minimalistic Kitchen by Elevate Lifestyles

۸ خوبصورت اور سستے کچن جو آپ کو فورا نقل کرنے چاہئیں

Resham Ejaz Resham Ejaz
Loading admin actions …

آج کل کچن کی تعمیر و تجدید مہنگی ہوتی جا رہی ہے۔ آپ کو فرش، دیواروں، کاؤنٹر، الماریوں اور یہاں تک کہ سامان کے بارے میں بھی سوچنا ہوتا ہے۔ 

آپ سستی قیمت پر ملنے والے اچھے مواد اور شاندار مصنوعات کے ساتھ اپنی مرضی کی تبدیلی حاصل کر سکتے ہیں۔ 

مگر عام طور پر ہم مہنگے انتخابات کے بارے میں بالکل نہیں سوچتے۔ نئے کچن کی تعمیر یا تجدید کرتے وقت ہم وہ بہت سے انتخابات دیکھتے ہیں جو ہمارے بجٹ میں پورے آ جائیں۔ یہ پریشانی والی کوئی بات نہیں، کچن کے بہت سے شاندار انتخابات ہیں جو آپ کو زیادہ مہنگے نہیں پڑیں گے۔

دراصل آج ہومی فائی پر ہم نے ۸ خوبصورت اور سستے کچن اکٹھے کیے ہیں جو آپ کو فورا نقل کرنے چاہئیں۔

چینی مٹی چنیں

یہ کوئی راز کی بات نہیں کہ گرینائٹ اور سنگ مرمر جیسے مادے کافی مہنگے ہوتے ہیں تو اگر آپ کے پاس سارے کچن میں انہیں استعمال کرنے کے پیسے نہیں ہیں تو ان کے بجائے چینی کے کاؤنٹر چنیں جو چینی کی ٹائلوں والی دیواروں کے ساتھ ہم آہنگ لگتے ہیں، جیسا کہ ہم ان پیشہ واران کے ڈیزائن میں دیکھ سکتے ہیں۔

سارے کچن کے لیے سب سے سستا گرینائٹ چنیں

گرینائٹ کھانا پکانے کے لیے بہترین انتخاب ہے اور آپ ان کی بڑی تعداد میں سے اپنی مرضی سے اور اپنے بجٹ کے مطابق کوئی بھی چن سکتے ہیں۔ آپ کوئی ایسا ضرور ڈھونڈ لیں گے جو آپ کے بجٹ میں پورا آتا ہو اور اس طور آپ کچن میں گرینائٹ استعمال کر سکیں گے۔

اگر ممکن ہو تو الماریاں دوبارہ استعمال کریں

اپنے کچن کو سستے داموں مکمل طور پر تبدیل کرنے کے لیے وہاں پہلے سے رکھا فرنیچر دوبارہ استعمال میں لائیں۔ 

مثال کے طور پر اگر آپ کے گھر میں لکڑی کی الماریاں ہیں تو آپ ان پر نیا رنگ کر کے انہیں واپس لگا سکتے ہیں اور اس طرح اپنے کمرے کو ایک تازہ احساس دے سکتے ہیں۔ اگر یہ کسی اور مادے کے ہوں تو آپ ان پر پلاسٹک چپکا کر کچن کا انداز ایک لمحے میں تبدیل کر سکتے ہیں۔

الماریوں کے لیے مختلف اقسام کی لکڑی ملاحظہ کریں

classic Kitchen by dd Architects
dd Architects

Krishnakumar Residence

dd Architects

یہ سچ ہے کہ لکڑی مہنگی ہو سکتی ہے مگر صرف تب جب آپ درست قسم کی لکڑی نہ چنیں۔ جیسا کہ صنمبر کی لکڑی سستی ہوتی ہے اور الماریوں کے لیے بہترین بھی۔ اگر آپ اسے صحیح طرح سے پیش کر سکیں تو یہ لازوال ہونے کے ساتھ ساتھ حسین اور جدید بھی نظر آتی ہے۔

MDF کے ساتھ تجربات کریں

MDFلکڑی کا درمیانی کثافت والا تعمیراتی مادہ ہے جو فرنیچر اور کچن کی الماریوں کے لیے بہترین ہے۔ آپ اس مواد کو ایسی ساخت دے سکتے ہیں یا اس پر ایسا رنگ کر سکتے ہیں جس سے یہ اصلی لکڑی جیسا معلوم ہو۔

پتھر چنیں

اگر آپ کچن کی تعمیر و تجدید کے دوران کچھ رقم بچانا چاہتے ہیں تو پتھر کے کاؤنٹر چنیں جو دیواروں کے ساتھ ہم آہنگ ہوں گے۔ ان پر رنگ کیا جا سکتا ہے یا چینی کی ٹائلیں لگائی جا سکتی ہیں۔

یہ ایک شاندار دیہی وضع ہو گی۔

دیواروں پر چمکدار اثر کے لیے شیشے کے ساتھ چھوٹی اینٹوں والی ٹائلیں لگائیں

اگر آپ اپنے کچن کو کچھ چمک اور رنگ دینا چاہتے ہیں تو چھوٹی اینٹوں جیسی ٹائلوں کی مدد سے دیواروں کو بےترتیب وضع دیں۔ انہیں آئینوں والی الماریوں کے ساتھ ملا کر آپ کچن کو جدید اور حسین بنا لیں گے۔

افسانوی باریک سیمنٹ

باریک سیمنٹ مارکیٹ میں موجود متغیر اور سستے ترین انتخابات میں سے ایک ہے، اور اسی لیے یہ کچن کاؤنٹر اور الماریوں کے لیے بہترین ہے۔

یہ ۲ ملی میٹر موٹے ہموار سیمنٹ سے بنا ہے جو مضبوطی سے پیوست ہو جاتا ہے۔ 

اگر آپ کو یہ آئیڈیا بک اچھی لگی تو یہ بھی اچھی لگے گی: ۱۰ سستے مگر دلنشین کچن۔

modern Houses by Casas inHAUS

Need help with your home project? Get in touch!

Discover home inspiration!