modern Kitchen by Kris Bristot Arquitetura

چھوٹے باورچی خانے کو سلیقے سے سجانے اور صاف ستھرا رکھنے کے دلکش مگر جدید انداز

usranaz usranaz
Loading admin actions …

باورچی خانہ کے بغیر گھر مکمل نہیں ھو سکتا، باورچی خانہ گھر کا نہائت اہم اور ضروری حصہ ھوتا ھے۔ دن بھر کی تھکان اور کام کاج سے فارغ ھونے کے بعد جسم کو غذا کی اشد ضرورت ھوتی ھے۔ جسم میں ھونے والی اس کمی کو پورا کرنے کے لئے ہم مشروبات اور کھانے پینے کا انتظام کرتے ہیں۔ اور اس کام کے لئے ہم میں سے ہر شخص باورچی خانے کا رُخ کرتا ھے۔

باورچی خانہ گھر کا وہ مصروف ترین حصہ ھے جہاں ہر وقت کوئی نہ کوئی کام ھو رہا ھوتا ھے اس لئے یہ عموما’ بے ترتیب اور گندا پڑا ھوتا ھے۔ خاص کر جب ہمارے مہمان آتے ہیں تو باورچی خانے کا سنک گندے برتنوں سے بھرا پڑا ھوتا ھے جس سے ہمیں خفت اٹھانا پڑتی ھے۔ اس کے علاوہ زیادہ تر ہمارے گھروں میں باورچی خانہ بہت چھوٹا بنایا جاتا ھے جس کی وجہ سے بہت زیادہ سامان تھوڑی سی جگہ میں سنبھالنا مشکل ھو جاتا ھے۔ اس لئے آج ہم آپ کے لئے ایسے تراکیب اور دلچسپ ڈیزائن لائے ہیں جن کی مدد سے آپ باورچی خانہ کو صاف ستھرا اور سلیقے سے سجایا ھوا رکھ سکیں گے۔ تو پھر چلیں، ان ڈیزائنوں اور تراکیب پر ایک نظر  ڈالتے ہیں۔

1۔ چھوٹی جگہ میں فعال باورچی خانہ

modern Kitchen by PTC Kitchens
PTC Kitchens

Compact High Black Gloss

PTC Kitchens

`اگر آپ کے گھر میں جگہ کی کمی کے باعث کھانے کی میز رکھنے کی جگہ نہیں ھے تو آپ اپنے باورچی خانہ کو اس ڈیزائن میں ترتیب دیں کہ وہ کثیرالمقاصد استعمال ھو سکے۔ مثال کے طور آپ باورچی خانہ کے کاؤنٹر کو اس شکل میں میں ترتیب دیں کہ وہ کھانے کی میز کے طور پر استعمال ھو سکے جیسا کہ اس تصویر میں دکھایا گیا ھے۔

2۔ کم جگہ میں باورچی خانہ کا ڈیزائن

اب باورچی خانہ کے لئے چھوٹی جگہ کوئی بڑا  مسئلہ نہیں رہا۔ آج کے جدید دور میں چھوٹے سے باورچی خانہ میں ضرورت کی ہر چیز کو ترتیب دیا جا سکتا ھے۔ جیسا کہ آپ اس ماڈل میں دیکھ سکتے ہیں کہ کیسے چھوٹی سی جگہ کو ضرورت کی ہر چیز سے مزین باورچی خانہ ڈیزائن کیا گیا ھے۔

3۔ کالمی طرز کا باورچی خانہ

جگہ کی کمی ہر گھر کا بنیادی مسئلہ رہتا ھے، اگر آپ کے پاس باورچی خانہ کے لئے خاطر خواہ جگہ نہیں ھے تو آپ راہداری میں باورچی خانہ کا انتظام کر سکتے ہیں۔ دیوار کی ایک طرف آپ کالمی طرز پر کاؤنٹر لگا کر باورچی خانہ کا خاکہ تشکیل دے سکتے ہیں۔ کاؤنٹر کے نیچے درازیں اور الماریاں نصب کر کے روز مرہ استعمال کی چیزوں کو محفوظ کر کے باورچی خانہ کی بے ترتیبی کو سلیقے سے سجاوٹ میں تبدیل کر سکتے ہیں۔

4۔ سفید رنگ نفاست کا اعلیٰ معیار

سفید رنگ کو نفاست کا مظہر سمجھا جاتا ھے اگر آپ اپنے باورچی خانہ کو صاف ستھرا اور سلیقے سے سجا ھوا خوبصورت دیکھنا چاہتے ہیں تو اسکی الماریوں، درازوں اور دیواروں پر سفید روغن کرا دیں اس سے آپ کا باورچی خانہ صاف ستھرا اور دلکش نظر آئے گا۔اور چھوٹی جگہ ھونے کے باوجود کشادہ نظر آئے گا۔

5۔ چمنی کی صحیح جگہ

اپنے باورچی خانہ میں گرمی تپش اور مصالحہ جات کی بُو کو باہر نکالنے کے لئے چمنی کا استعمال نہائت ضراوری ھوتا ھے۔ اس مقصد کے لئے چمنی کو صحیح جگہ پر لگانا بہت ضروری ھوتا ھے۔ خاص کر جب آپ کا باورچی خانہ سائز میں چھوٹا ھو تو اس کی اہمیت اور بڑھ جاتی ھے۔چمنی کو ہمیشہ چولہے کے عین اوپر لگائیں تا کہ کھانا پکانے کے دوران اُٹھنے والی بھاپ اور تپش چمنی کے ذریعے سیدھے باہر کو نکل جائے۔

