Terrace by Uptic Studios

بہترین انداز میں پینٹ شدہ باغ کے فرنیچر کے لیے ۱۰ تراکیب

Resham Ejaz Resham Ejaz
Loading admin actions …

سورج کی پہلی کرنوں کے ساتھ باغوں کا موسم شروع ہوا۔ اب وہ مہینے گزر گئے جب آپ نے اپنے باغ کا فرنیچر سٹور میں رکھ چھوڑا تھا۔ ٹھنڈ میں باہر بیٹھنا بھلا کسے پسند ہے؟ آخر کار اب ہم باہر کی تازہ ہوا کا لطف اٹھا سکتے ہیں۔ مگر یہ سب شروع کرنے سے پہلے ہمیں دیکھنا ہو گا کہ ہماری کرسیاں اور میزیں سردیاں جھیل بھی پائیں یا نہیں۔ آخر کو اس سال بھی سب فرنیچر کو بہترین نظر آنا چاہیے، کیا خیال ہے؟ کچھ تیاری اور باغ کے فرنیچر پر نیا رنگ کرنے کی ان ۱۰ عملی تجاویز کے بعد آپ کی موسم کا مزا لینے کی خواہش میں کوئی رکاوٹ باقی نہیں رہے گی۔ خواہ وہ تیز رنگ ہوں، ہلکے ہوں یا دھندلے، ہمارے پاس سب کے لیے حل موجود ہے۔

۱۔ نیا روغن براہ راست نہ لگائیں

 Terrace by CATO creative
CATO creative

Rear Garden

CATO creative

خود کرنے والا منصوبہ شروع کرنے اور باغ کے فرنیچر کو نیا کرنے سے پہلے ظاہر ہے کہ آپ کو ضروری سامان کی ضرورت ہو گی۔ ایک اچھے برش کے ساتھ آپ کہیں بہتر نتیجہ حاصل کریں گے۔ مگر مناسب بنیادی رنگ لگانے سے پہلے آپ کو ریگ مال کی مدد سے فرنیچر کو پچھلے رنگ سے پاک کرنا ہوگا۔ رنگ کی آخری تہہ پر پرائمر لگانے سے وہ پکا ہو جاتا ہے۔

۲۔ برش کے بجائے سپرے کی مدد سےرنگ کریں

ہم پہلے دیکھ چکے ہیں کہ لکڑی کے فرنیچر پر کام کیسے شروع کرنا ہے۔ مگر ہر مادے پر اس طرح کام نہیں کیا جا سکتا۔ جیسا کہ دھاتی مواد کے لیے برش کے بجائے سپرے سے رنگ کرنا زیادہ بہتر رہے گا۔ ان کی مدد سے سب حصوں پر ایک جیسا رنگ ہوتا ہے اور چھوٹے چھوٹے حصوں پر رنگ کرنا بھی مشکل نہیں رہتا۔ اس کے علاوہ سپرے پینٹ دوسرے رنگ کی نسبت جلدی سوکھتا ہے۔ یہ جدید اور صنعتی انداز کی میز کرسیوں کے لیے بہترین ہے۔

۴۔ ہر مادے کی اپنی ترجیحات ہوتی ہیں

ظاہر ہے تجدید و تعمیر کے لیے ہر مادے کی اپنی ترجیحات ہوتی ہیں۔ کچھ ایسے روغن ہیں جو پلاسٹک کے علاوہ ہر سطح کے ساتھ چل جاتے ہیں مگر بہترین نتائج مواد اور فرنیچر کی مناسبت سے کیے گئے رنگ سے ہی حاصل کیے جا سکتے ہیں۔ جیسا کہ جالی والے فرنیچر کے لیے سپرے پینٹ بہت اچھا ہے کیوں کہ وہ ہر کونے میں جا پہنچتا ہے۔ برش سے یہ کام مشکل ہو سکتا ہے۔ مگر لکڑی کے سامان کے لیے برش بہتر ہے۔

۴۔ زنگ سے حفاظت مت بھولیں

 Terrace by Uptic Studios
Uptic Studios

Upper Falls Condo 603

Uptic Studios

ظاہر ہے ہم کسی وجہ سے ہی سرد اور بارش والے مہینوں میں اپنے با کا فرنیچر چھپا دیتے ہیں۔ چاہے وہ کسی سائبان تلے ہو یا کسی سٹور میں۔ ایسا موسم نہ صرف فرنیچر کا رنگ خراب کرتا ہے بلکہ اس کی وجہ سے میز کرسیوں کے لوہے والے حصوں پر زنگ بھی لگ جاتا ہے۔ اسی وجہ سے زنگ سے حفاظت مت بھولیں۔ اگر آپ کی میز لوہے کی ہے یا کرسیوں کا کچھ حصہ لوہے کا ہے، ت اپ کو ان پر ایسا پینٹ کرنا چاہیے جو زنگ سے حفاظت کرے۔ آج کل ایسے رنگ ایک بڑی تعداد میں موجود ہیء۔ ایسے آپ کے باغ کے فرنیچر کی خوبصورتی پر ایک لمبے عرصے تک کوئی داع نہیں آئے گا۔

