by MAESTA BATHROOM FURNITURE

12 ایسے انداز جو آپ کے گھرکے لیے غسل خانے کے لیے بہترین ثابت ہوں گے

Hamna – Homify Hamna – Homify
Loading admin actions …

غسل خانے کی ڈیزائیننگ کرتے وقت آپ کے سامنے بہت سارے اندازاور خیالات موجود ہوتے ہیں۔ اس کی وجہ سے اکثر آپ کو سمجھ بھی نہیں آتا کہ آپ کون سے انداز کا چناؤ کریں۔ ان انداز میں روایتی بھی شامل ہوتے ہیں اور جدید بھی، سٹائلش بھی اور سادہ بھی۔ اور ان سارے آپشنز کے بیچ میں پھنس کر آپ گم ہی ہو جاتے ہیں اور پریشان بیٹھے رہتے ہیں کہ کریں تو کیا کریں۔ 

اسی سلسلے میں آپ کی مدد کرنے کے لیے ہم لے کر آۓ ہیں 12 ایسے انداز جو کہ آپ کے اچھے ذوق کے مطابق بھی ہوں گے اور آپ ان کی مدد سے اپنے غسل خانے کی بہترین آرائش بھی کر سکیں گے۔ یہ تمام کے تمام غسل خانے اپنے بہترین رنگوں کے چناؤ اور دیواروں پر موجود دیگر لوازمات کی وجہ سے ایک سے بڑھ کر ایک ہیں۔ چلیں پھر آپ بھی دیکھیں کہ آپ کو ان میں سے کون سا انداز پسند آتا ہے۔

1- لکڑی اور شیشے کے ساتھ مل کر بنا ایک حسین انداز

اس غسل خانےکا یہ حسین انداز ایک سے زیادہ اشیاء کو ملا کر استعمال کرنے سے آیا ہے۔ جس میں لکڑی کے کیبنٹ اور شاور کے سامنے لگی شیشے کی دیوار شامل ہیں۔ ادھر لگے خوبصورت انداز کے ٹائلزبھی اس کے حسن میں اضافہ کر رہے ہیں۔ آپ مانتے ہیں نا کہ یہ غسل خانے جدید بھی ہے اور خوبصورت بھی؟

2- بڑی سی کھڑکی کے ساتھ

اپنے غسل خانے میں موجود کھڑکی کا، چاہے وہ بڑی ہو یا چھوٹی، ضرور استعمال کریں۔ اس طرح سے آپ کے پورے غسل خانے میں قدرتی روشنی پھیل جاۓ گی اور وہ کشادہ اور روشن لگے گا۔ لیکن اس چیز کا خیال رکھیں کہ کھڑکی پر لگا شیشہ فروسٹڈ انداز کا ہونا چاہیۓ تاکہ آپ کی پرائیویسی متاثر نہ ہو۔

3- آرائشی انداز

  by MAESTA BATHROOM FURNITURE
MAESTA BATHROOM FURNITURE

LUCIDO – MAESTA BATHROOMS

MAESTA BATHROOM FURNITURE

دکھیں یہ غسل خانہ کس قدر خوبصورت ہے۔ سفید اور سیاہ رنگ کے کامبینیشن سے بنی یہ اینٹوں کی دیوار بہت ہی جدید تاثر دے رہی ہے۔ اس کو مزید خوبصورت اور جدید بنانے کے لیے ادھر لگائی گئی اشیاء بھی جدت کی اعلی مثال ہیں۔

4- خوبصورتی سے بھرا

ادھر استعمال کیا گیا انداز بہت ہی سادہ مگر دلکش ہے کہ اوپر کی ساری اشیاء پر ایک ہی رنگ استعمال کیا جاۓ اور نیچے فرش پر اس کا الٹ۔ انہی دونوں رنگوں کے ملاپ سے بنے لوازمات کے ذریعے ادھر کی آرئش کی جاۓ۔ ان سب کے بیچ میں ہلکا سا تضاد لانے کے لیے لکڑی کا استعمال کیا گیا ہے۔ ہے نہ یہ بھی ایک منفرد انداز؟

5- ایک اور سفید

modern Bathroom by Xilon S.r.l.
Xilon S.r.l.

Un unico spazio… . molte funzioni!

Xilon S.r.l.

