modern Kitchen by Arquiteto Aquiles Nícolas Kílaris

باورچی خانے کے ڈیزائن کو ترتیب کیسے کیا جائے ؟ بہترین تجاویز

usranaz usranaz
Loading admin actions …

ہر شخص دن بھر کی تھکان کے بعد آرام اور سکون حاصل کرنے کے ساتھ ساتھ اپنی غذائی ضروریات کو پورا کرنے کے لئے باورچی خانے کا رُخ کرتا ھے۔ باورچی خانہ کو گھر کے دوسرے کمروں کی طرح خاص اہمیت حاصل ھوتی ھے۔لیکن اپنی چھوٹی جگہ اور بہت سی اشیاء کے ذخیرہ کرنے پر اس میں گندگی اور بے ترتیبی پھیلنے کے مواقع ذیادہ ھوتے ہیں۔

اگر آپ اپنے باورچی خانہ کو صاف ستھرا اور خوبصورت بنانا چاہتے ہیں تو باورچی خانہ کے ماہرین سے رابطہ کر سکتے ہیں، مزید برآں ھومی فائی کے اس مضمون میں ہم آپ کے لئے ایسی شاندار اور دلچسپ تجاویز اور ڈیزائن پیش کریں گے جس کی مدد سے آپ اپنے باورچی خانہ کو صاف ستھرا اور سلیقے سے ترتیب دے سکتے ہیں۔

1۔ کھلی شیلفوں کا انتخاب

modern Kitchen by A2studio
A2studio

Kitchen

A2studio

باورچی خانے میں کھلی شیلفوں کا رجحان عام پایا جاتا ھے۔ اس کا فائدہ یہ ھے کہ جلد کام کو نمٹانے کے دوران کھانا پکانے میں استعمال ھونے والی چیزوں تک رسائی میں آسانی رہتی ھے۔ اس کے علاوہ آپ سجاوٹی اشیاء کو باورچی خانے کی زینت بنانے کے لئے کھلی شیلفیں بہترین جگہیں فراہم کرتی ہیں۔

2۔ چھوٹی جگہ میں شاندار باورچی خانہ

country Kitchen by 弘悅國際室內裝修有限公司
弘悅國際室內裝修有限公司

打開廚房的拉門空間更顯寬廣,精心收集的小用具也會是空間的亮點

弘悅國際室內裝修有限公司

اگر آپ کے گھر میں باورچی خانے کے لئے زیادہ جگہ نہیں ھے تو اس کے لئے آپ چھوٹی سی جگہ کو بھی منتخب کر سکتے ہیں، جیسا کہ ماڈل میں دکھایا گیا ھے۔ آپ  کاؤنٹر کے لئے دیوار کے ساتھ ملحقہ جگہ کو منتخب کریں۔ ایک ہی کاؤنٹر پر چولہے کے ساتھ سنک کو بھی نصب کریں اس سے آپ تھوڑی سی جگہ پر ذیادہ چیزوں کو استعمال میں لا سکتے ہیں۔

3۔ الماریوں کی صحیح جگہ

classic Kitchen by dd Architects
dd Architects

Krishnakumar Residence

dd Architects

باورچی خانہ میں گندگی سے بچنے کے لئے اور اسے سلیقے سے صاف ستھرا برقرار رکھنے کے لئے الماریوں کا استعمال نہائت ضروری ھے۔ اس میں آپ غیر ضروری چیزوں کو ذخیرہ کر کے اپنےباورچی خانہ کو نفاست سے صاف ستھرا رکھ سکتے ہیں۔ آپ  کو الماریوں کے لئے کسی خاص اضافی جگہ کی ضرورت نہیں ھے۔ اس کے لئے آپ کاؤنٹر کے نیچے بچ جانے والی جگہ کو بھی استعمال میں لاسکتے ہیں۔مزید الماریوں کی جگہ کے لئے آپ دیوار کے اوپر کاؤنٹر کے اوپری جگہ کو شاندار انداز میں استعمال کر سکتے ہیں۔ 

4۔ باورچی خانہ میں روشنی کا معقول انتظام کریں۔

باورچی خانہ میں کھانا پکانے اور دیگر سرگرمیوں کے لئے روشنی کا انتظام نہائت ضروری ھوتا ھے۔ اس کے لئے آپ بجلی کے بلب کے علاوہ قدرتی روشنی کے لئے کھڑکی کا استعمال لازمی کریں۔ کھڑکی نہ صرف قدرتی روشنی فراہم کرتی ھے بل کہ باورچی خانہ کے ماحول کو  باہر کے ماحول کے ساتھ مطابقت پیدا کراتی ھے جس سے باورچی خانے کا ماحول نہائت خوشگوار ھو جاتا ھے۔

