classic Kitchen by in-toto Kitchens Design Studio Marlow

کم خرچ میں باورچی خانے کی دیواروں کی ازسرِنو آرائش کی تجاویز

زنیرہ رئیس زنیرہ رئیس
Loading admin actions …

بہت زیادہ پیسے خرچ کرنے کی بجائے باورچی خانے کے کچھ حصوں کی نئی آرائش کرنا ممکن ہے۔ مثال کے طور پرایسا کرنے کے لئے باورچی خانے کی کسی ایک دیوار کی نئی آرائش کی جاسکتی ہے۔ آپ کو غالباً ایسا لگے کہ یہ کافی مشکل اورمہنگا ثابت ہوسکتا ہے، لیکن ایسا ہونا ضروری نہیں۔ یہ دکھانے کے لئے کہ ایسا کیسے کیا جا سکتا ہے، ہومی فائی (Homify)پر ہم آپ کو سجاوٹ سے متعلقہ کچھ تجاویز دے رہے ہیں۔ کونسے رنگ استعمال کرنے چاہئے، کونسے شیلف اور چوکھٹے استعمال کرنے چاہئے ، انکے علاوہ بھی اور کئی تجاویز ہیں۔ اسکے بعد آپکا گھر چمک اُٹھےگا اورآپ اس نئی سجاوٹ سے بہت خوش ہونگے ۔

1. پھول شامل کریں

اگر آپ کو سبزجڑی بوٹیاں پسند نہیں توانکی بجائے پھول لگادیں۔ اس تصویرمیں دکھائے گئے باورچی خانے میں ماہرینِ تعمیرات نے نہایت تخلیقی اندازمیں دیوارپرموسمی پھُولوں پرمشتمل بہت سے گملوں کا اضافہ کیا ہے نتیجتاً ہمارے پاس ایک شاندار سجاوٹ آگئی ہے۔ 

2۔ ایک منفرد گھڑیال کا اضافہ کیجئے

تھوڑی سی مختلف سجاوٹ آپکے باورچی خانے کو فوراًایک نئی شکل دے دیتی ہے۔ یہ ایک نسبتاً آسان تجویز ہے ۔ آپ کسی بھی آرائشی سامان کی دوکان سے ایک اچھا سا گھڑیال لاسکتے ہیں یا اگر آپ کو پرانے زمانے کے ڈیزائن پسند ہیں تو آپ اتوار بازار بھی جا سکتے ہیں۔ باورچی خانےمیں گھڑیال ہونا ویسے بھی ضروری ہے۔ اس سے کھانے پینے کے اوقات میں پابندی کو یقینی بنایا جا سکتا ہے۔ 

3۔ ایک شوخ دیوار

modern Kitchen by Pyram
Pyram

White, black, stainless steel and a vibrant splash of yellow.

Pyram

آپ کو باورچی خانے کی پوری دیوار کو رنگ کرنا ضروری نہیں۔ ایک طرف ہی آپ کو توانائی فراہم کرنے کے لئے کافی ہے۔ دیوار کی وہ طرف منتخب کریں جو آپ کے سامنے ہو جب آپ باورچی خانے میں بیٹھیں۔ رنگ کا ایک چھوٹا ڈبہ اور دلچسپ کام کی ایک دوپہرآپکے باورچی خانے کونئی زندگی عطا کرے گا۔ رنگ جتنا شوخ ہوگا اتنا ہی آپ کا باورچی خانہ بارونق ہوگا۔ 

4۔ مختلف طرز کے تختے (شیلف)

tropical Kitchen by STUDIO [D] TALE
STUDIO [D] TALE

Peponi House

STUDIO [D] TALE

دیواروں پر لگے لکڑی کے تختے(شیلف) باورچی خانے اورباقی کمروں میں سجاوٹ اور سٹوریج دونوں کے لئے بہترین رہتے ہیں۔ مگرعام شیلفوں کے مقابلے میں مختلف ڈیزائن کے شیلف استعمال کریں ۔ یہ ایک دم سےآپ کے باورچی خانے کی شوبھا بڑھائیں گے۔ 

مثال کےطور پراس تصویر میں شیشے اورایکریلک  کا ڈیزائن دکھایا گیا ہے جو کہ اس چھوٹے باورچی خانے میں بہت اچھا لگ رہا ہے۔ 

