modern Bathroom by The Lady Builder

غسلخانے کی ڈیزائنگ: آپکے گھر کےلئے 12 شاندار تجاویز

زنیرہ رئیس زنیرہ رئیس
Loading admin actions …

 اگرآپ یہ سوچ رہے ہیں کہ آپکے غسلخانے کو سٹائل کا ٹیکہ لگانے کی ضرورت ہے تو اسکے لئے آپکو جِس تحریک کی ضرورت ہے وہ یہاں ہمارے پاس موجود ہے۔ جب آپ دنیا بھر سے خوبصورت اور تخلیقی غسلخانے دیکھیں گے تو آپ اس کام کا بیڑا اٹھانے کے لئے تیار ہو جائیں گے اوراپنے پرانے سٹائل کے غسلخانے کو تبدیل کرنے کے لئے تیار ہوجائیں گےاورکچھ نیا حاصل کرنے میں کامیاب ہو جائیں گے۔ غسلخانے ڈیزائن کرنے کے ماہر کافی عرصے سے یہ کام کر رہے ہیں مگر حالیہ سالوں میں ہی ان کی ڈیزائنگ کی اہمیت کمروں کی ڈیزائنگ جتنی اہم مانی گئی ہے اور انکو خوبصورت بنانے کی  جانب توجہ دی جانے لگی ہے۔  اگر آپ اس بات کے ئے تیار ہیں کہ اپنی نجی جگہ کو ایک ایسی جگہ میں تبدیل کر سکیں جسکو آپ فخر سے دوسروں کو دِکھا سکیں تو آئیے کچھ سٹائل دیکھتےہیں جنکوآپ اپنا سکیں۔   

1.ایک نئے اندازز کا ورثہ

scandinavian Bathroom by Drummonds Bathrooms
Drummonds Bathrooms

Drummonds Case Study: European Retreat, Denmark

Drummonds Bathrooms

ہمیں مختلف زمانوں کی عکاسی کرتے غسلخانے بہت پسند ہیں اور اس تصویر میں دکھایا گیا پرانے زمانے کے انداز کے غسلخانے کا کوئی ثانی نہیں مگر ہمیں جو بات سب سے زیادہ پسند آئی وہ یہ ہے کہ اسمیں لگی چیزوں گو کہ پرانے زمانے کے انداز کی ہیں مگر انکوجدید رنگ دیا گیا ہے۔ کرومیم کا بنا ہوا نہانے کا ٹب اور اسکے پیچھے نسبتاًکم نمایاں سجاوٹ نے ایک ابہامی مگر اتصالی سجاوٹ کا احساس اجاگر کیا ہے جسکو دیکھتے رہنے پر ہم مجبور ہیں۔  

2۔ انتہائی جدید

صرف نہانے کے ٹب کو دیکھ لیں۔ اسمیں کوئی شبہ نہیں کہ یہ ایک بہت شاندار اور انتہائی جدید غسلخانہ ہے مگر سٹائلنگ کو ذرا دھیما رکھا گیا ہے۔ اسمیں زیادہ دھیان کچھ نمایاں تنصیبات پر دیا گیا ہے۔ اگر آپ کم سے کم سامان پر یقین رکھتے ہیں تو یہ غسلخانہ آپکے لئے بالکل مناسب ہے۔ 

3۔ سادگی اور تازگی کا احساس لئے

یہ ایک تقریباً تمام سفید غسلخانہ ہے صرف چند وہ بھی ہلکے رنگوں کے استعمال کی وجہ سے یہ تازہ، خوبصورت اور نسوانیت سے بھرپور لگ رہا ہے۔ پھولوں والے ڈئزائن کے یہاں وہاں استعمال بہت بھلا لگ رہا ہے اور اس کمرے کو بہت خوبصورت بنا رہا ہے۔ خصوصاً ہمیں بیٹھنے کے لئے ایک آرام دہ گوشہ بہت پسند آیا ہے۔ 

4۔ صرف اور صرف آسائش

modern Bathroom by Roselind Wilson Design
Roselind Wilson Design

Eaton Mews North – Master Bathroom

Roselind Wilson Design

اگر آپ اپنے غسلخانے کو نمایاں اور منفرد بنانا چاہتے ہیں تو تمام اشیاء کے لئے سنگِ مرمر کے استعمال سے بہتر کوئی چیز نہیں۔ فرش، دیواریں اور سامان رکھنے کی الماریاں بہت شاندار لگتے ہیں جب کسی شاندار تعمیراتی سامان کا وافر مقدار میں استعمال کیا جائے۔ 

5۔ انعکاس پذیر جگہ

modern Bathroom by Celia Sawyer Luxury Interiors
Celia Sawyer Luxury Interiors

Fairways at the Bishops Avenue

Celia Sawyer Luxury Interiors

غالباً ایک واحد چیز جو سنگِ مرمر کو پُر آسائش بنا سکتی ہے وہ ہے انعکاس پذیر شیشے کا فرنیچراور سٹائلش غسلخانہ بنانے کے لئے اور کچھ کرنے کی ضرورت نہیٰں۔ گھرکے سب سے زیادہ استعمال ہونے والے کمرے میں ہالی وڈ کی فلموں میں دکھایا جانے والی شان وشوکت اور چمک دمک لانا کچھ زیادہ مشکل نہیں۔ 

