غیر دلچسپ خوابگاہ کو دلچسپ بنانے کے 10 متاثر کن خیالات

Request quote

Invalid number. Please check the country code, prefix and phone number
By clicking 'Send' I confirm I have read the Privacy Policy & agree that my foregoing information will be processed to answer my request.
Note: You can revoke your consent by emailing privacy@homify.com with effect for the future.

غیر دلچسپ خوابگاہ کو دلچسپ بنانے کے 10 متاثر کن خیالات

Hamna – Homify Hamna – Homify
 Bedroom by Loft Design System Deutschland - Wandpaneele aus Bayern
Loading admin actions …

ہم میں سے ہر کوئی ایک ایسا گھر چاہتا ہے جس کو دیکھنے کے بعد ہر آنے والا مہمان اس کی تعریف کرتا رہے۔ اس مقصد کے لیے بہت سے لوگ اندرونی آرائش کے ماہرین کی مدد بھی لیتے ہیں۔ مگر زیادہ تر لوگ جو کہ آرائشی اشیاء اور رنگوں اور انداز میں اچھا ذوق رکھتے ہیں، وہ اس طرح کے کام خود ہی سر انجام دینے کو ترجیح دیتے ہیں۔

اس حوالے سے تھوڑی بہت بھی جان پہچان رکھنے والا شخص جانتا ہو گا کہ ضروری نہیں کہ کسی جگہ کو سجانے کے لیے مہنگی آرائشی اشیاء اور فرنیچر کا استعمال کیا جاۓ، بلکہ اگر صرف درست رنگوں اور انداز کا ہی اچھا انتخاب کر لیں تو اس کے نتائج بھی بہت بہترین نکلیں گے۔

گھر کے ہر حصے کی طرح خوابگاہ میں بھی یہی اصول لاگو ہوتا ہے۔ اور ویسے بھی خوابگاہ آپ کے اپنے ذوق کے مطابق ہونی چاہیئے کیوں کہ یہ گھر کا وہ حصہ ہے جسے آپ بہت پرسکون اور آرام دہ رکھنا چاہتے ہیں۔

اسی سلسلے میں آپ کی مدد کرنے کے لیے ہم لاۓ ہیں 10 ایسے انداز جو یقیناً آپ کو اپنی خوابگاہ کی سجاوٹ میں مدد کریں گے۔

1. ​سفید کی خوبصورتی

خوبصورت سفید رنگ کا بستر اور اس کی ہم رنگ باقی آرائشی اشیاء اس پورے کمرے پر چھائی ہوئی ہیں۔ اور جیسا کہ آپ جانتے ہی ہوں گے کہ سفید رنگ خود بخود کشادگی کا احساس پیدا کرتا ہے۔ اس کی مثال آپ اس تصویر میں دیکھ سکتے ہیں۔

2. ​حسین ترین سیاہ

 Bedroom by Loft Design System Deutschland - Wandpaneele aus Bayern
Loft Design System Deutschland – Wandpaneele aus Bayern

3D Wandpaneele aus Gips; Design Nr. 21 SAND STORM

Loft Design System Deutschland - Wandpaneele aus Bayern

ایک گلیمرس خوابگاہ بنانے کے لیے سیاہ رنگ سب سے بہترین ہوتا ہے۔ تصویر میں دکھائی گئی اس جدید  خوابگاہ کا سیاہ فرش اور دیواریں سفید بستر اور دیگر اشیاء کے ساتھ مل کر دلکش ترین کنٹراسٹ پیش کر رہی ہیں۔ اس کے علاوہ ادھر رکھا گیا شیشے کا مجسمہ اس کمرے کی شان ہی نرالی کر رہا ہے۔

3. ​وضع دار

سب سے پہلے تو آپ اس بڑے سے فانوس کو دیکھیں۔ جب اس کی خوبصورتی سے باہر نکل جائیں تو پھر اس خوبصورت مگر سادہ سے بستر پر نظر ڈالیں۔ اور اب اس پورے کمرے پر طائرانہ نظر دوڑائیں۔ کیا آپ کو کہیں کوئی کمی نظر آئی؟ نہیں نا۔۔۔ بس پھر آپ کے کمرے کے لیے یہ انداز کیسا ہے؟

4. ​رنگوں اور ٹیکسچر کی اہمیت

کمرے کو متاثر بنانے میں رنگوں اور ٹیکسچر کی بہت اہمیت ہوتی ہے۔ جیسے ادھر اونی غالیچہ، شیشے کا فانوس، مخملی چادر اور لکڑی کا فرنیچر ہے۔

5. ​پردوں کی اہمیت

آج کل زیادہ تر لوگ سستے کے چکر میں پردوں کے بجاۓ فروسٹڈ شیشے کی کھڑکیاں استعمال کرتے ہیں مگر جب آپ کو خوبصورتی اور کلاس چاہیئے ہو تو پردوں کا استعمال لازمی ہوتا ہے۔

6. ​دلکش اور منفرد انداز

اس کمرے میں بستر اور اس کے ساتھ لگے ہیڈ بورڈ پر غور کریں۔ اس کے دونوں اطراف میں لگے شیشے ان کی شان میں کتنا اضافہ کر رہے ہیں نہ۔ اس کے علاوہ چھت تک کی کھڑکی اور لٹکتا ہوا فانوس۔۔۔ کیا اس سے زیادہ جدید انداز کوئی چاہے گا؟

7. ​خوبصورت لیمپ

اس سادہ سی خوابگاہ میں مرکزی آرائشی شے ادھر موجود حسین لیمپ ہیں جو کہ پورے کمرے میں مدھم روشنی پھیلا کر اسے خوبصورتی عطا کر رہے ہیں۔

8. جدید اور دلکش

اس پورے کمرے میں کسی بھی غیر ضروری شے کا اضافہ نہیں کیا گیا ہے۔ بس دیوار سے دونوں اطراف میں لٹکے فانوس اور خوبصورت چمڑے کا کاؤچ ہی کافی ہیں۔

9. زنانہ انداز

 Bedroom by Samarina projects
Samarina projects

Дизайн коттеджа Воздушный зефир

Samarina projects

مدھم گلابی اور سفید رنگ سے سجا یہ کمرہ داخل ہوتے ہی ساتھ اس بات کا اعلان کرے گا کہ کسی لڑکی کا کمرہ ہے۔ اس کی ہر شے سے نزاکت اور دلکشی ٹپک رہی ہے جو لڑکیوں کا خاصہ ہوتی ہے۔

10. ​روایتی انداز

دیکھیں اس روایتی انداز والی خوابگاہ میں روشنی کے اضافے سے کتنی خوبصورتی پیدا ہو گئی ہے۔ اور ماحول میں دلکشی لانے کے لیے پھولوں کا استعمال تو بہت ہی زبردست ہے۔

خواب گاہ کے ڈیزائن میں کی جانے والی عام غلطیاں دیکھیں.

 Houses by Casas inHAUS

Need help with your home project?
Get in touch!

Discover home inspiration!