by Crown Floors

گھر میں جگہ کے سائز کے لحاظ سے قالین کے 10 پُرکشش ڈیزائن

M Usman M Usman
Loading admin actions …

قالین کی اہمیت سے انکار نہیں کیا جا سکتا، ایک درست انتخاب آپ کے کمرے کو روشن، کشادہ، زندگی سے بھرپور اور آرام دہ بناتا ہے۔ گھر میں بچوں کے کھیل کود کے دوران یہ چوٹ سے بچاتا ہے۔ قالین آپ کے فرش کو فن کا نمونہ بنانے کی صلاحیت رکھتا ہے بشرطیکہ آپ نے گھر اور کمرے کی مناسبت سے خریدا ہو۔

آج کل قالین بے شمار قسم کے ڈیزائن، دھاگے اور رنگوں میں آ رہے ہیں۔ گھر میں ہر کمرے کی اپنی ضرورت کے مطابق لگا ہوا قالین ہی مناسب رہتا ہے، آج ہومی فائی کے اس مضمون میں یہی بات مدِنظر رکھی گئی ہے۔ آپ کے گھر کا داخلی دروازہ ہو یا لاؤنج اور اس سے نکلتی ہوئی سیڑھیاں، سونے کا کمرہ یا کپڑے تبدیل کرنے کی جگہ۔۔۔۔۔۔ہومی فائی کے پاس سب کا حل موجود ہے۔ لہذا دیکھئے اور اپنے گھر میں تبدیلی لائیے۔

1. پہلا تاثر ہی آخری ہوتا ہے

 Corridor & hallway by Nice Brew Interior Design
Nice Brew Interior Design

Private Residence, Surrey

Nice Brew Interior Design

یہ کوئی راز نہیں ہے کہ گھر کی راہداری ہی وہ پہلی جگہ جس کا اثر مہمان پر ہوتا ہے، اس لئے داخلی دروازے پر کچھ الگ قسم کا ضرور ہونا چایئے۔ اسی لئے مہمانوں کو خوش آمدید کرنے کے لئے یہاں قالین کو بچھایا گیا ہے، پوری جگہ قالین بچھانے سے راہداری چھوٹی نظر آتی لہذا چوڑائی کو دروازے سے تھوڑا سا کم رکھا گیا جو نہایت مناسب اور خوبصورت ہے۔

2. ایرانی انداز

 اس لاؤنج میں داخل ہوتے ہی آپ کی نگاہ اس ایرانی قالین پر ٹھہر جاتی ہے، نفیس اور خوبصورت یہ قالین لکڑی کے فرش پر بھلا معلوم ہوتا ہے۔ فرنیچر اور دیواروں کا ہلکا رنگ اس جگہ کو پُرسکون اور حسین بناتا ہے۔

3. کالی اور سفید دھاریاں

 Corridor & hallway by Style Within
Style Within

black and white striped stair carpet runner

Style Within

 وال پیپر دیوار کے ساتھ موجود سیڑھیوں پر کالی اور سفید رنگ کا دھاری دار قالین بہترین انتخاب ہے۔ عموماً سیڑھیوں کو ماربل سے سجانا کافی سمجھا جاتا ہے مگر یہاں موجود ڈیزائن کو دیکھنے کے بعد آپ یقیناً ایسی غلطی نہیں کریں گئے۔

سیڑھیوں پر مزید خوبصورت اور پُرکشش قالین کی تجاویز کے لئے کلک کریں۔

4. کونے کو دلکش بنائیں

Shinnosuke Iguchi

Status taba Round Shape Rug with Anti skid backing

Shinnosuke Iguchi

لاؤنج کا کونا ایسا ہونا چائیے جہاں ہر کوئی بیٹھنے کی چاہ کرے۔ جہاں آپ مل بیٹھتے اور گپ شپ لگاتے ہیں وہ لاؤنج ہی ہے اس لئے یہاں موجود یہ زونگ ڈیزائن کا خوبصورت کا قالین پرفیکٹ ہے۔ 

