Nursery/kid’s room by ARCO Arquitectura Contemporánea

بچوں کے کمرے کی ترتیب و سجاوٹ کے لئے ٢٠ بہترین آئیڈ یاز

FarzanaZahoor FarzanaZahoor
Google+

Request quote

Invalid number. Please check the country code, prefix and phone number
By clicking 'Send' I confirm I have read the Privacy Policy & agree that my foregoing information will be processed to answer my request.
Note: You can revoke your consent by emailing privacy@homify.com with effect for the future.
Loading admin actions …

جب ہم چھوٹے تھے تو ہمارا کمرہ ہمارا بیڈروم تو تھا ہی لیکن اس کے ساتھ ہی یہ ہمارے لئے ایک  بڑ ی پناہ گاہ بھی تھا -یہ کمرہ ہماری مرضی کے مطابق سیٹ تھا جہاں ہم ہوم ورک کرتے تھے ،کھیلتے تھے کودتے تھے اور اپنے خوابوں  میں کھو جاتے تھے-کسی بھی گھر میں بچوں  کے کمرے کی بہت  اہمیت ہوتی ہے- بچوں کے کمرے کی اہمیت کو دیکھتے ہوے یہ ضروری ہے کے ان کا کمرہ گھر کے باقی کمروں سے الگ اور خاص طور سے بچوں کی عمر اور رحجان کو مد نظر رکھتے ہوے سیٹ کرنا چاہے -بچے اپنے کمرے سے بہت محبت کرتے ہیں اور حقیقت بھی ہے کے یہ کمرے  ان کی ہی ملکیت ہوتے ہیں-

بچوں کے کمروں کو بہترین طریقے سے ترتیب دینے کے لئے ہم اپ کو ٢٠ بہتیرن آئیڈیاز سے روشناس کروا رہے ہیں جو ہر عمر کے بچوں کو مد نظر رکھتے ہوئے بنائے گئے ہیں-

١- بچوں کی دلچسپیوں کو کیوں مد نظر رکھنا چاہیے ؟

جوبچے بہت چھوٹے نہ ہو اور اس قابل ہوں کہ اپنے کمرے میں تنہا رہ سکتے ہیں ان کے کمرےکی ترتیب اور آرائش اس طرح کرنی چاہیے کہ انکی دلچسپیاں اور مشاغل ان کے کمرے میں ہی مہیا کر دیئے جائیں اس طرح بچے مثبت سرگرمیوں میں مصروف رہیں گے اور کمرے میں اچھا وقت گزار سکیں گے-

کچھ بچے ایسے بھی ہوتے ہیں جو کمرے میں تنہا بیٹھ کر اپنے آپ کو نقصان پہنچا سکتے ہیں بچوں کے مزاج کو سمجھتے ہوئے کمرے میں ایسی چیزیں نہ رکھی جائے کہ بچہ اپنے آپ کو نقصان پہنچا لے-

٢- بلندی پر پڑھنے کا شوق

 Nursery/kid’s room by AParquitectos
AParquitectos

Recámara niña con pared de escalar

AParquitectos

بچے جب ذرا بڑے ہوتے ہیں تو اچھلنے کودنےاور  بلند جگہ سے چھلانگ لگانے میں بے انتہا دلچسپی لیتے ہیں بچوں میں کھیلنے کودنے کا رجحان فطری طور پر پایا جاتا ہے بچوں کے کمرے میں اونچے پلنگ یا ایسی ہی اور چیزیں ہوں تو وہ اچھل کود سے اور کھیل کود سے اپنے کمرے میں مصروف رہیں گے-

