Bars & clubs by Tramps (UK) Ltd

باورچی خانے کے لیے دلچسپ تجاویز

Resham Ejaz Resham Ejaz
Loading admin actions …

باورچی خانہ بلا شبہ آپ کے گھر کاسب سے اہم حصہ ہوتا ہے۔ چاہے آپ کو کھانا پکانا پسند ہو یا صرف کھانا، دونوں صورتوں میں یہ آپ کی پسندیدہ جگہ ہوتی ہے جہاں آپ اپنے دن کا بیشتر حصہ گزارتے ہیں۔ صبح اٹھنے کے بعد آپ تازہ دم ہو کر سب سے پہلے باورچی خانے کا ہی رخ کرتے ہیں اور کتنا اچھا لگتا ہے جب یہ صاف ستھرا سمٹا سمٹایا ہو۔ ناشتہ بنانے کے لیے ضروری ہر چیز اپنی جگہ پر رکھی ملے، برتن خوبصورتی سے سجائے گئے ہوں اور کاؤنٹر دمک رہے ہوں۔ 

آج ہم آپ کے لیے چند ایسی ہی تجاویز لائے ہیں جو کچن میں گزارے گئے وقت کو آپ کے لیے بہتر بنا دیں گی۔

۱۔ مسالے رکھنے کے لیے طاق بنائیں

modern Kitchen by A2studio
A2studio

Kitchen

A2studio

ٹھیک ہے آپ الماریوں اور درازوں میں بھی مسالے رکھ سکتے ہیں مگر اگر آپ کھانا پکانے کے شوقین ہیں تو آپ کو معلوم ہو گا کہ کھانا پکاتے وقت ان مسالوں تک آسان رسائی کتنی ضروری ہے۔ تو بہتر ہو گا اگر آپ خاص مسالوں کے لیے ایک کھلا طاق بنوائیں۔

۲۔ کٹنگ بورڈ سنک کے اوپر رکھیں

اگر کھانا پکانے کا سامان سیٹ کرنے کے بعد آپ کے کاؤنٹر پر جگہ نہیں بچتی تو یہ مت بھولیں کہ آپ کا سنک ابھی بھی خالی ہے۔ ایک ایسا کٹنگ بورڈ خریدیں جو سائز میں سنک سے تھوڑا بڑا ہو اور اسے سنک کے اوپر رکھ کر استعمال کریں۔

۳۔ ڈبوں پر مسالوں کے نام لکھیں

 Bars & clubs by Tramps (UK) Ltd
Tramps (UK) Ltd

Original Ball Mason Jars

Tramps (UK) Ltd

مسالوں کی تنظیم کا ایک آسان طریقہ ڈبوں پر ان کے نام لکھنا ہے۔ اگر آپ کے مسالے دراز میں رکھے ہیں تو یہ نام ڈبوں کے ڈھکنوں پر لکھیں تا کہ دراز کھولتے ہی آپ ایک نظر میں اپنا مطلوبہ مسالہ ڈھونڈ لیں۔

۴۔ چھت سے برتن لٹکائیں

باروچی خانے کو صنعتی انداز دینے اور بڑے برتن سنبھالنے کا یہ ایک آسان طریقہ ہے۔  بس خیال رکھیں کہ یہ برتن اپنی جگہ پر مضبوطی سے لگے رہیں اور اتنی اونچائی پر ہوں کہ کسی کے سر سے نہ ٹکرائیں۔

۵۔ دیگچیوں کے ڈھکن سنبھالیں

country Kitchen by Urban Myth
Urban Myth

Lava Grey Shaker Style Kitchen pull out storage

Urban Myth

دیگچیوں کے ڈھکن سنبھالنے کا آسان طریقہ پردوں والی راڈ کا استعمال ہے۔ جی ہاں! آپ کچن پر پردوں والی راڈ لکا کر اس کے اور دیوار کے بیچ یہ ڈھکن پھنسا سکتے ہیں۔ ان کے ہینڈل راڈ میں اٹک جائیں گے۔

۶۔ ایک میز رکھیں

باورچی خانے میں ایک ایسی میز رکھیں جو صرف آپ کے کام کے لیے مختص ہو۔  اسے ایسے رخ پر رکھیں کہ یہ چولہے، کاؤنٹر اور فریج تینوں سے قریب ہو، اس طرح آپ کو کھانا پکانے میں آ‎سانی ہو گی۔

۷۔ ایک کھلا کاؤنٹر بنوائیں

modern Kitchen by John Ladbury and Company
John Ladbury and Company

Beautiful bespoke kitchen in Hertfordshire by John Ladbury

John Ladbury and Company

اگر آپ ایک میز سے بڑھ کر کچھ کرنے کی استطاعت رکھتے ہیں تو بہتر یہ ہو گا کہ میز رکھنے کے بجائے آپ ایک کاؤنٹر بنوا لیں۔ چاہیں تو اس میں ایک فالتو سنک یا چولہا بھی لگوا سکیں گے۔

۸۔ دراز میں خانے بنائیں

modern Kitchen by Eco German Kitchens
Eco German Kitchens

Stunning open plan Satin Grey kitchen

Eco German Kitchens

کتنی ہی بار ہمارے سارے چھری چمچ مل جل جاتے ہیں اور کام کی چیز ڈھونڈنا مشکل ہو جاتا ہے۔ اس لیے یہ اچھا رہتا ہے کہ درازوں میں خانے بنے ہوں اور ہر چیز اس کے حصے میں رکھی جائے۔

۹۔ سفنج صاف کریں

  by Brillian Co.
Brillian Co.

벨렉 디자인 미스터 스폰지 홀더/ 수세미 걸이(Peleg Design Mr. Sponge Holder)

Brillian Co.

برتن اور سنک اچھی طرح دھونے کے بعد آپ کا دل تو یہی چاہتا ہو گا کہ جلدی سےسفنج کو پانی سے دھو کر سنک کے کنارے رکھ دیں مگر ایسا کرنے سے سفنج پر گندگی جم جاتی ہے اور وہ جلدی خراب ہوتا ہے۔ اس کا حل ایک عام پیپر کلپ ہے۔ سفنج دھونے کے بعد اسے پیپر کلپ میں لگا کر کھڑا کر کے رکھیں اور سوکھنے کے لیے چھوڑ دیں۔

مزید دیکھیے: کچن ڈیزائن کرنے کے لیے اہم تجاویز۔

modern Houses by Casas inHAUS

Need help with your home project? Get in touch!

Discover home inspiration!