5۔ برقی آلات کا استعمال

باورچی خانہ کو جدید طرز پر ڈیزائن کرنے کے لئے اس میں برقی آلات کا استعمال کریں۔ اگر آپ کے باورچی خانے میں مناسب جگہ موجود ھے تو اس میں فریج کو رکھیں۔ کاؤنٹر کے اوپر جُوسر مشین اور مائکرو ویو اوون کے لئے لکڑی کی شیلف کا انتخاب کریں۔ ان آلات کی موجودگی سے آپ کے باورچی خانہ میں جدت اور دلکشی پیدا ھو گی۔

6. بہترین رنگوں کا انتخاب

باورچی خانہ کے لئے رنگوں کے انتخاب میں خاص احتیاط کرنا پڑتی ھے۔ کہا جاتا ھے کہ بھڑکیلا سرخ رنگ بھوُک کو بڑھا دیتا ھے۔ اس لئے ہم آپ کو باورچی خانے کے لئے سرخ رنگ کا مشورہ دیں گے۔ یہ آپ کے باورچی خانہ میں بہت دلکشی اور خوبصورتی پیش کرے گا۔ باورچی خانے کی دیواروں اور کھانے کی میز کے لئے سرخ رنگ استعمال کریں جب کہ کاؤنٹر اور فرش کے لئے سفید رنگ اس میں جدت کے ساتھ دلکشی لاتا ھے۔

7۔ چمنی کی صحیح جگہ

modern Kitchen by homify
homify

Cozinha

homify

پرانے زمانے میں چمنیوں کو دیوار کے ساتھ  چولہے کے اوپر بنایا جاتا تھا، اور ظاہر ھے چولہے کو بھی اسی طرح دیوار کے ساتھ نصب کیا جاتا تھا، لیکن اب جدید دور میں باورچی خانہ کے تقاضے بھی تبدیل ھو چکے ہیں۔ اس نئے دور میں حرارتی چولہے باورچی خانہ کی زینت بننے لگ گئے ہیں۔ ان چولہوں کو آپ کسی بھی جگہ نصب کر سکتے ہیں حتیٰ کہ اس کا کاؤنٹر درمیان میں بھی بنا سکتے ہیں۔ چمنی کی صحیح جگہ چولہے کے اوپر ھے۔ آپ چولہا جہاں بھی نصب کریں اسی کے اوپر چمنی بھی نصب کریں اس سے باورچی خانہ کی تپش اور گرمی چمنی کے ذریعے آسانی سے باہر نکل جائے گی۔ 

8۔ سفید رنگ نفاست کی علامت

classic Kitchen by Style Within
Style Within

Classic Kitchen Diner

Style Within

سفید رنگ کو نفاست کی علامت سمجھا جاتا ھے۔ اگر آپ باورچی خانہ کو صاف ستھرا رکھنا چاہتے ہیں تو اس میں سفید رنگ کا اضافہ کریں۔ اس کی الماریوں اور دیواروں پر سفید روغن کریں۔ مزید رنگوں کے امتزاج کے لئے سیاہ رنگ کے کاؤنٹر استعمال کریں یہ سفید اور سیاہ رنگ رنگ کا حسین ملاپ ھوگا اور آپ کا باورچی خانہ صاف ستھرا ،نفیس اور دلکش نظر آئے گا۔

9۔ باورچی خانہ کی دلکشی کے لئے لکڑی کا استعمال

باورچی خانہ لکڑی کے استعمال کے بغیر ادھورا تصور کیا جاتا ھے ۔لکڑی کا دلکش انداز باورچی خانہ میں خوبصورتی اور نفاست کو پیش کرتا ھے۔ جیسا کہ اس ماڈل میں آپ دیکھ سکتے ہیں کہ کیسے لکڑی کے دلکش انداز کی وجہ سے بارچی خانہ میں نفاست اور خوبصورتی بھر چکی ھے۔ لکڑی کا فرش، الماریاں ،درازیں اور کاؤنٹر ایک حسین منظر پیش کر رہے ہیں۔

modern Houses by Casas inHAUS

Need help with your home project? Get in touch!

Discover home inspiration!