٣- بڑی عمر کے بچوں کے کمرے

چھوٹے بچے دھاگ گاڑ اور کھیل کود سے لطف اندوز ہوتے ہیں لیکن جب یہی بچے ذرا سمجھدار ہوتے ہیں تو ان کے مشاغل بھی تبدیل ہوجاتے ہیں کمرے میں کھیلنے کودنے اور  بھاگ دوڑ کرنے کے بجائے  یہی بچے لکھنے پڑھنے میں زیادہ توجہ دینے لگتے ہیں اس عمر میں بچوں کی دلچسپی اور شوق کو دیکھتے ہوئے والدین کو چاہیے کہ ان کے کمرے میں ان بچوں کی پسند کی چیزیں میسر کریں تاکہ بچے اپنے شوق کے مطابق مثبت کاموں میں مصروف رہیں۔

٤- بچپن کے خواب اپنے مستقبل کے بارے میں-

بچوں کے اپنے مستقبل کے بارے میں کچھ خواب ہوتے ہیں کچھ بچے ڈاکٹر بننا چاہتے ہیں کچھ انجینئر بننا چاہتے ہیں کوئی سائنسدان بننا پسند کرتا ہے کسی کو پائلٹ بننے کا شوق ہوتا ہے اور کسی بچے کی خواہش ہوتی ہے کہ وہ بڑا ہوکے سائنس دان بنے بچوں کے ان رحجانات کو دیکھتے ہوئے ان کے کمرے میں ایسی ہی اشیاء استعمال کرنی چاہیے جوان کے شوق کے مطابق ہوں-

٥- آرائشی چیزوں کا استعمال

بچوں کے کمرےکی سیٹنگ ہو یا کمرے کی آرائش آپ فرنیچر کا انتخاب کریں یا کمرے میں پینٹنگز سجائیں بچوں کے کمرے کے لیے کشن لائیں یا پھر قالین بچھائیں اس بات کا دھیان رکھیں کہ ان سب چیزوں کا اثر بچے کی شخصیت پر ضرور پڑے گا کمرے کے ہر چیز بچے کے ذہن کو ضرور متاثر کرے گی -یہی وجہ ہے کہ بچوں کے کمرے کی تمام چیزوں کے انتخاب میں انتہائی ذمہ داری اور سمجھداری سے کام لیں-

٦- گڑیا کا گھر

بچیوں میں گڑیوں سے کھیلنے کا بے انتہا شوق پایا جاتا ہے ایک پیارا سا گڑیا کا گھر ہربچی کی خواہش ہوتا ہے اوریقینا ایک گڑیا کا گھر کسی بھی بچی کی دلچسپی اور کمرے میں مثبت سرگرمی کے لیے بہترین ہے- لڑکیوں کے کمرے میں گڑیا ،گڑیا کا گھر اور اسی قسم کی دیگر اشیاء موجودہوں گی تو وہ اپنے کمرے میں بہت اچھا وقت گزاریں گی-

٧- تخلیقی سرگرمیوں کا انتخاب

 Nursery/kid’s room by MARIANGEL COGHLAN
MARIANGEL COGHLAN

Recámara infantil con mesa de trabajo

MARIANGEL COGHLAN

پندرہ سال کی عمر تک کے بچوں کے کمرے میں ایک ایسی میزضرور ہونے چاہیے جہاں بیٹھ کر وہ اپنے تخلیقی کاموں میں وقت گزار سکے یہ بچے  مستقبل میں یقینا  ملازمت کی ذمہ داریوں میں مصروف ہوجائیں گے اس لیے بہتر ہے کہ آپ ان کو ابھی سے ایک منظم طریقے سے کام کرنے کی عادت ڈال سکتے ہیں- بچے کے لئے یقینا یہ ایک بہت بڑی بات ہو گی کہ وہ اپنا وقت اچھے طریقے سے استعمال کرے-

٨- پچبن سے جوانی

جب بچہ بلوغت کی عمر کو پہنچتا ہے تو اسکے اندر بہت سی تبدیلیاں رونما ہوتی ہیں -ان تبدیلیوں کی وجہ سے بچہ بچپن کے مشاغل کے بجائے نئی چیزوں میں دلچسپی لینی شروع کر دیتا ہے-عمر کےحساب سے بچے کے رجحانات میں بھی تبدیلی پیدا ہوتی ہے یہی وجہ ہے کہ بڑی عمر کے بچوں کا کمرہ بھی ان کے رجحان کے مطابق نئے انداز سے ترتیب دیا جائے-