6۔ باورچی خانہ کو دلفریب اور کشادگی پیدا کرنے کے لئےرنگوں کا خوبصورت انتخاب

کسی بھی جگہ کو دلکش بنانے میں رنگوں کا کردار نہائت اہمیت کا حامل ھوتا ھے۔ باورچی خانہ میں رنگوں کا انتخاب آپ کے ذوق کی عکاسی کرتا ھے۔ جیسا کہ اس تصویر میں سفید اور جامنی رنگ کا حسین ملاپ باورچی خانہ کی دلکشی اور خوبصورتی میں بے پناہ اضافہ کے ساتھ ساتھ کشادگی بھی پیدا کر رہا ھے۔ 

7۔ خوبصورت نقش و نگا ری کے ساتھ باورچی خانہ میں وسعت

خوبصورت رنگوں کے ساتھ ساتھ اپنے باورچی خانہ کی دلکشی میں اضافہ کے لئے آپ شاندار قسم کے  نقش ونگار بھی استعمال میں لا سکتے ہیں۔ اس سے باورچی خانہ میں جدت اور خوبصورتی پیدا ھوتی ھے۔ اگر آپ باورچی خانہ میں مزید وسعت لانا چاہتے ہیں تو چولہے کا چھاوٹا کاؤنٹر باورچی خانہ کے درمیان مین نصب کریں اس سے کام کرنے کے لئے کھلی جگہ دستیاب ھوگی۔

8۔ چھوٹے باورچی خانے میں برتنوں کو محفوظ کرنے کا روائتی انداز

اگر آپ کے باورچی خانے میں الماریاں رکھنے کی گنجائش نہیں ھے تو آپ برتنوں اور روزمرہ استعمال کی چیزوں کو سٹور کرنے کے لئے کھلی شیلفوں کا سہارا لے سکتے ہیں۔ اس کے علاوہ برتنوں کو دیوار کے ساتھ ہک لگا کر ٹانک بھی سکتے ہیں ۔یہ طریقہ روائتی اور دیہاتی سٹائل کے زمرے میں آتا ھے۔

9۔ بے ترتیبی اور گندگی سے بچنے کے لئے ہر چیز کو اپنی جگہ پر رکھیں

کسی بھی باورچی خانے میں گندگی اور بے ترتیبی ایک بڑا مسئلہ رہتا ھے، اس مسئلے سے بچنے کے لئے باورچی خانہ کی ہر چیز کو اپنی مقررہ جگہ پر رکھیں۔ جیسے چمچوں، چھریوں اور کانٹوں کے لئے دراز کو مختلف حصوں میں تقسیم کر کے استعمال کریں اور ہر ایک چیز کے لئے الگ الگ خانہ بنا کر انہیں سٹور کریں۔اس طریقہ کا ر سے بے ترتیبی نہیں پھیلے گی اور باورچی خانہ صاف ستھرا اور  کشادہ نظر آئے گا۔

10۔ چھوٹے باورچی خانے کو کشادہ بنانے کے لئے U شکل کا دلکش ڈیزائن

classic Kitchen by deVOL Kitchens
deVOL Kitchens

The SW1 Kitchen by deVOL

deVOL Kitchens

چھوٹے باورچی خانہ کو زیادہ فعال اور خوبصورت بنانے کے لئے U سائز کا ڈیزائن بہت مقبول ھے۔ اس انداز کے ڈیزائن کی مدد سے آپ بہت کم جگہ میں زیادہ الماریاں اور درازیں استعمال میں لا سکتے ہیں۔ یہ ایک جدید مگر پُرکشش سٹائل ھے جو کہ زیادہ تر باورچی خانوں میں استعمال میں لایا جاتا ھے۔

11۔ باورچی خانے کا کثیر المقاصد کاؤنٹر

classic Kitchen by Harvey Jones Kitchens
Harvey Jones Kitchens

Shaker kitchen by Harvey Jones

Harvey Jones Kitchens

باورچی خانہ کے کاؤنٹر کو زیادہ فعال بنانے کے لئے آپ اس کے ایک طرف باورچی خانہ میں اسعمال ھونے والی چیزوں کو سٹور کریں جب کہ دوسری طرف جو کہ مہمانوں کی طرف نظر آ رہی ھو اس میں چھوٹی سی لائبریری تشکیل دے دیں جس میں آپ کھانے پکانے کی تراکیب کی کتابیں بھی رکھ سکتے ہیں اور مہمانوں کے ذوق کے مطابق دلچسپ کتابیں بھی رکھ سکتے ہیں۔ باورچی خانے کا یہ انداز آپ کی سوچ اور ذوق کی عکاسی کرے گا۔

12۔ فعال الماری کے ساتھ چھوٹا مگر دلچسپ انداز

minimalistic Kitchen by Hallwood Furniture
Hallwood Furniture

Kitchen in a box!

Hallwood Furniture

اگر آپ کا باورچی خانہ نہائت ہی مختصر سائز کا ھے تو پریشان ھونے کی ضرورت نہیں۔ آپ اس میں استعمال ھونے والی الماری کو مزید فعال بنا سکتے ہیں۔ جیسا کہ آپ اس تصویر میں دیکھ سکتے ہیں کہ کس طرح اس الماری کے دروازوں پر چھوٹی چھوٹی شیلفیں بنا کر اسے زیادہ فعال اور خوبصورت بنایا گیا ھے۔ یہ چھوٹا مگر شندار اور خوبصورت انداز ھے۔

modern Houses by Casas inHAUS

Need help with your home project? Get in touch!

Discover home inspiration!