوگا۔

پرانے ٹائروں سے گملے بنائیں

لوگ ہمیشہ اپنے پرانے ٹائروں سے چھٹکارا پانا چاہتےہیں ۔ لیکن جب آپ کو یہ معلوم ہوگا وہ پینٹ ہوکر کتنے خوبصورت لگتے ہیں تو آپ انکوانوکھے اورمنفرد گملوں کے طور پر استعمال کرنے کے بارے میں سوچیں گے۔ آپ مختلف اُونچائیوں کا تاثر دینے کے لئے انکو ایک دوسرے کے اُوپربھی رکھ سکتے ہیں۔

لکڑی کی پٹیوں سے سجاوٹ

باغ کی ازِسر نوآرائش کے لئے لکڑی کے پتلی پٹیوں کا استعمال ایک سادہ اور بہت ہی جلد ہونے والا طریقہ ہے۔ لکڑی کی پٹیاں لیں۔ انکو پینٹ کریں اور لٹکنے والے ڈبہ گملے اُن میں لگادیں۔ یہ بہت ہی خوبصورت لگے کا اور اگر پٹیاں مفت میں مِل جائیں توآپ کا کوئی خرچہ بھی نہیں آئے گا۔

کیک کے پرانے سانچوں میں خود افزائش باغ تیار کریں

اپنے کیک کےپرانے سانچوں کو پھینکے کی بجائے انکو ایک بارچیک کر لیں کہ آیا وہ استعمال کے قابل ہیں؟ اگر جواب ہاں میں ہے تواسمیں ناگ پھنی( کیکٹس) لگادیں۔ یہ آپ کے آنگن میں پڑے میز کی سجاوٹ کے لئے بالکل ٹھیک رہے گا ۔ نا صرف یہ خوبصورت لگے گا بلکہ اسکو آپ کی زیادہ توجہ اور دیکھ بھال بھی درکار نہیں ہوگی۔

بجلی کے پرانے بلب استعمال کریں

اورآخر میں ہمارے پاس آپ کے لئے ایک روشن آئیڈیا ہے۔  بجلی کےکسی پرانے بلب کولیں اسمیں سے فتیلے( برقی ریشے ) کو نکالیں ، پانی سے بھریں اور بس!خوبصورت بلب گلدان تیار ہیں۔ اسکے پیندے میں ربڑ کا حلقہ گوند سے چپکادیں تاکہ اسکو مضبوطی اورتوازن مل سکے۔

modern Houses by Casas inHAUS

Need help with your home project? Get in touch!

Discover home inspiration!