٩- رنگوں سے محبت

 Nursery/kid’s room by MARIANGEL COGHLAN
MARIANGEL COGHLAN

Recámara infantil niña

MARIANGEL COGHLAN

بچے رنگوں سے بھرپور لطف اٹھاتے ہیں- نیلے پیلے ہرے سرخ جامنی ہر بچے کے کچھ پسندیدہ رنگ ہوتے ہیں بچوں کی پسند کے رنگوں کو ان کے کمرے میں ضرور استعمال کریں – جامنی نیلا گلابی چورنگ بھی بچے کو پسند ہو کو مدنظر رکھتے ہوئے کمرے میں استعمال ہونے والی چیزین لائیں اور بجائے پریشان ہونے کے اپنے بچوں کے پسندیدہ رنگوں سے لطف اٹھائیں-

١٠- رینگنا بچوں کا مشغلہ

بچپن کی ابتدائی عمر میں بچوں کو فرش پر رینگنے میں بہت لطف آتا ہے ان کی عمر اور اس مشغلے کو دیکھتے ہوئے آپ اپنے بچوں کے کمرے میں نرم  قالین کم فرنیچر اور عمدہ کھلونوں کا انتخاب کریں-

١١- کہانیوں اور قصوں کے کردار

کہانیاں اور قصے سننے کے لئے تقریبا ہر بچہ بے قرار رہتا ہے خاص طور پر لڑکیاں شہزادوں اور شہزادیوں کی کہانیاں پڑھنے اور سننے کی بے انتہا شوقین ہوتی ہیں- سینڈریلا اور سنووائٹ جیسی کہانیاں لڑکیاں بے انتہا پسند کرتی ہیں- جبکہ لڑکوں کے لئے سپرمین، ٹارزن اوربیٹ مین کے کردار بہت اہم ہیں- بچوں کے کمرے میں ان کرداروں سے متعلق چیزوں کا استعمال کیا جائے توبھی بچے بہت خوش ہوتے ہیں-

١٢- سفید رنگ سے بچوں کا کمرہ سجائیں

اگرچہ آپ نہیں سمجھتے کہ سفید رنگ بچوں کے لیے اچھا ہوتا ہے لیکن یہ حقیقت ہے کہ یہ نہایت عمدہ رہے کیونکہ بچہ اس رنگ میں ہر چیز نہایت واضح اور نمایاں طور پر دیکھ سکتا ہے- یہی وجہ ہے کہ سفید رنگ کے استعمال سے آپ کا بچہ بہت سکون اور آرام محسوس کرے گا -

١٣- بچے کی شخصیت میں رنگ بھریے

 Nursery/kid’s room by homify
homify

PROPUESTA 1

homify

اگرچہ چند مہینوں کا بچہ کسی شخصیت کا حامل نہیں ہوتا لیکن بچے کی عمر کے ساتھ ساتھ اس کی شخصیت بننا شروع ہو جاتی ہے والدین کی طرف سے کمرے میں جس قسم کی ترتیب اور رنگ استعمال کئے جائیں گے ان کا بچے کی شخصیت پر گہرا اثر ہوگا یہی وجہ ہے کہ بہترین حکمت عملی اختیار کیجئے اور اپنے بچے کی شخصیت میں بہترین رنگ پر کیجئے-

١٤- پسندیدہ کارٹون کا انتخاب-

بچوں کے پسند کے کارٹون ان کی دلچسپی کا بہت بڑا محور ہوتے ہیں ہر بچے کی پسند کے مختلف کارٹون ہوتے ہیں جن سے وہ لطف اٹھاتا ہے اور کارٹون موویز دیکھ کر بہت خوش ہوتا ہے ان کارٹونز کو بچوں کے کمرے میں استعمال کیجئے یقینا آپ کا بچہ بہت خوش ہوگا اور ایک مثبت سرگرمی پیدا ہوگی-

