by Aston Matthews

وہ بارہ کام جو آپ کو گھر سجاتے وقت بالکل نہیں کرنے چاہیئں

Resham Ejaz Resham Ejaz
Loading admin actions …

کچھ ایسے کام ہیں جو ہم کرتے تو اچھی نیت سے ہیں مگر سجاوٹ پر ان کا الٹا اثر پڑتا ہے۔ یہ بھیانک غلطیاں آپ کو گھر سنوارنے کے دوران بہت مہنگی پڑ سکتی ہیں۔

اس سے پہلے کہ یہ آپ کو حیران پریشان اور مشکل کا شکار چھوڑ دیں، رکیے اور سجاوٹ کی یہ بارہ تنبیہات پڑھیے۔ آپ کھویا ہوا وقت دوبارہ حاصل نہیں کر پائیں گے۔ اس فہرست پر توجہ دیجیے! 

عجیب رنگوں کے فرنیچر سے لے کر تباہ کن روشنیوں تک، گھر کی سجاوٹ کے وقت غلط طور پر استعمال کی جانے والی ان تجاویز کے لیے اپنی آنکھیں کھلی رکھیے۔

۱۔ ایک بڑا سوفا خریدیں

کمرے کے سائز کی مناسبت سے سوفا خریدیں۔ ضروری نہیں کہ بہت بڑا سوفا آرام دہ بھی ہو اور یہ جگہ بھی زیادہ لے گا۔ اس سے بھی برا یہ کہ اس کی وجہ سے باقی کمرہ چھوٹا لگے گا۔

ترکیب: بڑے سوفے کے بجائے دو سیٹوں والا سوفا کافی ہے۔

۲۔ اگر آپ کے پاس کوئی تھیم نہیں تو کوئی مسئلہ نہیں

رکیے، یہ بہت بری نصیحت ہے۔ کوئی تھیم نہ ہونے کی صورت میں کمرہ بناوٹ، سامان، رنگوں اور فرنیچر سے بھرا ہوا معلوم ہو گا۔ کیا یہ بہتر نہیں ہو گا کہ آپ پہلے کی کمرے کا انداز اور تھیم سوچ لیں اور پھر اس کے مطابق سجاوٹ کریں۔

آپ اپنی پسند کی وضع حاصل کرنے کے لیے کسی ڈیزائنر کی خدمات حاصل کر سکتے ہیں۔

۳۔ کمرے کی وضع بنانے کے لیے بس ایک اصلی عنصر کافی ہے

اب رکیں، ہو سکتا ہے کہ کمرے کی صرف ایک کی وضع ہو مگر اس کے بہت سے رخ ہوتے ہیں۔ سجاوٹ کے واحد عنصر کو درمیان سے ہٹائیں اور ہم آہنگی پیدا کرنے کے لیے دو یا زیادہ عناصر شامل کرنے کی کوشش کریں۔

۴۔ پرانی سجاوٹ بڑھاتے رہیں

سالہا سال کی گئی سجاوٹ گھر کو ایسے بھر دیتی ہے جیسے کسی ماڈل کی الماری میں جوتے بھرے ہوں۔ تمام سجاوٹ ہمیشہ ساتھ دینے والی نہیں ہوتی اور آپ کا کچھ فرنیچر پرانے انداز کا بھی ہو سکتا ہے۔

آپ جس قسم کی سجاوٹ چاہتے ہیں اس کے مطابق آپ کو کچھ فرنیچر اور آرائشی سامان سٹور میں منتقل کرنا ہو گا۔ ہم یہ چاہتے ہیں کہ آپ کا ڈیزائن سارا سال نیا اور فیشن کے مطابق لگے۔ 

ترکیب: پرانا فرنیچر الگ رکھ دیں یا اسے بیچ دیں تا کہ آپ بہتر چیزوں کے لیے جگہ بنا سکیں۔

۵۔ فرش کے بارے میں تو بالکل نہ سوچیں

eclectic Living room by Whitaker Studio
Whitaker Studio

London Apartment by Sybarite Architects

Whitaker Studio

یہاں اچھی منصوبہ بندی کام آتی ہے۔ آپ کا سارا فرنیچر فرش پر رکھا جاتا ہے تو یہ وہ پہلی جگہ ہے جس پر آپ کو سجاوٹ سے پہلے توجہ دینی چاہیے۔

لکڑی، گرینائٹ، چینی، پتھر یا لکڑی، قالین سب رہنے کی جگہ کا مرکزی ماحول تخلیق کرتے ہیں جسے فرنیچر اور سجاوٹ سے مزید بہتر بنایا جاتا ہے۔

۶۔ کچن کو سازوسامان سے لیس رکھنا

modern Kitchen by Levenssfeer
Levenssfeer

Tweedekans voor de oude vinyl vloer

Levenssfeer

یہ سچ ہے کہ سازوسامان سے لیس باورچی خانہ کبھی کبھار زندگی کی سب سے بڑی خوشی ہوتا ہے مگر کچن کو ضرورت سے زیادہ بھرا بھی نہیں ہونا چاہیے۔

