modern Living room by Studio Duggan

کلاس اور وضع داری سے بھرپور ایک جدید گھر

Hamna – Homify Hamna – Homify
Loading admin actions …

آج کے اس دورے میں ہم آپ کو ایک ایسے گھر کی سیر کرائیں گے جس میں خوبصورتی اور وضع داری کو جدت کے ساتھ اس دلکشی سے ملایا گیا ہے کہ ہر دیکھنے والا مسحور ہو کہ رہ جاۓ گا۔ اس گھر کی سب سے اچھی بات یہ ہے کہ ادھر صرف جدت کو ہی سامنے نہیں رکھا گیا بلکہ گھر کے مکینوں کے آرام کا بھی خصوصی طور پر خیال رکھا گیا ہے۔ اس پورے گھر میں جو چیز ہر جگہ کو آپس میں ملا رہی ہے، وہ ہے اس کا سادگی بھرا حسن۔ اور ہمارا تو ہمیشہ سے یہی خیال رہا ہے کہ سادگی میں ہی اصل خوبصورتی ہے۔ 

چلیں پھر بغیر کسی انتظار کے اس خوبصورت گھر کا دورہ کریں اور پسند آنے والے آئیڈیاز کو اپنا گھر بنانے میں بھی استعمال کریں۔

تخلیقی صلاحیت کا کمال

اس چھوٹے سے باورچی خانے کو نہایت ذہانت کے ساتھ کشادہ دکھایا گیا ہے۔ میٹ انداز کے ہینڈل سے پاک کیبنٹ، چمکدار صاف ستھرا سپلیش بیگ اور سفید رنگ، یہ سب مل کہ ویسے ہی اس جگہ کو بہت بڑا دکھا رہے ہیں اور اس کے ساتھ ہی بڑی کھڑکی سے آتی ہوئی قدرتی روشنی بھی۔

ان کیبنٹس کو اس انداز میں بنایا گیا ہے کہ یہ بالکل دیوار میں غائب ہوتے ہوۓ محسوس ہو رہے ہیں۔ اس کی وجہ سے ادھر کے مکینوں کو چیزیں رکھنے کی کافی زیادہ جگہ مل گئی ہے اور یہ باورچی خانہ زیادہ بھرا ہوا بھی نہیں لگ رہا۔ اب اس پوری جگہ کو یکسانیت سے بچانے کے لیے یہاں رنگین کرسیوں کا اضافہ کیا گیا ہے جو اس جگہ کی خوبصورتی کو مزید بڑھا رہا ہے۔

رہائش ایک زبردست سٹائل کے ساتھ

modern Living room by Studio Duggan
Studio Duggan

Living Room

Studio Duggan

آئیوری، سفید، خاکستری اور سرمئی رنگوں کی وجہ سے اس جگہ کو بہت جدت بھرا گرم جوش انداز مل رہا ہے۔ ذرا آپ تصور کریں کہ آپ اپنے پیاروں کے ساتھ چاۓ کا کپ لے کر اس خوبصورت سی جگہ پر اچھے وقتوں کی یاد تازہ کر رہے ہوں، ہے نا ایک خوش کن منظر۔

سادگی اور سٹائل ایک ساتھ

modern Dining room by Studio Duggan
Studio Duggan

Living/Dining Room

Studio Duggan

دیوان خانے کے ساتھ متصل یہ کھانے کی جگہ گہرے رنگ کی کرسیوں اور میز سے سجی ہوئی ہے جو کہ باقی سارے کمرے کے مدھم رنگوں کے ساتھ بہت زبردست کنٹراسٹ پیش کر رہی ہے۔ اس کے علاوہ آپ اس کمرے کو غور سے دیکھیں کہ اس کمرے میں کتنے مختلف اندازوں کے ٹیکسچر استعمال کیے گۓ ہیں لیکن یہ سب کے سب ایک دوسرے کے ساتھ بہت خوبصورتی سے مدغم ہو رہے ہیں۔ کیا آپ نے ادھر لگے فانوس پر غور کیا ہے؟

مزے گھر والوں کے ساتھ

modern Living room by Studio Duggan
Studio Duggan

Living/Family Room

Studio Duggan

یہ پرائیوٹ لاؤنج میڈیا روم کے طور پر استعمال ہو رہا ہے۔ نرم سے کاؤچ اور گہرے رنگ کی لکڑی کی کافی ٹیبلز اور لکڑی کا ہی فرش اس جگہ کی خوبصورتی کو کئی گنا بڑھا رہا ہے اور اس کے علاوہ ٹی وی یونٹ کے تو کیا ہی کہنے ہیں! ذرا سوچیں یہاں پر آپ کو اپنی فیملی کے ساتھ وقت گزارنا کتنا اچھا لگے گا۔

شاہانہ انداز

modern Bedroom by Studio Duggan
Studio Duggan

Master Bedroom

Studio Duggan

آرامدہ، جدید اور متاثر کن۔ ۔ ۔ یہ خوابگاہ آرام و سکون کے لیے بہترین ہے۔ زیادہ تر مدھم رنگوں سے سجا یہ کمرہ ایک پر سکون اور تازہ دم کر دینے والی نیند کے لیے بہترین ہے۔ کیا آپ کو بھی اس بستر کو دیکھتے ہی ساتھ اس پر چھلانگ مار کر لیٹنے کا دل نہیں چاہ رہا؟ 

ایک ہی بہاؤ میں

modern Bathroom by Studio Duggan
Studio Duggan

Bathroom Detail

Studio Duggan

ہلکے رنگ، شاندار انداز، خوبصورت آرائش اور جدت سے بھرا یہ غسل خانہ ہر کسی کو ہی پسند آتا ہے۔ آئیوری رنگ کا گہری لکڑی کے ساتھ کمبینیشن اس جگہ کو بہت ہی خوبصورت تاثر دے رہا ہے۔ ڈبل سنک اور ان کے اوپر لگا بڑا سا شیشہ ادھر کھڑے ہو کر تیار ہونے کے لیے بہترین ہے۔

متاثر کن انداز کے ساتھ ایک زبردست کلاسیکل اپارٹمینٹ.

modern Houses by Casas inHAUS

Need help with your home project? Get in touch!

Discover home inspiration!