5. رنگوں کی مناسبت سے قالین خریدیں

  by Crown Floors
Crown Floors

Silver Birch

Crown Floors

قالین کو پسند کرتے ہوئے اس کا رنگ اور بناوٹ اہم ہوتی ہے، ضروری نہیں کہ آپ شوخ اور تیز رنگ ہی خریدیں ایسے حالات میں جب کمرے کا فرنیچر اور دیواریں ہلکے رنگ کی ہوں قالین بھی ہلکے رنگ کا ہونا ضروری ہے۔ مجموعی تاثر کو ہمیشہ ذہن میں رکھیں۔

6. قدرتی رنگ کے ساتھ

  by Crown Floors
Crown Floors

Powder Horn

Crown Floors

 لکڑی کے رنگ کا فرنیچر قدرتی رنگ کے قالین کے ساتھ اس کمرے میں پوری آب و تاب کے ساتھ موجود ہے۔ اعلٰی وول اور مظبوط ترین دھاگے کے ساتھ یورپ کی سب سے بڑی قالین بنانے والی کمپنی ’’بالٹا گروپ‘‘ کا یہ قالین اپنی مثال آپ ہے۔

7. ڈریسنگ کمرہ

جہاں آپ کپڑے بدلتے ہیں وہاں قالین کا ہونا سکون آوور ہے، ان خوبصورت الماریوں کے درمیان موجود ’’چیک‘‘ نما یہ نمونہ خوبصورت ہے۔ سردیاں ہو یا گرمیاں، فرش لکڑی کا ہو یا ماربل یا کوئی اور آپ کو محسوس نہیں ہو گا۔

8. بناوٹ کی اقسام

  by Crown Floors
Crown Floors

London Fog

Crown Floors

اس تصویر میں موجود قالین کی اوپری سطح صاف ہے، ایسے قالین کی صفائی قدرے آسان ہوتی ہے۔ قالین کی ظاہری سطح کے لحاظ سے عام طور پر دو اقسام بیان کی جاتی ہیں۔

(High-Pile) نرم اور گدگدی قسم کے ہوتے ہیں۔ 

۰ جہاں زیادہ افراد کی آمدورفت ہو وہاں یہ جلدی خراب ہوجاتے ہیں۔ 
۰ ان کی صفائی ستھرائی کے لئے زیادہ محنت درکار ہوتی ہے۔ 

(Low-Pile) عموماً اوپر سے صاف ہوتے ہیں۔ 

۰ ان کی صفائی ستھرائی نسبتاً آسان ہے۔ 
۰ بچوں کے کمرے جہاں کھلونے کا استعمال ہوتا ہے وہاں یہ زیادہ کارآمد ہیں۔

9. صفائی کا خاص خیال رکھیں

قالین کی صفائی ہفتے میں دو یا تین بار لازمی کرنی چائیے، اگر داغ لگ جائیں تو داغ کی مناسبت سے کیمیکل کا استعمال ضروری ہے۔ 
داغ کی صورت میں کھانے والا سوڈا داغ کی جگہ استعمال کریں اور ایک منٹ تک رہنے دیں پھر ویکیوم کلینر سے اوپر کھینچ لیں، اب پانی سے گیلا کریں اور اوپر چھوٹا تولیہ یا اس جیسی کوئی چیز تین سے چار گھنٹے تک رہنے دیں۔

10. غالیچے سے رونق بڑھائیں

گھر کی خوبصورتی کے لئے اس سے بہتر آئیڈیا کیا ہو سکتا ہے، راہداری میں رکھا یہ خوصورت غالیچہ اور اسی رنگ کا گول میز گھر کو رونق بخشتے ہیں۔ گھر جتنا بھی کشادہ ہو  ایسے آئیڈیاز غیر ضروری فرنیچر سے بچتے ہوئے قابل عمل اور زیادہ خوبصورت ہیں۔

modern Houses by Casas inHAUS

Need help with your home project? Get in touch!

Discover home inspiration!