classic Living room by Nash Baker Architects Ltd

دیوان خانے میں کلاسیک انداز لانے کے بہترین طریقے

Hamna – Homify Hamna – Homify
Loading admin actions …

اپنے گھر کی آرائش کے لیے کلاسیک انداز استعمال کرنے کے بہت سے فوائد ہیں۔ جس میں سب سے بڑا فائدہ یہ ہے کہ کلاسیک انداز کبھی بھی پرانا اور آؤٹ ڈیٹ نہیں ہوتا۔ بیشک اس میں وقت کے ساتھ ساتھ تبدیلیاں آتی رہتی ہیں لیکن یہ تمام تبدیلیاں ہر دور کے بہترین رجحانات سے مل کر لائی جاتی ہیں۔ اس کے علاوہ یہ انداز آپ کا وقت اور پیسہ بھی بچاتا ہے اور آپ کو اور آپ کے مہمانوں کو بہت ہی مانوس، شاندار اور شاہانہ سٹائل کی یاد دلاتا ہے۔ اس لیے اگر آپ اپنے گھر میں کلاسیکل آرائش کرنا چاہتے ہیں تو بے فکر ہو کر کریں کیونکہ اس کی وجہ سے آپ کبھی بھی مایوس رہیں ہوں گے۔

آج کل جو انداز سب سے زیادہ مشہور ہو رہا ہے وہ ہے کلاسیک انداز کو جدید انداز کے ساتھ ملا کر استعمال کرنا۔ اسی سلسلے میں ہم نے آپ کے دیوان خانے کی آرائش کے لیے چند ایسے رجحان جمع کیے ہیں جن کی مدد سے آپ اپنے دیوان خانے میں کلاسیکل اور جدید انداز بہت آسانی اور نہایت کم خرچ میں لا سکتے ہیں۔ پو چلیں پھر آپ بھی ان زبردست مشوروں کو دیکھ کر اپنے دیوان خانے کے لیے سب سے اچھا انداز سوچ لیں.

کلاسیک انداز کے دیوان خانے کی آرائش کے لیے سب سے اہم چیز کیا ہے؟

classic Living room by Will Eckersley
Will Eckersley

Cheyne Gardens

Will Eckersley

ایک دیوان خانے میں اگر آپ کلاسیک انداز لے کر آنا چاہتے ہیں تو اس کے لیے سب سے اہم چیز ایک فانوس کا اضافہ ہے۔ کیونکہ کلاسیکل انداز کی پہچان ہی فانوس سمجھا جاتا ہے۔

اب اگر آپ کو لگتا ہے کہ روایتی انداز کا چمکتا دمکتا فانوس آپ کے جدید طرز پر تیار کیے گیے دیوان خانے میں اچھا نہیں لگے گا تو اس کا حل بھی ہمارے پاس موجود ہے۔ اس سلسلے میں آپ لکڑی یا کپڑے کے بنے ہوۓ فانوس بھی استعمال کر سکتے ہیں۔

کلاسیکل انداز کے دیوان خانے میں کس طرح کا فرنیچر سب سے اچھا ہے؟

کلاسیک انداز لانے کے لیے انٹیک انداز کا فرنیچر سب سے بہترین ہے کیونکہ انٹیک فرنیچر اپنے اندر بہت خوبصورت سا شاہانہ انداز رکھتا ہے۔ ضروری نہیں کہ آپ سارا فرنیچر ہی اس انداز کا جمع کریں بلکہ آپ صرف ایک کاؤچ، صوفے یا پھر انٹیک انداز کی کرسی کے اضافے سے ہی اپنے دیوان خانے میں بہت کلاسیکل انداز لا سکتے ہیں۔

کلاسیک دیوان خانے کے فرنیچر کے لیے کون سا مٹیریل سب سے بہترین ہے؟

ایک کلاسیک دیوان خانے کے لیے فرنیچر پسند کرتے وقت آپ کو اس کے مٹیریل پر خصوصی توجہ دینی چاہیے کیونکہ اس سے آپ کے دیوان خانے کی آرائش پر بہت فرق پڑتا ہے۔ اس کے لیے آپ کوشش کریں کے گہرے رنگ اور بھاری کپڑے کے بنے ہوۓ صوفے خریدیں۔ اگر آپ کو ویلوٹ کا کاؤچ یا صوفہ مل جاۓ تو کیا ہی بات ہے۔

اس کے علاوہ میٹل کے ٹچ سے بھی آپ کے دیوان خانے کے فرنیچر کو بہت شاندار انداز مل سکتا ہے کیونکہ میٹل پرانے اور نئے انداز اور اسٹائل کے درمیان پل کا کام دیتا ہے۔

کلاسیک دیوان خانے کی دیواریں کس طرح کی رکھی جائیں؟

classic Living room by Nash Baker Architects Ltd
Nash Baker Architects Ltd

​The living room at the Mansfield Street Apartment

Nash Baker Architects Ltd

کلاسیکل انداز کی ارائش میں زیادہ تر دیواروں کو سادہ اور مدھم رنگوں کا رکھا جاتا ہے کیونکہ اس انداز میں زیادہ توجہ فرنیچر کی اور دیگر آرائشی اشیاء پر دی جاتی ہے۔ اگر آپ چاہیں تو دیواروں پر وال پیپر کا استعمال کر سکتے ہیں لیکن اس سلسلے میں آپ کو اس بات پر دھیان دینا ہو گا کہ ایسے رنگ استعمال نہ کیے جائیں جو بہت گہرے ہوں، کیونکہ اس سے آپ کا دیوان خانہ بہت بھرا ہوا لگے گا۔

اس کے علاوہ اگر آپ اپنے دیوان خانے میں بہت زیادہ آرائشی آشیاء نہیں استعمال کر رہے تب آپ دیواروں کی آرائش پر توجہ دیں۔ اس کے لیے سب سے اچھا انداز یہ ہے کہ آپ اپنی کسی ایک دیوار کو تصاویر کی گیلری میں تبدیل کر لیں۔ اس طرح نا صرف آپ کو اپنے دیوان خانے میں بہت کلسیکل انداز مل جاۓ گا بلکہ ہر بار آپ جب بھی آپ ان تصاویر کو دیکھیں گے تو آپ کو اچھے وقتوں کی یاد  آۓ گی۔

کلاسیکل انداز کے دیوان خانے میں فرنیچر کی سب سے اچھی سیٹینگ کون سی ہے؟

classic Living room by Nash Baker Architects Ltd
Nash Baker Architects Ltd

Mansfield Street Apartment, London

Nash Baker Architects Ltd

آج کل کے جدید دیوان خانے میں زیادہ تر ایک ہی لمبا صوفہ یا پھرI کی شکل میں رکھے گیے دو صوفے استعمال کیے جاتے ہیں، لیکن اگر آپ اپنے دیوان خانے میں کلاسیکل انداز لانا چاہتے ہیں تو آپ کو کم سے کم بھی دو اور زیادہ تر تین صوفے جو کہ ایک سینٹر ٹیبل کے گرد سیٹ کیے گیے ہوں، بہترین رہیں گے۔ اس انداز کی سیٹینگ سے آپ اپنے مہمانوں کے ساتھ بیٹھ کر آرام سے بات چیت کر سکتے ہیں۔

۲۰۱۷ میں لاؤنج کے ۷ انداز بھی دیکھیں۔

modern Houses by Casas inHAUS

Need help with your home project? Get in touch!

Discover home inspiration!