modern Bathroom by P&P arquitectos

چھوٹے غسل خانوں میں چیزیں رکھنے کے لیے 11 منفرد آئیڈياز

Hamna – Homify Hamna – Homify
Loading admin actions …

چھوٹے غسل خانوں کو متاثر کن اور تخلیقی خیالات کی اشد ضرورت ہوتی ہے جن کی مدد سے آپ ادھر چیزوں کو اس طرح سے سیٹ کریں کہ ادھر آپ کی ساری چیزیں بھی سما جائیں اور آپ کا غسل خانہ پھیلا بکھرا بھی نہ لگے۔ اسی لیے آج ہم لاۓ ہیں 11 ایسے انداز جن کی مدد سے آپ چھوٹے غسل خانوں میں اپنی اشیاء با آسانی رکھ سکتے ہیں۔

ان میں سے کچھ کو تو آپ پہلے سے جانتے ہوں گے لیکن ہمیں یقین ہے کہ باقی آئیڈیاز آپ کے لیے بالکل نۓ ثابت ہوں گے اور آپ کو بہت پسند بھی آئیں گے۔

تو پھر اگر آپ کا بھی کوئی غسل خانہ چھوٹے سائز کا ہے تو نیچے ضرور پڑھیں!

1- شیشے کے شیلف

جیسا کہ ہم نے پہلے بھی کہا کہ چھوٹے غسل خانوں میں تخلیقی صلاحیتوں اور منفرد آئیڈیاز کو استعمال کرنا چاہیۓ، تو شیشہ اس سلسلے میں آپ کا بہترین دوست ثابت ہو گا۔

شیشے کا شیلف بھی شیشے کے ٹرانسپیرنٹ ڈیوائڈر کا ہی کام دیتا ہے۔ یعنی یہ جگہ کو تقسیم بھی کر دیتا ہے اور اس سے جگہ چھوٹی بھی نہیں لگتی۔ اسی طرح سے آپ شیشے سے بنے ہوۓ شیلف، چاہے وہ چھوٹے ہوں یا بڑے، اپنے غسل خانے میں لگا سکتے ہیں۔ یہ نہ تو زیادہ جگہ گھیریں گے اور نا ہی آپ کے غسل خانے کو بہت بھرا ہوا دکھائیں گے۔

2- خزانے والا آئینہ

ہر غسل خانے میں آئینہ تو ضرور لگا ہوتا ہے اور اس کا استعمال بھی بہت ہوتا ہے۔ تو کیوں نہ غسل خانے میں صرف آئینہ لگانے کے بجاۓ اس کے پیچھے ایک چھوٹی سی الماری بھی بنا دی جاۓ جس میں آپ اپنی چیزیں آسانی سے رکھ سکیں۔ 

3- گولائی میں موجود شیلف

غسل خانوں کے کونے زیادہ تر ایسے ہی رہ جاتے ہیں اور چھوٹے غسل خانوں میں یہ جگہ کا بہت زیاں ہے۔ گولائی میں موجود شیلف اگر آپ اپنے غسل خانے کے کونے میں لگائیں گے تو نہ صرف اس سے آپ کے غسل خانے کی خوبصورتی میں اضافہ ہو گا بلکہ یہ آپ چیزیں کدھر رکھیں کے مسئلے کو بھی ہل کر دے گا۔ کوشش کریں کہ جس مٹیریل کا سنک بنا ہے، اسی سے ملتا جلتا شیلف بھی بنائیں۔

4- منفرد آئیڈیاز نۓ انداز میں

یہ تو ہم سب کو پتہ ہی ہو گا کہ چھوٹے غسل خانوں میں عمومی طور پر باتھ ٹب کے کنارے چیزیں رکھی جاتی ہیں۔ لیکن یہ انداز بہت پرانہ اور بور سا ہے۔ تو کیوں نہ اس میں تھوڑی جدت لائی جاۓ؟ اس سلسلے میں آپ باتھ ٹب کے کنارے لکڑی کا تختہ لگائیں، پھر اس پر صابن اور لوشن رکھیں۔ اس کے ساتھ آپ تولیا وغیرہ لٹکانے کے لیے آپ اسی طرح کی چھوٹی سیڑھی کا بھی استعمال کر سکتے ہیں۔ 

