by Button & Sprung

گھر کی سجاوٹ میں پلنگ پوش کا کردار

زنیرہ رئیس زنیرہ رئیس
Loading admin actions …

ہمارے ہاں شادیوں، تہواروں اور عیدین کا سلسلہ چلتا رہتا ہے اور اسی بہانے مہمانوں کی آمد و رفہوت اور ہلے گلے کا سماں بندھا رہتا ہے۔ تہواورں کا یہ سلسلہ اس بات کا متقاضی ہوتا ہے کہ گھرمیں بہت سے آرائشی عناصر کا اضافہ کیا جائے تاکہ وہ خوبصورت اور پُر تاثر لگے۔ ان میں آپکے گھر کے داخلی دروازے پر آویزاں سجاوٹ سے لیکر کھڑکیوں کی آرائش،دیواروں پر لگے فن پارے اور گھر میں جا جبا رکھی آرائشی اشیاء، نئے پردے یا صوفوں کی پوشش اور ہر خوابگاہ میں خوبصورت پلنگ پوش تک سب شامل ہیں۔ ہر چیز بہترین ہونی چاہئے اور اسکی آرائش اس طریقے سے کی جانی چاہیئے کہ وہ دیکھنے والوں کو دلچسپ اور دیدہ زیب لگے۔ روزمرہ میں استعمال ہونے والے پلنگ پوش کو اگر ایک خوبصورت ڈیزائن والے پُر آسائش پلنگ پوش سے تبدیل کر دیا جائے تو آپکی خوابگاہ کی کشش میں ایک دم اضافہ ہوجائے گا اور آپکے کمرے کو وہ رونق مِل جائے گی جسکا تقاضہ تہواروں کا موسم کرتا ہے۔  

سب چیزوں کو سمجھنا ضروری ہے

یہ بات یاد رکھیئے کہ صرف پلنگ پوش کا تبدیل کر لینا ضروری نہیں۔ آپکا پلنگ پوش کے کپڑے کی ساخت ، بناوٹ، پلنگ پوش کے کُل اجزاء، تکیوں کے غلافوں، مکمل بستر پوش ، کمرے کی بناوٹ اور آرائش کے بارے میں مکمل طور پر جاننا ضروری ہے۔ اسی صورت میں آپ ایک شاندار کمرہ تیار کرسکیں گے جو کہ نا صرف دیکھنے میں خوشگوار لگے بلکہ  تہواروں کے شایانِ شان تیار بھی ہو۔ اسی طرح چادروں کے مختلف نمونوں اور بناوٹ کے ساتھ ساتھ یہ جاننا بھی ضروری ہے کہ انکو استعمال کیسے کیا جائے۔ آپ بچوں کے کمرے کے لئے ایک سادہ دھاری دار ڈیزائن والے پلنگ پوش استعمال کر سکتے ہیں ۔ اسی طرح مختلف نمونوں والی چادریں ایک ایسے کمرے کے لئے مناسب رہتی ہیں جہاں آرائشی سامان کم استعمال کیا گیا ہو۔ مختلف النوع ڈیزائن کی مدد سے وہ کمی پوری ہوجاتی ہےجو آرائشی سامان یا دیواروں کی سجاوٹ میں کمی کی وجہ سے رہ جاتی ہے۔ 

بچوں کے کمرے میں دھاری دار چادورں کے استعمال کی ایک مثال

modern Bedroom by Clean Design
Clean Design

Kid's Bedroom

Clean Design

ایک ہی رنگ کا استعمال

اپنے کمرے کی خوبصورتی کو ایک ہی رنگ کے پلنگ پوش کے استعمال سے بڑھائیں۔ آپ کسی بھی گہرے رنگ کا استعمال کر سکتے ہیں مگر اگر آپکو ہلکے رنگ پسند ہیں تو سفید رنگ کا انتخاب بہترین رہتا ہے۔ ایک ہر رنگ کی چادروں کا استعمال اس وقت بہت بھلا لگتا ہے جب کمرہ آرائشی سامان اور دیواروں پر فنپاروں سے مزین ہو ۔ ایک ہی رنگ کا انتخاب پرانے کمروں میں بھی اچھا لگتا ہے ۔یہ ضرور یاد رکھیں کہ  یک رنگی پلنگ پوش کے ساتھ تکئے ڈئزائن دار ہوں۔ 

شوخی اور وقار ساتھ ساتھ

  by homify
homify

Tropical Night silk bed linen

homify

پھول چونکہ ویسے بھی خوشی اور رنگوں کی علامت ہوتے ہیں اسلئے انکی کسی بھی جگہ موجودگی خوشنمائی کا باعث بن سکتی ہے۔ یہی اصول پلنگ پوش پر لاگو ہوتا ہے۔ پھولدار نمونوں والی چادریں تہواروں کا سماں بنانے میں بہت مدد کرسکتی ہیں ۔ اگر آپ کے رہنے سہنے کے کمرے میں کوئی پلنگ یا تخت پوش پڑا ہوا ہے تو اسکے لئے تو پھولدار چادریں بہت مناسب رہتی ہیں ۔ اگر آپکو پھولدار ڈیزائن پسند ہیں مگر شوخ رنگوں کے دلداہ نہیں تو آپ ہلکے رنگوں میں بھی ایسے ڈیزائن کا انتخاب کرسکتے ہیں جیسا کہ اس تصویر میں دکھایا گیا ہے۔ 

وقار اور متانت کے لئے

modern Bedroom by Clean Design
Clean Design

Kid's Bedroom

Clean Design

اپنے کمرے کے خوبصورتی کو بڑھانے کے لئے کم ڈیزائن والی چادر کا استعمال کریں یا ہوں کہ لیں کہ کسی باوقار ڈیزائن کا انتخاب کریں ۔ مثال کے طور پر آپ کسی گول دائرہ نما ڈیزائن کا انتخاب کر سکتے ہیں خاص طور پر جب آپکا پلنگ مستطیل نما شکل کا ہو۔ 

پلنگ پوش کی ساخت اور بناوٹ

  by Gingerlily
Gingerlily

Rubans Gold silk cotton bed linen

Gingerlily

ڈیزائن اور نمونے کے انتخاب کے ساتھ ساتھ پلنگ پوش کے کپڑے کی بناوٹ اور ساخت کے بارے میں جاننا بھی بے حد ضروری ہے۔ بازار میں بہت سی اقسام دستیاب ہیں آپ اپنی پسند ، ضرورت اور بجٹ کے مطابق انتخاب کر سکتے ہیں۔ ان میں سے سب سے زیادہ مقبول، عام الاستعمال ،پائیداراور دیرپا کاٹن کی چادریں ہیں ۔ یہ ہرقسم کے کمرے اور مقصد کے لئے مناسب رہتی ہیں۔ 

اچھے معیار کی ریشم کی چادریں سالہا سال استعمال کی جاسکتی ہیں۔ کیونکہ ریشم قدرتی طور پر گرد مٹی ناگوار بدبو اور پسوؤں وغیرہ کو دور بھگاتا ہے۔ ان میں بھی بہت اقسام دستیاب ہیں جو کہ آپکے کمرے کو خوبصورت اور پُرکشش بنا سکتی ہیں۔ یہ تہواروں کے لحاظ سے بھی بالکل مناسب لگتی ہیں۔ 

modern Houses by Casas inHAUS

Need help with your home project? Get in touch!

Discover home inspiration!