5۔ مختلف جڑی بوٹیاں

باورچی خانے میں کچھ جڑی بوٹیوں کا اضافہ نا صرف آپکے کھانوں میں ذائقہ بڑھائے گا بلکہ بحیثیت سجاوٹی شے بھی سب کے دل جیتے گا۔ مثال کے طورپر سفید اور ہلکے رنگ کے اس باورچی خانے کو ملاحظہ کریں ۔ دیوار کی ایک طرف آویزاں گملوں میں لگی جڑی بوٹیاں باورچی خانے کی خوبصورتی اور کشش میں اضافہ کر رہی ہیں۔ آپ اپنی پسند کی کوئی بھی جڑی بوٹیاں ( پارسلے، دھنیا، تھائم، بیسل، روزمیری) منتخب کرسکتے ہیں۔ آپ ایسے گملے اِکیا (Ikea) اورگھریلو اشیاء کے کسی بھی سٹور سے حاصل کر سکتے ہیں۔ 

6۔ ایک اچھا دِن آپکا منتظرہو

modern Kitchen by MUDA Home Design
MUDA Home Design

Cozinha | Depois

MUDA Home Design

باورچی خانے میں تختہِ سیاہ کا اضافہ اپنے پیاروں کے لئے محبت بھرے پیغام چھوڑنے کا اچھا بہانہ ہوگا۔ اس سے زیادہ اچھی کوئی بات نہیں ہوگی کہ آپ صبح اُٹھیں اورآپ کو ایک اچھے دن کے لئے نیک تمنائیں ملیں۔

اس صورت میں صرف دیوار کو نئی تازگی نہیں ملے گی بلکہ آپکا موڈ بھی تازہ دم ہوگا۔

7۔ دیوار پر بنی تصاویر

دیوار یا وینائل پر بنی تصاویرکا باورچی خانے میں اضافہ آسان ہوگا۔ اِسکے لئے بہت کام کرنے کی ضرورت نہیں ہوگی اور نہ ہی اس میں بہت زیادہ خرچ آئے گا۔ یہ کسی کم کشش والی دیوار کورونق بخشنے کا نہایت مناسب حل ہے۔ 

آپ تصویروں کی بجائے شیشے کا استعمال کر سکتے ہیں ۔ اس سے کھانا پکاتے وقت چھینٹے پڑنے سے آپکی دیوار محفوظ رہے گی۔ 

8۔ روشنی کا انتظام

modern Kitchen by MOB ARCHITECTS

روشنی کا اچھا انتظام ہمیشہ ایک درست فیصلہ رہتا ہے۔ یہ صرف کھانا پکانے میں آپکی مدد نہیں کرتا بلکہ ایک مکمل ماحول بنانے میں بھی اہم کردارادا کرتا ہے۔ 

9۔ تصاویر

minimalistic Kitchen by «Студия 3.14»
«Студия 3.14»

Дизайн однокомнатной квартиры в хрущевке.

«Студия 3.14»

آپ اپنے باورچی خانے میں کچھ تصاویرکا بھی اضافہ کرسکتے ہیں کیونکہ سجاوٹ کا یہ انداز صرف رہنے سہنے کے کمرے یا خوابگاہ تک محدود نہیں ہے۔ ہمیں مختلف جگہوں کی یہ سفید اورسیاہ تصویریں بہت پسند آئیں اورباورچی خانے کی آرائش میں استعمال شدہ رنگوں کے ساتھ انکا امتزاج بالکل آج کل کے زمانے کے مطابق ہے۔  

10۔ نمایاں رکھے ہوئے برتن

modern Kitchen by Dittrich Hudson Vasetti Architects
Dittrich Hudson Vasetti Architects

Double storey extension for artist in Bishopston, Bristol

Dittrich Hudson Vasetti Architects

باورچی خانے کے مختلف برتن جیسے کہ پتیلے، کڑاہیاں، پلیٹیں ،گلاس اور دیگر برتنوں کو بھی حق ہے کہ وہ دیواروں پر سجیں اگر آپ ایسا چاہیں تو۔ ایسا صرف آج کل کے زمانے میں نہیں ہوتا بلکہ پرانے زمانے میں بھی ہوتا تھا۔ اسمیں کمال کی بات یہ ہے کہ آپ اپنے سب سے خوبصورت برتن نکالیں۔ 

اگر آپ کو اپنے باورچی خانے کے لئے مزید تجاویزچاہیئں تو ذرا اسکو ملاحظہ کریں باورچی خانے کے لئے تجاویزجو آپکی زندگی کوآسان بنائیں گی۔

modern Houses by Casas inHAUS

Need help with your home project? Get in touch!

Discover home inspiration!