Corridor & hallway by arbol

اپنے گھر کے دالان کو سجانے کے ۱۰ کامیاب اور خوبصورت آئیڈیاز

Shahtaj Shahtaj
Loading admin actions …

دالان کسی بھی گھر کا بنیادی حصہ ہے جو کہ گھر کو اور اسکی  اندرونی و بیرونی حالت کو نمایاں کرتا ہے۔ کسی بھی گھر کی صٖفائی اسکی بناوٹ اور رنگوں کا انتخاب دالان کو دیکھ کر کیا جاسکتا ہے کہ صاحب خانہ کا ذوق کیسا ہے۔ اور وہ گھر کی بناوٹ اور آرائش میں کس حد تک دلچسپی لیتے ہیں۔ ہر گھر میں دالان مختلف حساب کے ہوتے ہیں، کہیں بڑے اور کہیں چھوٹے۔ اب ہ رہنے والے پر منحصر ہے کہ اس حصے کو کس طرح نمایاں کرے کہ وہ نہ صرف وسیع اور کشادہ نظر آئے بلکہ اسکی سجاوٹ بھی آنکھوں کو اچھی محسوس ہو۔ بلکہ اسکی اسکی تزئین و آرائش بھی ایسی ہو کہ آنے والے مہمان پر اسکا اچھا اثر پڑے اور صاحب خانہ کے گھر کے معاملے میں انکی پسند، ناپسند کا معیار بھی نمایاں ہوسکے۔ ویسے تو یہ کام ایک اچھے معمار کا ہونا چاہئے لیکن اس مراسلے کو پڑھنے کے بعد آپ بھی اس قابل ہو جائینگے، تو آئیے دیکھتے ہیں کہ ایک اچھے گھر کے دالان کو کیسا ہونا چاہئے!

۱۔ سفید رنگ میں

 Corridor & hallway by wohnhelden Home Staging
wohnhelden Home Staging

Altbauwohnung Verkaufs-Optimierung2

wohnhelden Home Staging

دیواروں پر کیا گیا ہلکے رنگ کا پینٹ سفید دروازوں کے ساتھ چھوٹے دالان کو نمایاں کرتا ہے، ساتھ میں بڑی فریم میں تصویر اور ایک شیلف کے ساتھ چھوٹا شیشہ اسکو سادہ اور پروقار بنا رہا ہے۔

۲۔ سر سبز

 Corridor & hallway by arbol
arbol

House of Nishimikuni

arbol

کتھئی رنگ کا ماربل کا فرش اور اسی رنگ کے دروازے اور دیواروں پر بھی ہلکا رنگ اور سامنے کی طرف دو دیوار گیر شیشے جوکہ شوکیس نما ہیں جوکہ مچھلی گھر کی طرح پانی سے بھرے ہوئے ہوں اور اسکے اندر پتھر اور ہری بھری بیلیں لگا کر انکی خوبصورتی میں اضافہ کیا گیا ہے۔

۳۔ سادگی

اس دالان میں ہلکے رنگ کی ٹائلوں کا فرش اسے کافی روشن دکھا رہا ہے اور اسکے آمنے سامنے چوڑے لکڑی کے دروازوں کے علاوہ پلاسٹک یا شیشے کے دروازے اندر چوڑی جگہ چھوڑ کر گہرے اور ہلکے نیلے رنگ کے لگائے گئے ہیں اور ان پر ایک طرف تھوڑی کچی زمین رکھی گئی ہے غالباََ صاحب خانہ ان پر کچھ اگانے کا ارادہ کئے ہوئے ہیں۔

۴۔ دلکش

کسی بڑے گھر یا بنگلے کا دالان جہاں سفید اور سرمئی رنگ کے امتزاج کے اندر اسٹیل کی ریلینگ کے ساتھ نیچے جاتی سیڑھیاں اور اوپر کہیں گملے اور ان پر لگے نازک سے پودے اور دیوار پر آویزاں تصاویر دالان کے فرش پر ہلکے رنگ کی ٹائلیں اسکی جدت میں اضافہ کرتی ہیں۔

۵۔ شاندار اور انوکھا

ایک وسیع اور جدید دالان جس میں دیوان خانے اور کھانے کے کمرے کی سہولت پیدا کرنے کے بعد ایک حصے کو تین گلدان نما آرائشی اشیاء کے ساتھ دالان کی خصوصی سکل دے دی گئی ہے۔

۶۔ تنگ لیکن خوبصورت

اس دالان کو قدیم اور جدید دور کا رنگ دیا گیا ہے۔ دیوار پر نصب مختلف سائز کے پتھر اور چھت پر نصب چھوٹے بلب جس کی روشنی میں دالان کا رنگ مدھم نظر آتا ہے۔ فرش پر لگے پتھر بھی اسکو نیا رنگ دے رہے ہیں۔ آگے کی طرف دیوار پر جگہ رکھ کر شیشہ لگا دیا گیا ہے اور اندر مختلف طرح کی گھڑیاں اور سجاوٹ کی اشیاء سے الماری کو سجا دیا گیا ہے۔

۷۔ لمبائی میں حسن

دالان کے اندر داخل ہونے سے پہلے کونے میں رکھا گملا جس پر خوبصورت سفید یا ہلکے گلابی پھول اچھی استقبال کرنے کا منظر پیش کر رہے ہیں۔ ہلکے زرد رنگ کا فرش جسے چھت پر لگی روشنی کی چمک اچھی رح منور کر رہی ہے۔ ایک طرف لکڑی کی دیوار گیر الماری، دیککھنے والے کو متاثر کر دیتی ہے۔

۸۔ سفید اور سیاہ

 Corridor & hallway by Vogue Kitchens
Vogue Kitchens

The Cooke's

Vogue Kitchens

سفید رنگ کی دیواروں اور روشنی سے مزین یہ دالان جس پر سیاہ اور سفید ڈیزائن والا فرز بڑا اجلا ماحول بنا رہا ہے۔ ایک ریک میں رکھا پھولوں سے سجا گلداناور دو سیاہ فریم میں سجی تصاویر سیاہ سفید کا حسین منظر پیش کر رہا ہے۔

۹۔ لکڑی کا کمال

 Corridor & hallway by U.R.Q. Arquitectura
U.R.Q. Arquitectura

PASILLOS INTERIORES

U.R.Q. Arquitectura

لکڑی کے رنگوں سے مزین اس دالان کی ٹائلیں اور دیواریں بہت خوبصورت نظر آرہی ہیں، ہر کمرے کی کھڑکی دالان میں کھل رہی ہیں جس سے روشنی بھی اندر آرہی ہے اور دیواروں اور دروازوں کی یکساں رنگت اس میں فرق محسوس نہیں ہونے دے رہیں ہیں۔

۱۰۔ سادہ اور نفیس

دیواروں پر نیچے اوپر بنی ہوئی درز سے آتی روشنی اندھیرے کا احساس نہیں ہونے دے رہی اور دوسری طرف گہرے کتھئی رنگ کی بنی الماریاں اپنے اندر ہر پھیلاوا سمیٹے ہوئے ہے جس سے وہ چھوٹا دالان بھی کشادہ نظر آرہا ہے۔

بالکنی کے بارے میں مزید جانیں: ۱۴ خوبصورت بالکنی اور زبردست پیش گاہیں جسے دیکھ کر آپ غش کھا جائینگے

modern Houses by Casas inHAUS

Need help with your home project? Get in touch!

Discover home inspiration!