by BOHOZOO

گھر کی صفائی اب بےحد آسان

Resham Ejaz Resham Ejaz
Loading admin actions …

کیا آپ کے گھر کا فرنیچر رگڑ رگڑ کر صاف کرنے کے بعد بھی اس میں چمک نہیں آتی؟ کیا آپ کا اوون چھ مہینے بعد ہی پرانا لگنے لگا ہے؟ کیا آپ کے سامان پر کچھ ڈھیٹ داغ ایسےہیں جو  بے انتہا محنت کے بعد بھی پیچھا چھوڑنے پر تیار نہیں؟ پریشان مت ہوں! اس میں کوئی شک نہیں کہ ہم میں سے بہت سے لوگ اپنی روز مرہ زندگی انہی مشکلات سے نبٹتے گزار دیتے ہیں۔ ہم جانتے ہیں آپ اپنی طرف سے ہر کوشش کر چکے ہیں مگر کچھ چیزوں کے لیے محنت کی نہیں عقل کی ضرورت ہوتی ہے۔ تو کیوں نہ ہم آپ کو ایسی انوکھی تراکیب بتائیں جن سے آپ کے یہ مسائل چٹکیوں میں حل ہو جائیں؟

یہ پڑھیے اور ان معلومات کو خود تک ہی محدود نہ رکھیے بلکہ اپنے گھر والوں اور دوستوں کو بھی بتائیں تا کہ وہ بھی ان آسان ٹوٹکوں سے استفادہ حاصل ہو سکیں۔

۱۔ اپنے کٹنگ بورڈ پر نمک اور لیموں رگڑ کر اسے بغیر کوئی کیمیکل استعمال کیے صاف کریں۔

  by Oggetto
Oggetto

Olive Wood Chopping Board

Oggetto

اس سے بہتر اور کیا ہو گا! نہ صرف یہ آسان ہے بلکہ آپ کی صحت کے لیے بھی ان مصنوعی کیمیکلز سے کہیں بہتر ہے۔

۲۔ اپنا سوفا بیکنگ سوڈا سے صاف کریں

سوفے پر پڑ جانے والے داغ دھبے ہمیں اکثر پریشان کیے رکھتے ہیں تو ان پر بیکنگ سوڈا رگڑ کر ان سے جان چھڑائیے اور اپنے سوفے کو نئے جیسا بنا دیجیے۔

۳۔ اپنا اوون سرکے اور بیکنگ سوڈا کی مدد سے صاف کیجیے

ایک ساتھ مل کر یہ دونوں جادوئی اثر رکھتے ہیں۔یقین نہ آئے تو آزما کر دیکھ لیجیے۔

۴۔ ریزر کی مدد سے کپڑوں سے پینٹ اتاریے

کاش کہ یہ کپڑوں پر غلطی سے لگ جانے والا پینٹ مشین میں دھل کر اتر جایا کرتا! مگر افسوس ایسا ممکن نہیں۔ تو اس کا آسان ترین حل اس پینٹ کو ایک صاف ریزر سے اتارنا ہے۔ مگر دھیان رہے کہ کپڑا کٹ نہ جائے۔ اس طریقے سے وائٹنر اور نیل پالش کے داغ بھی اتارے جا سکتے ہیں۔

۵۔ سرکے اور پانی سے اپنے بلائنڈز صاف کریں

  by English Blinds
English Blinds

Waterproof Bathroom Wooden Blinds

English Blinds

ایک پیالی میں سرکہ اور پانی ایک جتنی مقدار میں ڈال کر  ملائیں اور پھر اس میں ایک پرانی جراب بھگو بھگو کر بلائنڈز پر پھیریں۔ اس طرح کسی بھی گندگی کا نام و نشان نہیں رہے گا۔

۶۔ ہیئر ڈرائیر کی مدد سے لکڑی کا سامان صاف کریں

  by Dupere Interior Design
Dupere Interior Design

Totem Wooden Clothes Rail

Dupere Interior Design

لکڑی کے سامان پر پانی سے پڑ جانے والے نشانات ہیئر ڈرائیر کی مدد سے صاف کریں اور اس کے بعد سامان کو چمکانے کے لیے زیتون کا تیل استعمال کریں۔

۷۔ بیکنگ سوڈا سے قالین پر سے تیل کے داغ مٹائیں

  by BOHOZOO
BOHOZOO

Vintage berber moroccan carpet

BOHOZOO

جی! ہم جانتے ہیں کہ قالین کی دھلائی کتنا مشکل کام ہے اور اس پر ایسے داغ سونے پر سہاگہ ہوتے ہیں۔ تو انہیں مٹانے کے لیے آسان ترکیب بیکنگ سوڈا کا استعمال ہے۔

۸۔ لیموں کی مدد سے نلکوں کے داغ مٹائیے

ایک لیموں کو آدھا کاٹ کر نلکوں پر بنے نشانات پر رگڑیں۔ کم وقت اور کم محنت میں آپ کے نلکے چمک اٹھیں گے۔

۹۔ صابن، تیل اور بیکنگ سوڈا کے ساتھ باتھ ٹب کی صفائی کریں

ایک چائے کا چمچ  مائع صابن، اینٹی بیکٹیریل صابن کے چند قطرے اور پانی میں بیکنگ سوڈا ملا کر اس صفائی کے لیے پیسٹ تیار کریں۔ اور اس کی مدد سے معمول کے مطابق ٹب صاف کریں۔

۱۰۔ ٹار ٹار کی کریم سے سٹیل کا سامان صاف کریں۔

کیا آپ نے اس کے بارے میں پہلے کبھی سوچا تھا؟اگر نہیں تو ٹار ٹار کے ساتھ کچھ تجربات کرنے کا یہی درست وقت ہے۔

اب دیکھیے:اپنی زندگی میں آسانیاں پیدا کیجیے۔

modern Houses by Casas inHAUS

Need help with your home project? Get in touch!

Discover home inspiration!