5- ایک اور منفرد آئیڈیا

جیسا کہ آپ جانتے ہیں کہ چھوٹے غسل خانے کی ہر ہر جگہ قیمتی ہوتی ہے، اور یہ بھی آپ کو پتہ ہو گا کہ ٹوائلٹ سیٹ کے پیچھے والی جگہ ہمیشہ فارغ ہی رہتی ہے۔ تو ہمارے ماہرین نے ایک بہت زبردست انداز اپناتے ہوۓ اس کے پیچھے ایک شیلفبنا دیا ہے۔ یہ شیلف اوپر کی طرف سے کھلتا ہے اوراس میں بہت ساری چیزیں با آسانی سما سکتی ہیں۔

6- دیوار کے اندر موجود شیلف

یہ آئیڈیا اس وقت کے لیے بہترین ہے جب آپ گھر میں ایک چھوٹا غسل خانہ تعمیر کروا رہے ہوں اور اس وقت آپ دیواروں کے اندر شیلف بنوا لیں تاکہ آپ اپنی چیزیں آسانی سے رکھ سکیں۔

7- ایک اور دیواری شیلف

ٹوائلٹ سیٹ کے پیچھے والی دیوار کو کبھی بھی کوئی نہیں چھیڑتا لیکن آپ ادھر بھی ایک شیلف بنوا سکتے ہیں، یقین کریں یہ بھی آپ کے لیے بہت کار آمد ثابت ہو گا۔

8- شیشے کے سامنے

یہ انداز بہت ہی چھوٹے غسل خانوں کے لیے ہے جس میں آپ کے پاس ذرہ بھی فالتو جگہ نہیں ہوتی۔ تو آپ ادھر شیشے کے سامنے ایک شیلف بنوا لیں جدھر آپ ضرورت کی اشیاء رکھ سکیں۔

9- بیسن کے نیچے

بیسن کے نیچے والی جگہ چیزیں رکھنے کے بہت زیادہ کام آ سکتی ہے۔ جیسا کہ اس تصویر میں لکڑی کا ایک کیبنٹ بھی موجود ہے لیکن اس کے اوپر کی جگہ خالی ہے۔ تو آپ ادھر بھی بہت ساری چیزیں جیسے تولیے وغیرہ آسانی سے رکھ سکتے ہیں۔

10- لکڑی کی الماری

چھوٹے غسل خانوں میں خوبصورتی لانا ایک مشکل کام ہے۔ لیکن اگر تھوڑی سی ذہانت استعمال کی جاۓ تو آپ یہ بھی کر سکتے ہیں۔ جیسے اس تصویر میں شاور اور باقی باتھ روم کے درمیان یہ لکڑی کی چھوٹی سی الماری لگا دی ہے۔ ادھر آپ اپنے تولیے بھی آرام سے رکھ سکتے ہیں اور اس سے باتھ روم کی خوبصورتی میں بھی کئی گنا اضافہ ہو رہا ہے۔ اس لکڑی کے شیلف کو پانی کے چھینٹوں سے بچانے کے لیے شاور کے آگے گلاس سیپریٹر لگایا گیا ہے۔

11- کھلے کیبنٹ

modern Bathroom by ÁBATON Arquitectura
ÁBATON Arquitectura

CASA TRANSPORTABLE ÁPH80

ÁBATON Arquitectura

جب آپ کے پاس جگہ کی بہت زیادہ کمی ہو تے اس طرح کے بغیر دروازے کے کھلے کیبنٹ استعمال کریں۔ اس طرح آپ کم جگہ میں زیادہ سے زیادہ اشیاء رکھ سکتے ہیں اور ایک کے اوپر ایک اشیاء بھی آسانی سے رکھی جا سکتی ہیں۔

11 زبردست چھوٹے باتھ رومکے انداز بھی دیکھیں.

modern Houses by Casas inHAUS

Need help with your home project? Get in touch!

Discover home inspiration!