modern Bedroom by Preetham  Interior Designer

جدید انداز کی خوابگاہ کی آرائش کس طرح کی جاۓ

Hamna – Homify Hamna – Homify
Loading admin actions …

ہم سب کو اپنی خوابگاہ اس انداز کی چاہیے ہوتی ہے جہاں ہم دن بھر کی تھکن اتارنے کے بعد پرسکون ہو سکیں کیونکہ آج کل کی زندگیاں اتنی تیز رفتار ہو چکی ہیں کہ ہر بندہ دن کے اختتام پر نہ صرف جسمانی بلکہ ذہنی تھکن کا شکار ہو جاتا ہے اور ان دونوں سے چھٹکارا پا کر اگلے دن پھر سے تازہ دم ہو کر نۓ سرے سے زندگی کی دوڑ میں مصروف ہو جاتا ہے۔ خوابگاہ یقیناً ایسی جگہ ہے جہاں آپ جا کر پوری طرح تازہ دم ہو سکتے ہیں تو پھر اس کمرے کی آرائش بھی اس طرح کی ہونی چاہیے کے وہاں جا کر آپ ہر قسم کی پریشانی کو بھول جائیں۔ آج کل کے جدید انداز کی خوابگاہیں اسی سوچ کو لے کر سجائی جاتی ہیں۔

 تو چلیں پھر اگر آپ بھی اپنی خوابگاہ کو جدید انداز سے سجانا چاہتے ہیں تو اس آئیڈیا بک کو ضرور دیکھیں یہ آپ کو یقیناً بہت پسند آۓ گی۔

ایک جدید انداز کی خوابگاہ کے لیے کون سے رنگ بہترین ہیں؟

جدید اندازکی خوابگاہ کی یہی سب سے اچھی بات ہے کہ اس میں ہر رنگ بہترین لگ سکتا ہے، چاہے وہ گہرے شوخ رنگ ہوں یا مدھم اور سادہ رنگ یہ سب آپ کے ذوق اور پسند پر منحصر ہے۔ بس ایک بات یاد رکھیں کہ جب ہم خوابگاہ کہ رنگ کی بات کرتے ہیں تو ہم صرف دیواروں کی ہی نہیں بلکہ اس میں استعمال کیے گۓ فرنیچر، فرش اور یہاں تک کہ بستر کی چادر کی بھی بات کر رہے ہوتے ہیں۔ تو اس لیے یہ بات یاد رکھیں کہ آپ جس بھی رنگ کا چناؤ کریں اس کے ذریعے آپ ان سب چیزوں میں مطابقت پیدا کر سکیں۔

جدید انداز میں بہت زیادہ رنگوں کا استعمال پسند نہیں کیا جاتا تو آپ کوشش کریں کہ زیادہ رنگوں کے استعمال سے اجتناب کریں اور اگر آپ کوئی شوخ رنگ استعمال کرنا ہی چاہتے ہیں تو کسی ایک ہی چیز میں استعمال کر لیں۔

خوابگاہ میں جدید انداز کس طرح لایا جاۓ؟

modern Bedroom by Preetham  Interior Designer
Preetham  Interior Designer

Minimalistic Bedroom Interiors

Preetham Interior Designer

جب بھی آپ اپنے گھر کے کسی بھی کمرے میں جدید یا فیوچرسٹک انداز لانا چاہیں تو سب سے پہلے آپ کو چمکدار اور سیدھی سطحوں کا استعمال کرنا ہو گا۔ اس لے آپ ایسے مٹیریل کا چناؤ کریں جو روشنی کو منعکس کرنے والے ہوں جیسے کہ ماربل، پالیشڈ لکڑی وغیرہ۔ اس کے علاوہ مصنوعی روشنیوں کے استعمال سے بھی آپ کا کمرہ ایک دم جدید انداز پیش کرنے لگے گا۔

اس کے علاوہ دیواروں پر وال پیپر کا استعمال کی کمرے کو بہت جدت عطا کرتا ہے۔ اگر آپ کو ساری دیواروں پر وال پیپر پسند نہیں تو آپ صرف کسی ایک دیوار کو بھی اس سے سجا سکتے ہیں۔

ایک جدید خوابگاہ کی آرائش کے لیے کون سا انداز سب سے بہترین ہے؟

modern Bedroom by Preetham  Interior Designer
Preetham  Interior Designer

Bedroom interiors – Classic Pearl

Preetham Interior Designer

آپ کو یہ بات سن کر زیادہ حیرانگی تو نہیں ہو گی کیونکہ آپ نے جتنی بھی جدید انداز کی خوابگاہوں کی آرائش کو دیکھا ہو گا اس سے آپ کو اندازہ ہو گیا ہو گا کہ جدید انداز دراصل بہت سادہ انداز ہوتا ہے جس میں کم سے کم فرنیچر اور آرائشی اشیاء کا استعمال کیا جاتا ہے۔ اس لیے اگر آپ اپنی خوابگاہ کو جدید انداز دینا چاہتے ہیں تو کم سے کم اشیاء کا استعمال کریں۔ یقین جانیں کہ سادہ انداز آپ کو کبھی بھی دھوکہ نہیں دے گا۔

جدید انداز کی خوابگاہ کے لیے کون سا فرنیچر سب سے بہترین ہے؟

modern Bedroom by Preetham  Interior Designer
Preetham  Interior Designer

Bedroom Interiors – Small spaces

Preetham Interior Designer

آج کل کا جدید انداز ہمیں یہی سکھاتا ہے کہ اس طرح کا فرنیچر استعمال کریں جن کو ایک سے زیادہ طریقوں سے استعمال کیا جا سکتا ہو، جیسے کہ اس تصویر میں دکھایا گیا ہے۔

اس کے علاوہ اس بات کو یاد رکھیں کہ سادہ انداز آپ کا بہترین دوست ثابت ہو گا اس لیے بہت زیادہ فرنیچر بھرنے کے بجاۓ صرف انتہائی ضروری اشیاء رکھیں۔ اس سے نہ صرف آپ کی جگہ کشادہ لگے گی بلکہ آپ کے کمرے کو بہت خوبصورتی بھی ملے گی۔

چھوٹے کمرے کی جدید آرائش کس طرح کی جا سکتی ہے؟

جدید انداز کی آرائش آپ کو سادگی اور جگہ میں کشادہ تاثر لانا سکھاتی ہے تو اگر آپ کا کمرہ چھوٹا ہے تو جدید انداز کی آرائش آپ کے لیے بہترین ہے۔ اس کے لیے ہمارا مشورہ ہے کہ آپ سفید رنگ کا زیادہ سے زیادہ استعمال کریں۔ اگر آپ کے کمرے میں قدرتی روشنی وافر مقدار میں آتی ہے تب تو بہت زبردست بات ہے، اگر نہیں تو مصنوعی روشنیوں کا استعمال کریں۔ اس کے علاوہ کم سے کم آرائشی اشیاء استعمال کریں، اور جو بھی آرائشی اشیاء استعمال کریں، وہ کوشش کریں کے چھوٹے سائز کی ہوں۔ جب آپ ان سب باتوں کا خیال رکھ کر اپنی خوابگاہ کی آرائش کریں گے تو نا صرف آپ کا کمرہ بہت جدید لگے گا، بلکہ وہ ایک دم سے کشادگی کا تاثر بھی دینے لگے گا۔

خوابگاہ کو بہتر بنانے والے 16 دلکش انداز.

modern Houses by Casas inHAUS

Need help with your home project? Get in touch!

Discover home inspiration!