اس جدید غسل خانے کو بھی دیکھ لیں کہ ادھر بنے کیبنٹس تمام ضروری اشیاء رکھنے میں کتنے مددگار ثابت ہوں گے۔ اگر آپ کے مہمان زیادہ دن کے لیے رکنے آۓ ہیں تو پھر ان کے لیے یہ غسل خانہ تو بہت ہی اچھا ثابت ہو گا۔ 

6- بڑے سے شیشے کے ساتھ

بڑا سا مستطیل رنگ کا شیشہ کھڑکی سے آتی قدرتی روشنی کو منعکس کرے گا۔ اس طرح آپ کا غسل خانہ بہت ہی روشن اور خوبصورت لگے گا۔ اس کے علاوہ آپ کا پورا غسل خانے اس لمبےسے شیشے میں پورا نظر آرہا ہے اس طرح دوہری جگہ کا احساس ہو گا۔ اس لیے اگر آپ کے پاس جگہ کی کمی ہے تو یہ انداز آپ کے لیے بہترین ہے۔

7- قدرتی انداز

اس غسل خانے کی دیواروں اور الماری پر استعمال کیۓ گۓ منفرد رنگ اس پوری جگہ کو بہت دلکش انداز دے رہے ہیں۔ اور اس خوبصورت وال پیپر کے تو کیا ہی کہنے ہیں۔ 

8- دوہرے شیشے اور سنک کے ارد گرد موجود ماربل

  by Drummonds Bathrooms
Drummonds Bathrooms

Drummonds Case Study: European Retreat, Denmark

Drummonds Bathrooms

اس طرح کا خواب ناک انداز آپ کسی بھی غسل خانے میں استعمال کر سکتے ہیں جو ارد گرد موجود چمکدار ماحول کی وجہ سے اور زیادہ دلکش لگے گا۔ یہ غسل خانہ کلاسیک اور جدید ملاپ کی حسین مثال ہے۔

9- لکڑی سے سجاوٹ

غسل خانے کی آرائش کے لیے بھی لکڑی کا استعمال کیا جا سکتا ہے۔ جیسے اس غسل جانے میں بہت قدرتی سا تاثر لانے کے لیے چھت پر، شیشے کے فریم اور شیلف کے طور پر قدرتی انداز کی لکڑی استعمال کی گیی ہے۔ اس لکڑی پر ہک لگا کر آپ ادھر پردے، باتھ روب اور تولیہ وغیرہ لٹکا سکتے ہیں۔ 

لیکن یہ انداز چھوٹے غسل خانوں کے لیے موزوں نہیں ہے۔

10- دیوار سے جڑا سنک

mediterranean Bathroom by Drummonds Bathrooms
Drummonds Bathrooms

Drummonds Case Study: Loz Feliz Retreat, California

Drummonds Bathrooms

جب آپ کے پاس جگہ کیعکمی ہو اور سنک کی سپورٹ کے لیے اور شیلف وغیرہ نا بنا ہو تو آپ اس سیدھا دیوار کے ساتھ بھی جوڑ سکتے ہیں۔ یہ آپ کے غسل خانے کو اسٹائلش انداز بھی دے گا اور آپ کی جگہ بھی بچائے گا۔ اس سنک کو واضح کرنے کے لیے اس کے ساتھ  لکڑی کا استعمال بہترین رہے گا۔

11- سلائڈنگ دروازے کے پیچھے چھپی جگہ

modern Bathroom by Elfa Deutschland GmbH
Elfa Deutschland GmbH

Ein Einbauschrank im Badezimmer sorgt für ordentlich Stauaum

Elfa Deutschland GmbH

بڑے غسل خانوں میں تو اس طرح کی جگہ لازمی موجود ہونی چاہیے۔ ادھر آپ اپنی ضرورت کا سامان باآسانی نظروں سے اوجھل رکھ سکتے ہیں۔ اس جگہ پر کپڑے دھونے والی مشین رکھنے سے بھی آپ کو بہت آسانی ہو جاۓ گی۔ اگر کوئی مہمان اس وقت آ جاۓ جب آپ کپڑے دھو رہے ہوں تو بس یہ سلائڈنگ دروازہ بند کر دیں۔

12- دو طرح کی دیوار

غسل خانے کی آرائش کا ایک بہت اچھا طریقہ یہ بھی ہے کہ آپ اس کی دیواروں کے ساتھ کچھ منفرد کریں۔ جیسے اس غسل خانے میں آدھی دیوار تھوڑے سادے  انداز کی ہے مگر اس کے سامنے رکھی اشیاء اس سادگی کو جدت میں بدل رہی ہیں۔ جبکہ باقی آدھی دیوار ٹیکسچر والی ہے۔

اس طرح کے انداز سے آپ اپنے غسل خانے کو دو حصوں میں بہت آسانی سے تقسیم کر سکتے ہیں۔

جدید خصوصیات کے حامل غسل خانہ کے14 شاندار آئیڈیاز.

modern Houses by Casas inHAUS

Need help with your home project? Get in touch!

Discover home inspiration!