by Marcia Pellegrini Designer + Interiores

متاثر کن انداز کے ساتھ ایک زبردست کلاسیکل اپارٹمینٹ

Hamna – Homify Hamna – Homify
Loading admin actions …

آج کے اس دورے میں ہم آپ کو ایک ایسے اپارٹمینٹ کی سیر کرائیں گے جو اپنی چھوٹی چھوٹی تفصیلات کی وجہ سے بہت ہی شاہانہ اور کلاسیکل انداز رکھتا ہے۔ خوبصورتی اور ذہانت سے ڈیزائن کیا گیا اس کا لےآؤٹ اور جدید انداز اس بات کی نشاندہی کر رہا ہے کہ یہ  اچھے ماہرین کے ہاتھوں تیار ہوا ہے۔ اس کے فرنیچر سے لے کر رنگوں کے چناؤ تک، ہر ہر ڈیٹیل پر کام کیا گیا ہے۔

سب سے مزے کی بات یہ ہے کہ عام اپارٹمینٹ کی طرح اس میں ایک ہی طرح کا انداز استعمال نہیں کیا گیا لیکن اس کا ہر کمرہ ڈیزائن میں ایک دوسرے سے متصل دکھائی دیتا ہے۔ اس کی تفصیلات دیکھیں۔

دیوان خانہ

اس دیوان خانے میں بہت سے رنگوں کو ملا کر خوبصورتی سے استعمال کیا گیا ہے۔ شیشے کی ٹیبل اور گہرے رنگ کی کارپٹ باقی ہلکے رنگوں کے ساتھ مل کر بہت منفرد انداز پیش کر رہی ہے۔ اس پورے دیوان خانے کی آرائش و زیبائش سے لے کر رنگوں کے چناؤ تک، ہر چیز سے کلاسیکل انداز ٹپک رہا ہے۔ 

ادھر رکھی ہوئی کرسیوں کو تو دیکھیں کہ دکھنے میں ہی کتنی شاہانہ اور وینٹیج اندازکی لگ رہی ہیں۔

دوسری طرف

اس طرف سے اس تصویر کو دیکھنے سے پتہ لگتا ہے کہ اس اپارٹمینٹ کو ڈیزائن کرنے والا کتنا باریک بین اور ذہین شخص ہے۔ دیوار پر لگائی گئی ذاتی تصاویر اور کلاسیکل طرز والے فرنیچر کے استعمال کے درمیان میں رنگوں کی تازگی لانے کے لیے بنفشی رنگ کے خوبصورت پھول میز پر سجاۓ ہیں۔

چھوٹی چھوٹی تفصیلات

ادھر استعمال کیے گۓ فرنیچر کو تو دیکھیں جیسے اس کرسی پر استعمال کی گئی چیتے کی کھال اور اس کے ساتھ قدرتی انداز لانے کے لیے ہرے رنگ کا چھوٹا سا پودا، گہرے رنگ کی کارپٹ سے میچ کرتے ہوۓ صوفے پر رکھے گۓ کشنز اور سب سے اچھی چیز دیوار کی آرائش کے لیے استعمال کی گئی شاہانہ انداز کی یہ پالشڈ لکڑی۔۔۔ یہ چھوٹی چھوٹی تفصیلات مل کر اس اپارٹمینٹ کی خوبصورتی کو بڑھا رہی ہیں۔ 

انٹرینس ہال

انٹرینس ہال دیوان خانے سے ایک دم مختلف انداز رکھتا ہے لیکن انداز آرائش اس کا بھی کلاسیکل ہے۔ مہمانوں کو خوش آمدید کہنے کے لیے یہ صاف ستھری جگہ بہت ہی زبردست ثابت ہو گی کیونکہ یہ ان کو گھر میں داخل ہوتے ہی پاکیزہ اور تازگی بھرا احساس دے گی۔ 

ماربل کا فرش اور اس کے اندر پڑنے والی سیاہ لکیریں دیوان خانے میں استعمال کی گئی چیتے کی کھال سے مطابقت رکھتی ہے۔ 

متاثر کن پینٹ

سریمک ٹائلز سے سجی اس دیوار پر چند چھوٹی چھوٹی ڈرائنگز بنائی گئی ہیں جو کہ پورے کمرے میں سفید رنگ کو توازن فراہم کر رہی ہے۔ 

راہداری

اس راہداری کا ڈیزائن بہت زیادہ سادہ ہے، جس میں آرائش کے لیے صرف چندچیزوں کا استعمال کیا گیا ہے۔ لیکن دیکھیں اس تھوڑی سی آرائش میں بھی بہت آرامدہ اور متاثر کن انداز لایا گیا ہے۔ 

کھانے کا کمرہ

اس تصویر کو دیکھتے ہی ساتھ مانتے ہیں نہ کہ یہ کھانے کی جگہ بہت فارمل اور پرتعیش انداز کے عیشائیہ کے لیۓ بہترین ہے۔ ادھر صدارتی کرسی کا انداز باقی تمامکرسیوں سے الگ ہے۔ جبکہ باقی تمام کرسیوں کا انداز بہت سادہ مگر کلاسیکل ہے۔ ان کرسیوں کی گدیوں کا رنگ دیوان خانے میں استعمال کی گئی کارپٹ سے ملتا ہے۔

ہم نے کہا تھا نہ کہ ہر کمرے کا انداز منفرد ہے لیکن ایک دوسرے سے جڑا ہوا ہے۔

چمکتے رہیں

اس گھر کی ہر ہر ڈیٹیل میں سادگی بھری خوبصورتی ہے۔ لیکن اس کھانے کی جگہ کی خوبصورتی کو ایک سطح اوپر لانے کے لیے اس فانوس کا استعمال کیا گیا ہے جس کو آپ بیٹھ کر گھنٹوں دیکھ سکتے ہیں۔ چھوٹی چھوٹی تفصیلات سے بھرا یہ فانوس آپ کو کسی ہرے بھرے درخت کی یاد دلاۓ گا جدھر طوطوں کا ایک غول دن بھر کی اڑان کے بعد واپس اپنے ٹھکانے پہ آ بیٹھا ہو۔

ہم تو سب سے زیادہ متاثر اس پر لگی روشنیوں سے ہوۓ ہیں جو بالکل ایک موم بتی کا سا تاثر دے رہی ہیں۔

ایک چھوٹے گھرمیں تھوڑے سے بجٹ کے ساتھ مکمل تبدیلی.

modern Houses by Casas inHAUS

Need help with your home project? Get in touch!

Discover home inspiration!