۵۔ اچھی تیاری سب کچھ ہے

چاہے آپ اپنے باغ کے فرنیچر پر برش سے رنگ کریں یا اسے سپرے پینٹ سے چمکائیں، اچھی تیاری ہمیشہ سب کچھ ہوتی ہے۔ آپ کے فرنیچر کے آس پاس ہمہ وقت صفائی کے لیے کپڑا موجود ہونا چاہیے اور نیچے بھی کوئی کپڑا ہونا چاہیے۔ کوئی بھی اپنی زمین کو آلودہ نہیں کرنا چاہے گا۔

۶۔ اختتام کس چیز سے کریں؟

بہت سے صنعت کار مختلف اقسام کے رنگ اور پینٹ پیش کرتے ہیں: سادہ، چمکدار، بناوٹی، دھاتی وغیرہ۔ مگر یہ ضرور سوچیں کہ میرے باغ اور ٹیرس کے فرنیچر کے لیے کون سا رنگ درست ہے؟ یہ ہمارے باغبانوں کی نصیحت ہے۔ جب تک رنگ آپ کے ڈیزائن کے ساتھ اچھا لگے اور درست اقدام پر عمل کرتے ہوئے کیا گیا ہو، نتیجہ آپ کی پسند کا ہی ہو گا۔

۷۔ دہرا رنگ لگانا آپ کے باغ کو بہتر بناتا ہے

 Terrace by Des Ewing Residential Architects
Des Ewing Residential Architects

Restoration of Edwardian Home with Extensive Additions Blended Seamlessly

Des Ewing Residential Architects

لکڑی کا فرنیچر خاص طور پر رنگ جذب کر لیتا ہے تو رنگ اپنا تیز نہیں لگتا جتنا ہم نے سوچا تھا۔ اگر آپ کو رنگ پسند نہ آئے تو ایک اور کوٹ آپ کی مدد کر سکتا ہے۔ جتنی پتلی تہہ ہو گی، رنگ اتنی جلدی سوکھے گا۔ جتنی موٹی تہہ ہو گی، لکڑی کی اتنی زیادہ حفاظت کرے گی۔ اس اضافی وقت اور محنت کا پھل آپ کو ساری گرمیاں ایک خوشگوار باغ کی صورت میں ملے گا۔

۸۔ درست برش کیسے ڈھونڈیں؟

ایک بار آپ نے درست رنگ سوچ لیا تو اگلا سوال یہ ہے کہ کون سا برش اس کے لیے بہترین ہے۔ یہ رنگ کی قسم پر منحصر ہے۔ تیل والے رنگوں کے لیے پانی والے رنگوں کا برش استعمال نہیں کیا جا سکتا۔ آپ پینٹ کے ڈبے پر دیکھ سکتے ہیں کہ آپ کو کس قسم کے برش کی ضرورت ہے۔ پھر ایک بڑا اور ایک دو چھوٹے برش لیں، اوردھیان رکھیں کہ برش ڈبے میں پورا آ جائے۔

۹۔ دھوپ والے دن رنگ نہ کریں

 Terrace by FingerHaus GmbH
FingerHaus GmbH

VIO 302 – Terrasse

FingerHaus GmbH

ریگ مال، پرائمر، رنگ، برش اور نیچے بچھانے کے لیے پلاسٹک کی چادر، اب ہم کام شروع کر سکتے ہیں۔ مگر ہمارے منصوبے کو تکمیل تک پہنچانے میں موسم بھی ایک اہم کردار ادا کرتا ہے۔ تیز دھوپ میں ہم نہ صرف لو لگنے کا رسک لے رہے ہوتے ہیں بلکہ اس سے رنگ بھی بہت جلدی سوکھ جاتا ہے اور اس میں دراڑیں پڑ سکتی ہیں۔ اگر آپ سپرے پینٹ استعمال کر رہے ہوں تو تیز ہوا والے دن رنگ نہ کریں، کیوں کہ وہ ہوا سے اڑ جائے گا۔ رنگ کرنے کے لیے بہترین ٹمپریچر ۲۱ ڈگری اور بہترین نمی ۵۰ فیصد ہوتی ہے۔ اس سے کم ٹمپریچر ٹھیک ہے مگر اس سے زیادہ ٹمپریچر اور براہ راست پڑتی دھوپ سے بچنا چاہیے۔

۱۰۔ باغ کا موسم شروع کرتے ہیں

 Terrace by Mark Waghorn Design
Mark Waghorn Design

Three Glens, Dumfries

Mark Waghorn Design

جیسا کہ آپ دیکھ چکے ہیں، تھوڑی سی محنت سے پرانا فرنیچر پھر سے دیدہ زیب بن سکتا ہے۔ اس کے علاوہ یہ احساس ہی دل خوش کر دینے کے لیے کافی ہے کہ یہ سب آپ نے خود کیا ہے۔ تو ہماری آخری ترکیب یہ ہے: آرام سکون سے کام کریں۔ ہدایات پڑھیں اور حفاظت کے لیے احتیاط برتیں۔ 

مزید مدد کے لیے پیشہ وران کی خدمات حاصل کریں۔

کیا آپ مزید تجاویز جاننا چاہتے ہیں؟ تو دیکھیے: ۲۵ الماریاں اور شیلف جنہیں مزید سامان رکھنے کے لیے استعمال کیا جا سکتا ہے۔

modern Houses by Casas inHAUS

Need help with your home project? Get in touch!

Discover home inspiration!