6۔ سادہ مگر ڈرامائی

eclectic Bathroom by LEIVARS
LEIVARS

Battersea

LEIVARS

اگر آپ بہت زیادہ نفیس چیزیں نہیں پسند مگر ایک ایسا غسلخانہ چاہتے ہیں جس کا تاثر دائمی ہو تو ایک ایسا ڈیزائن منتخب کریں جو عموماً دفتروں وغیرہ میں استعمال کیا جاتا ہے۔ گہرے رنگوں ، ہموار اور سلیٹ نما دیواریں سفید رنگ کی تنصیبات کے ہمراہ غسلخانے کو بہت خوبصورت اور گرمائش کے احساس والا بنارہی ہیں۔ ایسا سمجھ لیں کہ یہ بیٹ مین کے لئے بالکل مناسب غسلخانہ ہے۔ 

7۔ سپا جیسا

واہ! پالش شدہ فرش، ہلکے رنگوں کی دیواریں ، متضاد رنگ کا نہانے کا معلق ٹب جو کہ کششِ ثقل کے تمام اصولوں کی نفی کر رہا ہے، ان سب عناصر نے مِل کر ایک ایسا غسلخانہ بنارہے ہیں جیسا کہ ایک سپا میں ہونا چاہئے۔ ٹونٹی کا تو جواب ہی نہیں ۔ مختصراً اِس غسلخانے میں ایک ایسا سکون کا احساس ہے جسکا حصول بہت آسان ہے۔  

8۔ سٹوریج کی ضرورت کو مدنظر رکھتے ہوئے

کسی بھی غسلخانےکو سٹوریج کی وافر جگہ کی ضرورت ہوتی ہے(ماسوائے اسکے کہ آپ تمام ٹوائلٹ رول نمائش کے لئے رکھنا چاہیں)۔ اسلئے اِس غسلخانے سے تحریک حاصل کریں جسمیں پہلے سے نصب شدہ خانے، الماریاں اور سامان رکھنے کی الماری لگی ہے۔ یہ بالکل بھی بھرا ہوا نہیں لگتا۔ 

9۔ بہت ہی نفیس

ہمیں یہ تسلیم کرنے میں کوئی عار نہیں کہ اس تصویر کو دیکھنے سے پہلے ایک رومانوی غسلخانے کا خیال ہمیں تھوڑا عجیب لگا تھا۔ مہین پردے، سنک پر لگے باریک ڈیزائن والے بریکٹ، نہانے کا خوبصورت ٹب اور خوبصورت شیشہ یہ سب مِل کر اس چھوٹے سے غسلخانے کو بہت خوبصورت بنا رہے ہیں۔ ہمیں تو یہاں پر موم بتی رکھنے کا سٹینڈ بھی نظر آرہا ہے تاکہ جب آپ اپنے آپ کے ساتھ کچھ وقت بیتانا چاہیں تو ایک رومانوی ماحول بن سکے۔ 

10۔ ٹیکنالوجی سے بھرپور

modern Bathroom by Nordic Saunas and Steam
Nordic Saunas and Steam

Feature Showers and Steam Showers

Nordic Saunas and Steam

اگر آپ اپنے گھر میں جدید ساز وسامان دیکھنا چاہتے ہیں اور ہمیشہ نئے سے نئے آلات اور ٹیکنالوجی کی تلاش میں رہتے ہیں تواِس غسلخانے کو نظر اندازمت کریں۔ ایک جدید، باسہولت اور توانائی بچانے والے شاور میں سرمایہ کاری کرنے سے ناصرف آپکا غسلخانہ آپکے حلقہِ احباب میں سب سے بہترین ہوگا بلکہ اِس سے آپکو پیسے بچانے میں بھی مدد ملے گی۔ 

11۔ رحجان پذیر آرام

یہ بات اب کوئی راز کی بات نہیں رہی کہ سرمئی 2017 کا رنگ ہے تو کیوں نہ اسکو اپنے غسلخانے میں ایک مثبت اثر پیدا کرنے کے لئے استعمال کریں۔ ہمیں یہ روایتی غسلخانہ بہت پسند آیا ہے جسمیں ٹائلوں کا لگا نہانے کا ٹب ہے۔ دیواروں میں لگی روشنیاں ، سامان رکھنے کی الماری اور خانہ دار الماریوں کی وجہ سے جدت کا احساس پیدا ہورہا ہے۔   

12۔ سادہ اور شاندار

modern Bathroom by Patience Designs
Patience Designs

St John's Wood

Patience Designs

اس غسلخانے میں ہلکے رنگوں کے استعمال کی وجہ سے ایک ایسا پُرسکون اور توانائی سے بھرپور ماحول قائم ہوگیا ہے جسمیں آپ دن کے وقت تازہ دم ہوناچاہتے ہیں مگرشام کو سکون حاصل کرنا چاہیں گے۔ باہم مدغم منعکس روشنی بہت اچھی لگ رہی ہے مگر ہلکے بھورے رنگ کا سنک اصلی توجہ کا مرکز ہے۔ ہلکے رنگوں کو کیا شاندار استعمال ہے۔ 

غسلخانے کے لئے مزید تجاویز کے لئے ملاحظہ کریں یہ مضمون’ غسلخانے میں درست اشیاء کا استعمال کریں’ 

modern Houses by Casas inHAUS

Need help with your home project? Get in touch!

Discover home inspiration!