١٥- بچوں میں تحریک پیدا کریں

بچوں کے کمرے میں ایسی چیزیں ضرور ہوں جن سے ان کی سوچ اور عمل میں مثبت تحریک پیدا ہو- گنتی کا فریم، الفاظ سکھانے کا کھلونا رنگوں  کی کتاب اس کی مثالیں ہیں-

١٦- خلائی چیزوں سے کمرے کی آرائش

وہ بچے جن کو خلائی سفر، خلائی معلومات اور خلائی چیزوں میں شوق ہے کے کمرے کی آرائش میں ان تمام چیزوں کا استعمال یقینا بہترین حکمت عملی ہوگی- اور بچہ اپنی پسند کی چیزیں دیکھ کر مثبت سوچ کا حامل بنے گا-

١٧- نقل وحمل کی چیزوں سے کمرے کی سجاوٹ

 Nursery/kid’s room by OLLIN ARQUITECTURA
OLLIN ARQUITECTURA

RECAMARA NIÑO

OLLIN ARQUITECTURA

بعض بچے نقل و حمل کی چیزوں میں بہت دلچسپی رکھتے ہیں-کاروں کے ماڈل اور جہازوں کے بارے میں معلومات عام طور پر لڑکوں کا پسندیدہ موضوع ہوتا ہے – ایسی دلچسپی رکھنے والے بچوں کے کمرے کو اگر کاروں، جہازوں اور کشتیوں وغیرہ کی تصویروں اورماڈل سے سجایا جائے تو بہت اچھا اثر پڑتا ہے-

١٨- روایت اور شخصیت

عام طور پر بچہ اپنے والدین کے ساتھ سوتا ہے- لیکن جب بچہ ذرا بڑا ہو جاتا ہے تووہ الگ اپنے کمرے میں رہنا چاہتا ہے -جب تک آپ بچے کا کمرہ تیار نہیں کر سکتے تو کوئی مضائقہ نہیں اپنے بچے کو مہمان خانے میں منتقل کر دیجئے- اگرچہ یہ کمرہ بچے کے لحاظ سے تیار نہیں ہے لیکن یہ بچے کے لیے اہم بات ہے کہ وہ الگ اپنے کمرے میں رہ رہا ہے اس سے بچے کی شخصیت پر بہت اچھا اثر پڑتا ہے-

١٩- بچے کو بتدریج اپنے سے الگ کیجئے

بچے اپنے والدین کے ساتھ سونے کے عادی ہوتے ہیں اور یہ ان کے لیے مشکل ہوتا ہے کہ وہ الگ کمرے میں سوئیں یہ ضروری ہے کہ اپنے بچوں کے لیے آپ اپنے کمرے میں ہی ایک کونہ مخصوص کردیں جہاں اس بچے کی ہر چیز موجود ہو تاکہ اس کے اندر اپنی جگہ کے استعمال کا صحیح احساس پیدا ہواور وہ الگ کمرے میں رہنے کے لئے تیار ہوجائے-

٢٠- بچوں کے کمروں میں بتدریج تبدیلی ضروری ہے

آخرمیں والدین کو یہ بھی یاد رکھنا چاہیے بچوں کے کمروں کی ترتیب و آرائش میں عمر کے لحاظ سے تبدیلی نہایت ضروری ہے- بچے جب بڑے ہو جاتے ہیں تو ان کے کمروں میں تبدیلی بھی ان کے شوق اور عمر کے مطابق ہونی چاہیے-ایک وقت ایسا بھی ہوتا ہے کہ بڑنےبچوں کے لئے اپنے بیڈ روم  صرف یاد بن کر رہ جاتے ہیں-

 Houses by Casas inHAUS

Need help with your home project? Get in touch!

Discover home inspiration!