بےترتیبی سے بچیں۔ اپنے روزمرہ کے برتن اور دوسرا سامان اپنی دسترس میں رکھیں مگر کچن میں وہ سامان اور فرنیچر رکھنے سے پرہیز کریں جو آپ سال میں صرف ایک مرتبہ استعمال کرتے ہیں۔ اس کے بجائے انہیں کہیں دور رکھ دیں اور صرف ضرورت کے وقت نکالیں۔

۷۔ ہمیشہ شوخ رنگ استعمال کریں

بہت زیادہ شوخ رنگ آنکھوں میں چبھتے ہیں اور ایک رہنے کی جگہ میں ان کے ساتھ گزارا کرنا مشکل ہو سکتا ہے۔ 

اس کے بجائے شوخ رنگوں کو درمیانے رنگوں کے پس منظر کے ساتھ استعمال کریں۔ درمیانے رنگ جیسے سفید یا دھیمے رنگ استعمال کرتے وقت تازہ رنگوں کے ساتھ تجربات کرنا بہتر ہے۔

۸۔ قالین کے چھوٹے ٹکڑوں کے بجائے پورے کمرے کے لیے بڑا قالین چنیں

eclectic Living room by Honeybee Interiors
Honeybee Interiors

Queens Park House

Honeybee Interiors

فرش کے لیے قالین چننا ذرا مشکل کام ہو سکتا ہے۔ یہ اہم ہے کہ آپ ایسا قالین چنیں جو موسم کے ساتھ چلے اور بدلتے فیشن کا مقابلہ کر سکے۔

ایک بہتر متبادل ایسا قالین ہے جسے نکال کر رکھ دینا، صاف کرنا اور فرنیچر کی مناسبت سے گھر کے کسی بھی حصے میں استعمال کیا جانا آسان ہو۔

۹۔ زیادہ بناوٹی دیواریں بنوائیں

  by Aston Matthews
Aston Matthews

Brunel Cast Iron Bath

Aston Matthews

دیوار کی سجاوٹ کے لیے اس میں شامل کی گئی بناوٹ اعلی لگتی ہے مگر آپ کو یہ نہیں بھولنا چاہیے کہ یہ وہ پہلی چیز ہو گی جسے آپ کے گھر میں قدم رکھنے والے مہمان دیکھیں گے۔

زیادہ بھری ہوئی دیوار سے ملنے والی شرمندگی سے بچنے کے لیے ایک ہموار پلاسٹر سے ڈیزائن کردہ دیوار کی تہہ بنوائیں اور مزید بناوٹ کے لیے اس کے ساتھ گملے رکھ کر اسے نمایاں کریں۔

۱۰۔ چیزوں کو جتنا دوبارہ استعمال کر سکتے ہیں، کریں

  by Jigsaw Interior Architecture
Jigsaw Interior Architecture

The Cotton Exchange – Bedroom

Jigsaw Interior Architecture

جی، یہ سچ ہے کہ چیزوں کو دوبارہ استعمال میں لانا ہمارے ماحول کی حفاظت کے لیے اچھا ہے۔ یہ آپ کے گھر کی سجاوٹ کا بھی ایک شاندار طریقہ ہے مگر آپ کو یہ معلوم ہونا چاہیے کہ چیزوں کو دوبارہ استعمال میں کیسے لایا جائے۔

کبھی کبھار آپ ایسے فرنیچر کو نیا نہیں کر سکتے جو اپنی عمر پوری کر چکا ہو۔ ایسی صورت میں اسے نکال دیں۔

۱۱۔ بروقت مہیا فرنیچر استعمال کرنا

بروقت مہیا سامان استعمال کرنا شاندار نتائج تخلیق کر سکتا ہے مگر یہ کام جمالیات کو مدنظر رکھتے ہوئے اور دانشمندانہ انداز میں کیا جانا چاہیے۔

ہو سکتا ہے کہ میز کی جگہ کشن رکھنا اچھا لگے مگر یہ کارآمد نہیں ہو گا یا اس کے الٹ بھی ہو سکتا ہے۔ یہ بہتر ہو گا اگر ایسے کام سوچ سمجھ کر کیے جائیں۔

۱۲۔ بہت سی خاندانی تصاویر کا استعمال

یہ سچ ہے کہ خاندانی تصاویر رہنے کی جگہ کو گھر جیسا احساس دیتی ہیں مگر بہت زیادہ تصویریں نظروں کو الجھاتی ہیں اور اپنی کشش کھو دیتی ہیں۔ جگہ کو مزید پرتجسس بنائیں اور دیوار پر تصاویر کے ساتھ دوسرا آرائشی سامان بھی لگا کر ہم آہنگی پیدا کریں۔

اپنے گھر کا ماحول خوشگوار بنانے کے لیے جانئے: ۱۰ چیزیں جو گھر میں خوش قسمتی اور مثبت توانائی لاتی ہیں۔

modern Houses by Casas inHAUS

Need help with your home project? Get in touch!

Discover home inspiration!